الدورة التأهيلية لطـآلبـات الإنتسـآب..لمـوآد المستوى {السـآبع و الثـآمن}لعام 1432{2}

[nour al3mr]

{.. الــســلام عــليـكم ورحــمــة الله وبـركــاتــه .. }

طالبات المستوى الســآبع و الثــآمن الغـاليــــــات ..~

بإعتـبار أن الدورة المقرر إنعقـادهــــا لكــن ستبدأ يوم السبت 19/5/1431إلى 8/6/1432

سيكـــون هذا الموضوع بمثـابة تجمع لكــــــن لطـرح أبرز مادار حديثه في المحـاضرات ..


.......................................

المـواد المقـررة ...~

للمستوى السـآبع ..

التدريب العملي في الترجمة {براكتكم 1} lane462
اللغويات التطبيقية {آبلايد} lane423
علم الدلالة {سيمانتكـس} lane438
الشعـر {بويتري} lane447
النقد الأدبي {كريتسزم} lane446

---

للمستوى الثـآمن ..

التدريب العملي 2 lane463
شكسبيـرlane448
الأدب الحديث {مودرن}lane449
حلقة بحث في اللغويـآت {سيمنـآر}lane424
اللغويات الإجتماعية {سوسيو}lane422

قد يكون لدى البعض منكن مواد عـامة و حـرة..
لذلك ..تطرح أيضاً هنــــــآ ..

---

نقـاط مهمه يجب أخذهـــــا بالإعتبـار قبل الكتـابة و المشـاركة ..

1/ كتـآبة اسم المادة ورقمهــــآ ليسهل معرفتهـــــآ ..

2/ حذف التواقيــــــع لتقليل مسـاحه الصفحه و يسهـل التصفح..

3/ عند وجود استفسـآر فاليطرح هنــــــآ ..

{..تجمــع طـــآلبـــــــــــآت الإنتســــآب هنــــآ..}

5/ رابط به جميع الروابط المهمــــــة ..

░ فهــــرس قســـم اللغـــــآت الأوربية {مهـــــم للإطــــلآع من الجمـيع } ░ متجدد..~

6/ أن تحتوي الردود على أحد هذين الأمـرين ..

إمــــا إستفسـار عن شيء بخصوص المواد ..
أو أخبــــــار الدورة ..

عـدا ذلك فسيتم حذف الردود ..

وذلك ليسهـل لكم الحصول على المعلومات و تنظيم الموضوع ..
فبكثـرة الردود التي لا تحتوي على معلومـــات ستكثر الصفحات .. ويصعب البحث ..


مهم/

رابط الدورة التـآهيليـــــة هذا و للأعـوآم السابقة مع نماذج الأسئـلة تجدوهـ هنـــــــآ ..

░ المرجع لروابط الدورات التأهيليـــة للأعـــــوآم السـآبقــــة & لعام 1432 الفصل{2} ░




أرجو من الجميـع الإلتـزام ..

و أمنيـاتنـــا لكم بالتوفيق و النجــــــاح ..

دمتم في حفظ الكـريم ..~

[احلى الأماني]

صبايا بليز لاتضيع الردود والصفحات في استفسارات وشكر

خلو هالموضوع هو الزبدة للمحاظرات زي مايقولو



سيمانتكس

استاذة جديدة مدري ايش القرني مااعرفها بصراحة
اعطتنا فكرة عامة عن السيمانتكس وشرحت بشكل سريع كنقاط الشابتر 1/2
قالت مافية اختيارات لحد ماتتأكد من بقية الاستاذات
واذا بتجيب تعريفات واشياء بتكون واضحة تفائلت فيها بصراحة


بالنسبة للكتاب الشباتر 1/2 مقدمة
المهمة جدا 3/4/5 لانها لب الهرجة

6/7/8/ ماجابت خبرها للحين

[احلى الأماني]

الكركتسم

الكتاب تلاقوة بمكتبة الامين بأسم الاستاذة سهام فطاني للانتساب

تكلمت عن النقد وان اي كتابة في موضوع ادبي يعتبر نقد سواء بينتي الحسنات او العيوب في العمل الفني نفسوة

تكلمت عن الدفرنت سكولز

اما بتختص بدراسة العمل الفني نفسوة يعني التكست نفسوة من جميع النواحي وتفندوة وكل تدقيققها يكون بالعمل
او مدارس تختص بالكاتب لهذا العمل ونعرف كل شئ عنة وعن حياتوة

او مدارس بتختص بدراسة العالم او المحيط اللي انكتب فية هالعمل يعني اش صار بهديك السنة واش كان المجتمع يتبع ومشاكلوة وكدا

او مدارس بتدرس القراء والمستمعين


اللي قالتوة ماراح تركز على العلماء القديمين زي ارسطو وكدا
راح تعطينا المدارس الجديدة في النقد

الله يهديها طولت بالامثله وضيعت في الوقت شوي
على اي حال قالت اقرو 22 صفحة الاولى من الكتاب ضروري للمحاظرة الجية
وراح تأشر معانا بالكتاب بس لما نشتريه كلنا

[wed0o0]

شكسبيـرlane448

السلام عليكم ,,
كيفكم يابنات,,
اش رايكم في محاضرة شكسبير امس؟؟
بصراحة انا كنت مره متحمسه للمادة على بالي انها مع الـ د.عمر ,, للاسف حذفولي هي السمستر اللي فات رغم اني كنت حاستها سهللله وكنت مفائلة بالنجاح فيها
اما بعد اللي صار امس ,, ضاع نص الوقت في التنقل من كلاس للتاني وفي الدكتورة وهي تقول اسمك ايه ومين تقرا واذا محد قرأ ماتتكلم لحد ماتقوم وحده وتقرا ولو وحده كلمه!!
كانت المحاضرة عن شكسبير حياته ومؤلفاته ومكانته وحيستمر الكلام عنه هذا الاسبوع ,, "وهذا الشي كمان مااتوقعته لان مع الـ د.عمر مره ماركز على شكسبير نفسه لكن شرحلنا وفهمنا القصتين تمام "

بصراحه متردده اكمل معاها ولا احذف الماده ؟؟
انتو شو كان رايكم وانطباعكم عنها؟؟؟

[رحماك ربي]

السلام عليكم
الله يعطيكم العافيه يابنات الله يكتب لكم الأجر وييسر أمركم وأمرنا
أنا متابعه معاكم للأسف ما أقدر أحضر عطونا معلومات عن هالمواد
طمنوني الله يطمن قلوبكم
التدريب العملي في الترجمة {براكتكم 1} lane462
اللغويات التطبيقية {آبلايد} lane423


تحياتي

[الأمواج]

^^ الابلايد لم تحضر الأستاذة...
موفقة يارب..

[الأمواج]

المشاركة الأصلية كتبت بواسطة احلى الأماني صبايا بليز لاتضيع الردود والصفحات في استفسارات وشكر خلو هالموضوع هو الزبدة للمحاظرات زي مايقولو سيمانتكس استاذة جديدة مدري ايش القرني مااعرفها بصراحة اعطتنا فكرة عامة عن السيمانتكس وشرحت بشكل سريع كنقاط الشابتر 1/2 قالت مافية اختيارات لحد ماتتأكد من بقية الاستاذات واذا بتجيب تعريفات واشياء بتكون واضحة تفائلت فيها بصراحة بالنسبة للكتاب الشباتر 1/2 مقدمة المهمة جدا 3/4/5 لانها لب الهرجة 6/7/8/ ماجابت خبرها للحين

الأستاذة صالحة القرني..
نبهت أن كل اللي تعطينا اياه هو الزبدة وهو المهم...
وأنا بعد تفاءلت معها الأختبار راح يكون عرفي..اشرحي اذكر المقصود يعني تقريبا الاجابة زي بارقراف..
نبهت أننا كطالبات ادب انجليزي مفروض مافي اختيارات لكن هالقرار راح يتعدل إذا كلمت أستاذات القسم والمشرفة لانها اول مرة تعطي انتساب..
نبهت ان ممكن تشرح اي شيء مو مفهوم او ماغطته في المحاضرة في وقت ساعاتها المكتبية.
من 4.30 _5.30 في مبنى الجوهرة
ماذكر في المحاضرة بإيجاز:.
هناك في فرق بين :.literal & speaker meaning..
literal;.relation meaning-system words..
Speaker meaning;.behind words..


الهدف من دراسة السيمانتكس:. We study to understand human mind works to get information..to descripe meaning..

تقريبا هذا كل شيء ونبذة بسيطة عن شابتر 1-2 وراح نكمل بكرة بإذن الله..
بالتوفيق للجميع يارب..

[برونزروز]

الله يسعدكم اللي حضرت براكتيكم 2 تقولنا عن المحاضرة بجد قلقانة لاني ماحضرتها
ودي اعرف كيف توزيع الدرجات ومتى اخر موعد لتسليم التدريب
يعني كل شي قالته باختصار
والله يوفق الجميع

وبالنسبة لبراكتيكم 1 المحاضرة كانت رائعة كله من الكتاب نفسه حق الترم اللي فات وشرحت
what is the critical thinking
critical thinking involves:
why do we need the critical thinking?
Definition of critical thinking
the results of critical thinking
How to be critical thinker:
وذكرت من العلماء ومتى بدأ دا الشي اللي هو قبل الفين و500 سنة اللي هو بليتو وسقراط ....الخ
بصراحة المادة مرة حلوة معاها ويارب يوفقنا جميعا

[شودي]

بنات بليز فيه احد منكم عمل اي شي في بحث السيمنار مع استاذه منال

انا الصراحه جاري البحث

[miss nofa]

المشاركة الأصلية كتبت بواسطة wed0o0 شكسبيـرlane448 السلام عليكم ,, كيفكم يابنات,, اش رايكم في محاضرة شكسبير امس؟؟ بصراحة انا كنت مره متحمسه للمادة على بالي انها مع الـ د.عمر ,, للاسف حذفولي هي السمستر اللي فات رغم اني كنت حاستها سهللله وكنت مفائلة بالنجاح فيها اما بعد اللي صار امس ,, ضاع نص الوقت في التنقل من كلاس للتاني وفي الدكتورة وهي تقول اسمك ايه ومين تقرا واذا محد قرأ ماتتكلم لحد ماتقوم وحده وتقرا ولو وحده كلمه!! كانت المحاضرة عن شكسبير حياته ومؤلفاته ومكانته وحيستمر الكلام عنه هذا الاسبوع ,, "وهذا الشي كمان مااتوقعته لان مع الـ د.عمر مره ماركز على شكسبير نفسه لكن شرحلنا وفهمنا القصتين تمام " بصراحه متردده اكمل معاها ولا احذف الماده ؟؟ انتو شو كان رايكم وانطباعكم عنها؟؟؟

حطمتينييي كنت ناوية اضيف المادة على بالي مع د.عمر :(
مين استاذة المادة ؟؟
وايش الكتاب اللي معانا