رسبت في كل مواد خطة ب و المستوى الاول في الانقلش عدتها مرتين هل يفصلوني ؟

[اسماءمحمد]

السلام عليكم


انا حاليا دا الترم في خطة a
الترم الي فات كنت في خطة b

رسبت في كل المواد ماعدا الكيمياء جبت فيه d

والإنجليزي عدت المستوى الاول مرتين وكلها رسبت فيها

و ذا الترم حتكون عندي مواد خطة a و الانقليزي المستوى الاول

اكمل دا الترم و الا اعمل طَي قيد ؟

لانو سمعت طراطيش كلام انو اذا رسبت في المستوى الاول للمرة الثالثة يعملون لي فصل نهائي

و صراحة انا ماني ضامن نفسي لانو انقليزيتي ضعيفة

[عبدالله محمد الحازمي]

وعليكم السلام

عشان تتأكدي مزبوط روحي للمعهد الانجليزي وأسأليهم لا تسمعي للبنات ترى معضمهم محبطات أنتبهي

الجامعه تفصل إذا نزل المعدل عن 2 ويقطعو عنك المكافأة ولازم ترفعي المعدل وخذي ترم صيفي وخلصي المواد ورب الكعبة انا كنت في خطة ب ونزل معدلي صار 1.93 على ما اعتقد المهم انه تحت 2 رسبت في الاحياء والكيمياء

وشديت حيلي في الترم الثاني وجبت في الرياضيات والفيزياء معدل طيب وارتفع معدلي واخذت الاحياء والكيمياء في الصيفي وجبت فيها معد عالي وارتفع معدلي

وتخصصت في الاحياء برغبتي وذحين معدلي 4 ايش رايك معنو سألت ناس كثير كلهم يقولو ليه اسحب من الجامعه وأنا كنت اداوم في فرع عسفان

اتمنى انك تنتبهي لنفسك عشان لاتتحطمي

وشكرا

[سلطان المالكي]

أنا بعد كنت كذا رسبت بالرياضيات الفيزيا والاحصاء والكيمياء وكان معدلي 2 بالضبط واخذتها صيفي وترم أول وعديتها وتخصصت وتخرجت بمعدل فوق 4 يعني السقوط بالتحضيري مو نهاية الحياة أحيانا يرسم بداية جديدة وقوية وحافز قوي

[حربية]

وعليكم السلام

والله يا أسماء ما عندي فكرة ، بس بقولك وما يخفى عليكِ إنه الانجليزية رح ترافقك إلى التخرج دامك علمي
كوني صريحة مع نفسك .. إذا تشوفين إنك مو قادرة ؛ حوّلي إداري لا تضغطين على نفسك

وإذا انت عندك استعداد تشدين حيلك وتطورين من لغتك ؛ أبدا لا يوقفك شي مافي مستحيل والشباب هنا دليل ما شاء الله شوفي تجاربهم وزيهم كثير

كل التوفيق

[اسماءمحمد]

ان شاء الله باحول اداري بس المشكلة انو لازم اكمل هالسنة عشان أتخصص تخصصات ادارية
او اسحب و ادخل السنة الجاية بس خايفة يرفعوا النسب

عموما شكرًا لكم جميعا يعطيكم العافية