هلموا يا بنات الاحياء

[TuNa]

Up لبنات الاحياء

[ولهانة]

تونا مافي الا انا وانتي نتقابل السبت إن شاء الله بس نحدد مكان اوكي

[شمس العالم]

تونا

المادتين اللي نزلت لك هيا .. احصاء حيوي .. و .. مواضيع خاصة في الاحياء

انا الترم الاول اخدتها .. الافضل تاخدي دي المادتين فقط .. لانو مواضيع طويل و فيه دسامه ..

يمكن الترم يكون فاضي ومافيه شغل كثير لكن النهائي جدا صعب انك تذاكري فيه

لانو يادوب الوقت يكفي .. احنا رضيو يقسموا لنا الاختبارات لجزئين لانو الدكتورين مختلفين

لكن اللي قبلنا مارضيوا لهم يجزؤوا الاختبار وخلوه في يوم واحد .. وكان مرررة صعب عليهم ..

فما تدري ايش مزاجهم يكون في النهائي ..

لكن لو عندك قدرة انك تاخدي مادة كمان .. كلمي المشرفه او المسؤولة عن طالبات ماجستير الاحياء وهي الاستاذه هنادي

انها تضفلك مادة من مسارك .. لانو في بنات كانوا ضايفين مادة ثالثه ..

بالتوفيق

[TuNa]

اكيد يا ولهانة في بنات غيرنا بس انا حابة اعرف خبرتهم في الترم الاول هل مادتين كفاية او ممكن اضيف اكثر وصراحة انا ما اقدر اروح الاسبوع الجاي اذا ممكن تروحي وتسالي لي عن مسار الوراثة ايش يقدروا ياخذوا مادة ثالثة غير الاحصاء الحيوي و مواضيع خاصة بالاحياء.

[TuNa]

وشكرا ً يا شمس العالم على عرض تجربتك للترم الاول وباذن الله موفقة
انا نزلت المادتين الاحصاء و مواضيع وحاستها قليل عشان كذا اسئل واشوف
ايش راي البنات اللى درسوا الترم الاول
وشكرا ًمرة اخرى لردك وارجوا ان تكوني متواصلة معانا دائما ً.
وكيف نظام الدراسة عامة في الاحياء وكيف الدكاترة ممكن تتكلمي لنا حبتين .

[شمس العالم]

المشاركة الأصلية كتبت بواسطة tuna وشكرا ً يا شمس العالم على عرض تجربتك للترم الاول وباذن الله موفقة انا نزلت المادتين الاحصاء و مواضيع وحاستها قليل عشان كذا اسئل واشوف ايش راي البنات اللى درسوا الترم الاول وشكرا ًمرة اخرى لردك وارجوا ان تكوني متواصلة معانا دائما ً. وكيف نظام الدراسة عامة في الاحياء وكيف الدكاترة ممكن تتكلمي لنا حبتين .

العفو ..

مادة الاحصاء الحيوي .. دكتورة نعمات قطب انسانه جدا ذووووق .. والمادة من ناحيتي كانت حلوة ومنهج قليل .. يمكن لاني احب الارقام شفته سهل .. لكن في بنات مرة كانوا متازمين منه .. لكن عموما المنهج مو كتير .. والاسئلة واضحة الا بعض الفقرات البسيطة او ممكن فقرة وحدة بس يبالها تركيز او تكوني فاهمه مزبوط .. و اللي تكتبيه في المحاضرة هو اللي تذاكريه يعني مايحتاج ملازم والكتاب المرجع انا ما استفدت منه ولا كلمة .. يعني ممكن اذا كان في مثال منه صوري الصفحة من وحدة عندها كتاب ..

مادة مواضيع خاصة في الاحياء .. دكتورين اساسين:
د.فتوح دا للجزء الاول يبربر كتييييييير .. بس مؤدب .. واختبار واحد مادري كم الدرجة عليه لانو ماقال والظاهر ماصححو من اساسه .. وبحث او ورقه عمل تكون موضوع جديد او مستحدث من الاجزاء اللي في المنهج .. والاختبارات مهي صعبه .. لكن في فقرات ماتجي على بالك تذاكريها ويجيبها .. وجزءه 60 درجة
د.علي الرباعي .. المنهج سهل .. لكن يعيد ويزيد في الكلام .. قليل المنهج و لكن يطوله بالكلام اللي ماله داعي .. وجزءه عليه 40درجة

والمنهج افضل تاخديه من طالبات اخدوا قبلك لانو ينزلوا الاوراق في المكتبه بعد مايخلص كل شبتر وبكدا تتلخبطي وماتعرفي كيف تذاكري .. اما لمن يكون الورق قدامك تسجلي الملاحظات اول باول ..

اممم دا تقريبا كل اللي مريت بيه .. وان شاء الله اكون افدتك

[ولهانة]

تونا انا بروح السبت إن شاء الله وحسألك عن الوراثة بس المشرفة هناء وين القاها بأي مبنى

[TuNa]

جزاك الله خير ياولهانة

و المشرفة اسمها هنادي زي ماقالت شمس العالم بس مكانها ما اعرف بس شوفي مبنة العلوم مكاتب الاحياء كلها تحت ممكن تسالي عن (مشرفة الاحياء الاستاذة هنادي)
وباذن الله نتقابل على اول الدوام .

[ملاك العمر]

يابنات ممكن كل واحدة تقول ايش تخصصهاا العام وايش تخصصهاا الدقيق في الماستر؟؟؟ وتشرح فين هية وصلت

انا ماستراحياء عاام وتخصصت فسيولوجي نبات وراح اغيره إن شاء الله لتخصص اخر لسة ماقررته

ودرست مادة تكميلية فقط وهية تغذية نبات وراح ادرس المفروض تشريح نبات عشان ابدا ادرس مواد ماستر لكن للاسف مالقيت انهم منزلين هذة المادة في هذا الترم
انا عملت تاجيل سنة كاملة والان المفروض ادرس مادة تكميلة وهذة المادة مانزلت موعاارفة ايش اسوي وفين اروح اللي عنده فكرة يعطيني رايه الله يخليكم وطبعاا التاجيل بسبب التوفل

[شرقرق]

المشاركة الأصلية كتبت بواسطة ملاك العمر يابنات ممكن كل واحدة تقول ايش تخصصهاا العام وايش تخصصهاا الدقيق في الماستر؟؟؟ وتشرح فين هية وصلت انا ماستراحياء عاام وتخصصت فسيولوجي نبات وراح اغيره إن شاء الله لتخصص اخر لسة ماقررته ودرست مادة تكميلية فقط وهية تغذية نبات وراح ادرس المفروض تشريح نبات عشان ابدا ادرس مواد ماستر لكن للاسف مالقيت انهم منزلين هذة المادة في هذا الترم انا عملت تاجيل سنة كاملة والان المفروض ادرس مادة تكميلة وهذة المادة مانزلت موعاارفة ايش اسوي وفين اروح اللي عنده فكرة يعطيني رايه الله يخليكم وطبعاا التاجيل بسبب التوفل

السلام عليكم ورحمة الله وبركاته
ممكن ياملاك العمر ابي استفيد من خبرتك وكيف تجربتك بالتقديم
انا تخصصي احياء عام ومعدلي الحمد لله مرتفع ومعاي دبلوم حاسب سنه ومعاي شهادة التوفل 390 درجه هل باذن الله يتم قبولي بماستر الاحياء الله يسعدك ريحيني بردك وابي قسم وظائف اعضاء او انسجه او تلوث بيئي لان اخاف نسبة قبولي ضعيفه بسبب الاعداد وهل يوجد اختبا للقسم وايش الكتاب اللي ذاكرتي منه واذا عدك نماذج للاسئله ضعيها لنا وجزاك الله الفردوس الاعلى من الجنه