جدولي ساعدوني

[السوسن البهي]

بنات الله يوفقكم شوفو جدولي
والمواد كيف صعوبتها ومين
الي يدرسها وفيها مشاااريع ؟؟

اذا يحتاج احذف او اضيف ؟؟

رأيكم مهم لي

الله يوفقكم

[أرنوسية]

هذي المواد كلها حلوة
كلها خفيفة

عندك مادة211 مادة ممتعة مرررررررة
أنا الأستاذة اللي درستني ما شاء الله تحسيها فاهمة المادة ومتقناها
لكن يمكن طفشانة منها
لكن إنتي ما عليك منها ركزي معاها
واللي ما تفهميه اسأليها عنه
وذاكري أول بأول
والواجباااااااااااااااااااااااات الواجبات حليها بيدك <<<<حطي تحتها خطوط حمرا كثيرة

204 يمكن تستغربيها شوي لإنها غير عن مواد البرمجة اللي درستها
لإنك فيها ما تكتبي البرنامج بلغة برمجة معينة لا تكتبي algorithm
والمفروض إنو يكون أسهل من الكتابة بلغة البرمجة لإنك بتكوني غير ملتزمة أبدا بقواعد معينة خاصة باللغة
لكن كثييييير بنات استصعبوها وهي ما تستاهل
المعمل حقها سخيف "يعمل الغباء في الجافا"
واجبات طويييييييييييييييييييلة وما لها فايدة
الله يسامحهم بس

212 سهلة وما عليها كلام وفي مشروع صغير وسهل

وبث ^^

[السوسن البهي]

أرنوسية

ربي يوفقك ويسهل عليك

وتتخرجي بمرتبة الشرف باذن الله

بس ماقلتيلي مين يدي المواد؟؟

[o0o]

انا اخذت نظرية احتمالات مع أ. عبير مو مذكره لقبها
كويسه بس لازم من التركيز في محاضرتها لانها سريعة

[أرنوسية]

المشاركة الأصلية كتبت بواسطة السوسن البهي بس ماقلتيلي مين يدي المواد؟؟

ما أحب أرد على هذا السؤال
وأتكلم عن دكتورة أو أستاذة باسمها
لإني أخاف أظلمها
^__________^


بس 212 درستها مع دكتورة لبنى وهي سافرت خلاص

[@فراشة الربيع@]

إحتمالات مع سيدة ما عجبتني جايبين درجااات عالية طول الترم وبعدين خسفتنا في الواجبات والنهاااائي تقوووول مستحيل بنت تجيب عندهاا الفل مارك في الواجبات على أساس أنو في بعض الحلول أغلاط بصراحة أنا مرتحتلهااا إمكن أحد غيري إرتحلهااا إنتي إسألي أحسن!

[queen k.s.a]

طيب بنات بالنسبه لتراكيب متقطعه 222
bus232 &cpis210& cpis334 &bus233
كيف انطباعاتكم عنها من حيث السهوله والصعوبه وهل فيها شغل كثيير والا لا ؟؟

[السوسن البهي]

المشاركة الأصلية كتبت بواسطة queen k.s.a طيب بنات بالنسبه لتراكيب متقطعه 222 bus232 &cpis210& cpis334 &bus233 كيف انطباعاتكم عنها من حيث السهوله والصعوبه وهل فيها شغل كثيير والا لا ؟؟

انا اخذت منها تراكيب متقطعة

مع استاذة اسماء الشنقيطي

اتعب وانا اقول محترمة اخلاق حقانية ماتظلم ابدا

بالنسبة ليه درجتي معاها مرة حلوة

الله يسعدها وين ماراحت
والمادة بدايتها سهلة يعني عموما سهلة بس ركزي على الشرح

وحلي التمارين وراجعي الاستاذة في مكتبها لان افكار الاختبار تقريبا من التمارين والمحاضرات
مافي شي من برا والله يوفقك

الباقي مااعرف شي عنها

[السوسن البهي]

لكل الي ردو :)

شكري وتقديري

الله يوفقكم ويسهلكم

[queen k.s.a]

شكرن خيتو الله يوفقك يارب
اذا احد عنده معلومات عن المواد التانيه ياليت يفيدنا