نداء للاخ طارق رجاءً...

[حمد الغامدي 2009]

السلام عليكم ورحمة الله وبركاته

انا كتبت في العنوان نداء لك اخوي طارق لاني اعتبرك دكتور الله يعطيك العافيه على كل شي قدمتاه وقاعد تقدمه لي ولغيري من المنتسبين وجعلها الله في موازين حسناتك لاني والله استفدت منك الشي الكثير بعد الله سبحانه .
اخوي طارق عندي شوية اسأله ماني عارف .....وش اسوي فيها
انا طال عمرك ماشي معاك في الجدول تقريباً من السنه الثانيه حتى السنه اللي راحت حطيت نفس جدولك في الترمين بس عندي اشكاليه في ثلاث مواد مادتين انقلش من السنه التحضيريه ماعدتهاومادة أساسيات الادارة المالية مدري كيف راحت عليه مانزلتها.
عندي مواد الانجليزي من السنه التحضيريه 101 و102 وفي المواد المتبقيه من الخطه الدراسيه فيه مادة انجليزي 100 و110 مدري هيه نفس المواد ولا تختلف عن بعض...؟ واذا فيه اختلاف وش اللي لازم اختبرفيه المتبقيه في الخطه الدراسيه ولا اللي ماعديتها من السنه التحضيريه...؟
الشي الثاني اخوي طارق بخصوص الجدول وش تنصحني ....؟
احط نفس جدولك ولا انزل اي وحده من المواد هذي وخاصه اني ماني عارف اذا فيه ساعات اضافيه الترم هذا او الترم الثاني, اما بخصوص الانجليزي والله ماعندي سالفه فيه مع ان معدلي الحمد الله تمام3.73 بس الانجليزي هذا اعتبره شغله بحد ذاته بس ماعندي مشكله انزله الترم هذا الله يعين وبعد مشورتك...؟وبخصوص اساسيات الادارة الماليه ماعندي مشكله فيها.
وش تنصحني اخوي طارق بخصوص هذي المواد وبخصوص الجدول لاني بصراحه اثق فيك وماراح اسوي الا الشي اللي تنصحني فيه الله يجزاك خير...؟ انتظر ردك يالذيب

[tariq_101]

وعليكم السلآم ورحمة الله وبركآته .

الله يعآفيك أخوي حمد وأشكرك على الثقه . وشهآدة أعتز فيهآ ووسآم على صدري من أجمل دفعة 2010

وأعذرني على التأخير . أعمل في شغلآت لهآ الترم (:

والله يوفق الجميع .


أخوي حمد الآن سآعآتك المكتسبة 86 سآعة . وعشآن تتخرج في هذه السنة مابينفع تكون نفس جداولنا . يفضل إضآفة 18 سآعة في هذآ الترم .. والترم الثآني 24 سآعة .. عشآن تخلص المواد الخطة الدرآسية وتتخرج .. ومستحيل تضيف أكثر من 18 ساعه في هذا الترم

إمآ تآخذ ترم آخر السنة القآدمة . وتخفف من عدد سآعآت الترم الثآني لهذة السنه .. وأنآ مآ أنصحك تآخذ ترم آخر السنة القآدمة ويفرق أيضاً في إستلآم الشهآدة .. إن شآء الله في شهر 8 نستلم شهآدآت التخرج
أمآ المتخرج الترم الأول للسنة القآدمة يستلمهآ في شهر 4 . (الفرق 8 شهور) والله يعين

الآن أقترح عليك الجدول التالي لهذآ الترم :

الإنجليزي 1

أساسيآت الإدآرة المآلية

نظم معلومآت الموآرد البشرية

تطوير وتصميم وإدارة . ت . إنترنت

تطوير الموارد البشرية

التطوير التنظيمي


بالنسبة للإنجليزي نفسة لكن الرموز تغيرت فقط .. 101 هو 100 .. و 102 هو 110

الإنجليزي . لابد مدرس خصوصي . ومآدة أسآسيآت الإدارة المالية تكفي المتآبعة مع الأستآذ في الدورة

التأهلية السنترآ أو الحضورية .. وبقية الموآد نظرية . تآبع ملخصآتهآ


وأعتذر مجدداً ع التأخير

ووفق الله الجميع

[من جد جدو من زرع حصد]

الله يجزاك ألف خير أخوي طارق
أنا خلصت 79 وباقي ثقافة 3 وثقافة 4 وما اعرف هم بيعطوني ساعات أكثر من 18 الترم هذا أو لا وياليت تفيدني

[حمد الغامدي 2009]

الله يعطيك العافيه اخوي طارق على ردك وراح اعتمد اقتراحك إن شاء الله في جدولي وجزاك الله الف خير ...وفالك التوفيق والنجاح إن شاء الله