سؤال للي اخذ مناهج بحث وعداه بدرجة حلوة (انتساب) (ام حمدان انقذينا)

[white rose]

المشاركة الأصلية كتبت بواسطة s.w الله يسعدك ويعلي مقامك ويفرح قلبك انتي وكل اللي فادنا جزاكم الله الف خير كلاامك راائع وبصراحة ذحين بدات الصورة تتوضحلي بس فيه اسئلة لسا في بالي اول ماارتبها يصير احطها لو مافي مانع لاني انا في شغلة البحث زيرو بس ربي يسهل عموما لي عودة للموضوع لكم كل الحب

امين واياكم وكل البنوتات
وعادي خذي راحتك ورتبي افكارك واسالي المادة تحير في البداية افتكر جلست شهر اقرر ايش اختار قصة لبحثي وما خليت صديقة ما استشرتها فيه بس سبحان الله اول قصة قريتها كنت دايما ارجع لها واختاري شي تقدري تتكلمي عنو ويعجبك عشان تبدعي فيه وربنا يفتحها بوجهك ^_^

وبوصيك ترى انتبهي فيه بنت صديقة ليا كانت تتكلم بكل براءة عن موضوع بحثها وسمعتها بنت في الكلاس وكتبت عن نفس موضوعها نقلت افكارها يعني فلا تخبري احد عن موضوع بحثك الا اللي تثقين فيهم افتكر ام حمدان كانت تقول عن موضوع البحث اسرار حرب من بعد هذاك الموقف

[الملاك الأبيض]

صباح الخير للجميع ,,
صبايا لو سمحتو فيكم تفيدوني كيف طريقة البحث المخصص في غوغل او محركات البحث الثانية ,, يعني لو ابغى نتائج معيينة خاصة بموضوع بحثي مثلا كلمة ثروة او كلمة كره ابغى اكتب عنها مثلا في رواية معينه كيف اطلع المقالاات الخاصة بهذا الموضوع فقط من دون مايطلع لي باقي النتايج ؟؟
والله دووخت وانا افرفر وابحث والنتايج الي ابغاها ماتطلع ابدا والحين افكر اغير موضوع بحثي عشان مالقيت الي ابغاه والله حووسة ,,, بنات الله يسعدكم ساعدوووني هييييييلب

[ѕυрзя пıdσ]

اقولكم عن نفسي لمن سويت البحث عجبتني قصه trifles by susan glaspell

الي اخدناها في الادب ، المس قالت القصه حلوه كموضوع بس حتتعبي في الكتابه لانها جدا قصيره

يعني مافيها تفاصيل كتيره

ومو مشهوره مرا ، يعني برضو حتعب في البحث عنها مو زي مثلا اعمال شكسبير !!!

[white rose]

المشاركة الأصلية كتبت بواسطة الملاك الأبيض صباح الخير للجميع ,, صبايا لو سمحتو فيكم تفيدوني كيف طريقة البحث المخصص في غوغل او محركات البحث الثانية ,, يعني لو ابغى نتائج معيينة خاصة بموضوع بحثي مثلا كلمة ثروة او كلمة كره ابغى اكتب عنها مثلا في رواية معينه كيف اطلع المقالاات الخاصة بهذا الموضوع فقط من دون مايطلع لي باقي النتايج ؟؟ والله دووخت وانا افرفر وابحث والنتايج الي ابغاها ماتطلع ابدا والحين افكر اغير موضوع بحثي عشان مالقيت الي ابغاه والله حووسة ,,, بنات الله يسعدكم ساعدوووني هييييييلب

صباح السعادة والرضا
في البحث اظن من خلال عبارة البحث تبعتك حاولي انك تنوعي فيها يعني تكتبي عنوان الموضوع تبعك وجنبه اسم الرواية او المسرحية او القصيدة اللي تتكلمي عنها او تكتبي اسم الكاتب وجنبه الموضوع تبعك افتكر كانت تطلع لنا ثيسس ومقالات احيانا تنتقد الكاتب في القصص تبعتو كلها فتلاقي روايتك من ضمنها ومنها كنا نقتبس اشياء ونحطها في البحث كمان كنا نتكلم عن المجتمع كيف كان في الوقت اللي كتبت فيه الرواية وكنا نجيبها من الويكبيديا معلومات العصور يعني فيه اشياء كويسه بس ابحثي بشكل منوع والبحث بالعادة ياخذ اكبر وقت منك لانك بتقري كتب واشياء كثيرة لين توصلي للمطلوب واللي يناسبك اما بحث متخصص فقط لمن تستخدمي الباحث العلمي او قاعدة البيانات راح تطلع لك مواد علمية زي بحوث فيها اشياء تتعلق ببحتك واشياء لازم تقريهم عشان تشوفي تناسبك او لا ومو كل البحوث تناسبك يعني احيانا تطلع لك نتايج مالها علاقة بالموضوع بس انتي اجتهدي وربنا ييسر لك امرك يا جميلة ^_^

المشاركة الأصلية كتبت بواسطة ѕυрзя пıdσ اقولكم عن نفسي لمن سويت البحث عجبتني قصه trifles by susan glaspell الي اخدناها في الادب ، المس قالت القصه حلوه كموضوع بس حتتعبي في الكتابه لانها جدا قصيره يعني مافيها تفاصيل كتيره ومو مشهوره مرا ، يعني برضو حتعب في البحث عنها مو زي مثلا اعمال شكسبير !!!

فعلا صادقة ندو لازم يكون عمل مشهور لانو اريح في البحث والله يوفقكم جميعا ^_^

[s.w]

ممكن اسال سؤال شوووووووية عبيط بس اتحملو لاني مو مرة مستوعبه البحث
س: انا عندي رواية واخترت توبيك لها تمام طيب اش الشئ اللي ببحث عنه يعني اش العلاقة بين الرواية والتوبيك هل باتكلم عن التوبيك بشكل عام والا بتكلم عن الرواية واستخدام التوبيك فيها ؟؟
واش يعني مصادر لاني من الاساس مااعرف عن ايش بابحث فاش هيا المصادر اللي لازم اجيبها؟؟
ومشكوررييين

[انا رورو انا]

طيب انا عملت قبل كدا معاها بحث عن روايه اسمها بيربل كولور في منها فيلم تمثل فيه اوبرا وينفري الروايه تتكلم عن العنصريه ضد المجتمع الاسود ومعمله الرجال السود لحريمهم كيف انهم كانو يضطهدونهم يعني موضوع حلو وتقدري تتكلمي براحتك عنه لانا كنا عارفين مشكله المجتمع الاسود في امريكا وفبحثي ركزت على قضية كيف الرجال يضطهدو النساء في الروايه كان بحثي عن هالنقطة بالروايه..الفيلم مترجم للعربي اذا حابه قوليل ابعتلك هو

[ام حمدان]

^

جربي تبحثي عن التوبك تبعك +اسم الروايه اكتبيهم في خانه البحث وشوفي ايش انكتب عنه

ممكن يكونوا قالوا كلام عن شي قريب من فكرتك مو شرط نفس الفكره

لانك غرضك في بحثك تتكلمي عن شي فريد ومحد ناقشه قبلك

ولو مالقيتي الا ناس تكلموا عن فكرتك ومضمونها بالضبط فمافي اشكال ممكن يكون غرض بحثك التاكيد على اهميه هالفكره


وهالمواضيع او المقالات او الكتب الي تلقيها هي تعتبر مصادر تدعم بعثك راح تتكلمي عنهم في خطوه literature review

وراح تشرحها لكم المس وقتها لا تشيلي اهم
المهم انك تجمعيهم الان وتحفظيم في مفضلتك وتتصفحيهم وتشوفي مضمونهاوتختاري منهم 7 وحاولي يكونوا منوعين
مو كلها مقالات فقط

مره مقال من جورنال مره مقال في مجله مره مقال داخل كتاب مره كتاب بكامله تكلم عن فكره معينه مره دراسه او بحث اجري في السابق عن فكرتك او فكره قريبه منها يعني لازم تنوعي

قوقل الباحث العلمي

تقدري تكتبي فيه موضوع بحثك واسم العمل ويطلع لك الكتب الي تكلمت عنه
وبعدها تدخلي عالكتاب وتلقيه محدد لك الصفحات الي ذكرت شي عن موضوعك ويضلل بالاصفر الكلمات المفتاحيه في عنوانك الي موجوده في الصفحات حتى يختصر عليك وقت في البحث داخل الكتاب


ولازم تحتظوا بلعلومات الي تفيدكم بعدين في خطوه التوثيق اكيد مس نجوى بتبهكم عليها وتشرحها

زي مثلا كل مصدر تاخذوه

احتفظوا بعنوان الرابط واسم الكاتب ونوع المصدر مقال في مجله ولا كتاب ودوريات الخ
دراي النشر لو كتاب
وسنة النشر

يعني معلومات مثل هيك

لانه راح تحتاجوا هالمعلومات في الخطوات الاخيره


واسألوا براجتكم لو فيه شي نقدر نفيدكم به مابنقصر

واستفسروا كمان من مس نجوى هي ترد وماتقصر بشرح اي نقطه تحتاجوا فهموها جربناها ربي يسعدها كانت جدا صبوره ومتعاونه معنا الله يجزاها الجنه

[ѕυрзя пıdσ]

زي ماقالت رورو موضوعها كان جددددا رائع كان قريب من موضوعي في تريفلز عن معامله المرأه في داك الوقت ،
بس كان جدا محدود ، لانو المصادر نادره ، يعني لازم ادور في الفتره الزمنيه الي كتبت فيه المسرحيه ايش كان
وضع النساء وقتها ،


عن نفسي كتبت عن مسرحيه بجامليون لبرنارد شو ، و صراع الطبقات الاجتماعيه وكيف انهم يقللو بين الطبقه الكادحه
او العامله ،
طبعا الي ساعدني في الموضوع انو المسرحيه تعتبر اهم عمل لبرنارد شو واخد عنها جائزه نوبل والاوسكار كافضل سيناريو،

واستندت على القصه القديمه الي مقتبس منها برنارد شو العمل ، وكمان قصه توفيق الحكيم الي ترجمها للعربيه
بالاضافه الي فيلم ماي فير ليدي الي مقتبسه من المسرحيه نفسها


فهمتو عليا كيف كان العمل جدا مشهور وكتيييير كتبو عنو في دي الفتره ، لذلك كان سهل عليا ابحث عنو مقارنه
بتريفيلز من ناحيه النقاد و من ناحيه الفتره الزمنيه وشخصيه برنارد شو ، و المصادر الي استندت منها واقتبست
منها افكاري



موفقين يااارب ، واذا برضو محتاسين احنا هنا عشان نساعدكم ويااارب تتوفقو باختيار الموضوع وفالكم الفل مارك ياكرييييم

:))

[ranas]

طيب بنات دحين لو اخترت الموضوع اول شي ارسل لمس نجوى واشوف لو توافق عليه ولا لا ولا علطول ابداء اكتب انترودكشن عنه وبدي ون

[white rose]

المشاركة الأصلية كتبت بواسطة ranas طيب بنات دحين لو اخترت الموضوع اول شي ارسل لمس نجوى واشوف لو توافق عليه ولا لا ولا علطول ابداء اكتب انترودكشن عنه وبدي ون

يب يا عسل اذا اخترتي موضوع ترسليه لها وهيا تقولك ينفع تكتبي فيه او لا وبالتوفيق ^_^