ابي تفيدوني عن الإتصال في المنظمات العامة الله يجعلها بميزان حسناتكم

[TOoooOVY]

مساء الخير على الجميع

اخواني انا حاب استفسر عن مادة الإتصال في المنظمات العامة pad 428

انا حاب اني انزلها الترم الصيفي هذا ان شاء الله ومتخوف منها

بس ابي ارائكم عن المادة وهل هي صعبة ولا سهلة وهل تنصحوني

اني انزلها الترم الصيفي هذا ام اخليها للترم الجاي (الفصل الأول من السنه الجاية)

واللي عنده ملخصات او اسئلة للمادة ياليت يدلنا عليها

واتمنى تفيدوني عن اي شي عن هذه المادة

علماً بأن هذه المادة اساسية عندي وليست حره او اختيارية

لأني (إدارة عامة) مسار (عام)

واللي راح يحضر الدوره في هذه المادة ياليت يعلمني

الله يجعلها بموازين حسناتكم اللهم آمين

وجزاكم الله الف خير

محبكم / TOoooOVY

[لا تحـــزن]

شف اخوي اذا ما حضرت الدورة مستحيل تنجح لأنه يعطي اللي يحضرون ويسوون بحث

ويشرحونه لطلاب الانتظام 40 درجة

يعني اذا يمديك تحضر الدورة لو ايام قليله يمديك تنجح فيها

بالنسبه لصعوبتها ترجع لحضور الدوره
بالتوفيق

[TOoooOVY]

مشكور اخوي لا تحزن وجزاك الله الف خير على المعلومة

بس اخوي لو حضرت الدورة بالترم الصيفي كيف اشرح لطلاب الأنتظام

والطلاب في اجازة اتمنى تفيدني يا الغالي وا اي احد عنده معلومه ياليت يفيدنا

ثاني شي وين الاقي ملخصات لها او المنهج وين احصله

علما بأني ما لقيت شي يتعلق بالمادة هذي بأكثر المننتديات

احس اني راح ادرسها لحالي

تحياتي لك

[لا تحـــزن]

طلاب الانتظام عندهم صيفي

وبالنسبه للملخص اذا حضرت الدوره بتعرف كل شيء عنها

[طالب مظلوم]

السلام عليكم ورحمة الله وبركاته


ماعندي اي خلفية عن المادة
بس عندي كم سأل لك، وياليت تجاوبني
انا تخصص اداره عامة - عام مثلك يعني
ابي اعرف ليش خترت هذا المسار ؟
وايش مجالات التوظيف فيه ؟
وهل فعلاً بالنسبة للتوظيف مسار العام اكثر وظائفه لأنه شامل وعام ؟
وايش افضل مسار في الادارة العامة ؟
،
انا دخلت هذا المسار بعد جلوس مع دكتور في الجامعة
ولكن من يوم شفتك اداره عامة - عام ومشاء الله في المستوى 7 قلت اكيد انت اللي راح يفيدني

انتظرك، واسف على الازعاج

،

[TOoooOVY]

مشكور اخوي لاتحزن وربي يجزاك كل خير

طالب مظلوم والله يا الغالي ما عندي خلفية عن الوظائف اللي تحتوي المسار العام

لكن بعد ما اجتمعت انا وكذا طالب عزمنا انو احنا ندخل مسار عام لأنه من اسمه عام يعني شامل

وانا من ناحيتي دخلت المسار هذا علشان ما يحكرني مسار معين او شي معين قلت خليني

اخذ مسار عام وفي تصوري انه يشمل اي شي يعني مثلا لو بتقدم على اي وظيفة يكون مسارك عام

مو محكور على مسار معين وبعدين يقولون لك لا انت مسارك كذا وكذا وهذا اللي خلاني ادخل المسار هذا

ومن ناحية افضل مسار في الإدارة العامه الله اعلم


تحياتي ،،،