تنظيم الوقت للإختبارات

[بنوته لزوزة]

بسم الله الرحمن الرحيم

السلام عليكم ياآل التحضيري المكافحين

ماراح أطول عليكم بمقدمة طويلة

بما إنّو مابقي شي ع الدوري الأول

خلّينا نعمل جدول للمذاكرة ..

طبعاً في كثير مننا خلصو الانقلش و سار عندهم أوف

بالنسبة ليّا الاوف عطلني .. سرت احس الأيام كلها إجازة و مابدأنا دراسة ومكسلة أذاكر مرررة ومنجد محتاجة أنظم وقتي و محتاجة أنظم جدول للمذاكرة بس كل مااسوي كدا اتكاسل لحالي , ف قلت االمذاكرة مع الجماعة ممكن تحمسني

خلينا نتجمع هنا بالنسبة لخطّة " أ السمستر الثاني "

ونحاول قد مانقدر إنو ننظم وقتنا بطريقة تريحنا و يسير مانضغط نفسنا قبل الاختبارات بيومين و نحوس ونجيب العيد

يعني مثلاً نتفق الخميس من الصباح نمسك الإحصاء مثلاً شابتر 1 و نذاكرو تمام و نرجع هنا نشوف الي مو فاهم نقطة نحاول نشرح لبعض و الي مثلاً صادفتو حاجة وحسّ إنها مهمة يجي ينبّهنا عليها ..

و الي يذاكر من ملخصات يوضحلنا لو في نقطة مهمة و نفس الشي بالنسبة للي يذاكرو من الكتاب

وممكن نحط هنا نماذج بعد مانذاكر جزئية الدوري الأول كلها و لو في أسئلة صعبة نحلها سوا , و نفس الكلام بالنسبة للتست بانك تبع الأحياء لدكتورة ليلى الحربي ممكن لو في نقطة صعبة علينا نحاول نشرحها لبعض و ممكن تثبت معانا المعلومات أكثر
وممكن بعد مانخلص السلايدات والتست بانك نشوف التريننق واش الأسئلة الي وقفنا عليها .. يعني نذاكر الأساس وبعدين نشوف المخلصات ودي الحاجات ..

خلينا نشوف آراءكم كيف و حتى لو كل مجموعة بتفقوا على طريقة معينة المهم إننا مانحس إننا لسا بإجازة نشوف اليوم الي يناسبنا و نبدأ منو و الله يعيننا يارب ..


معليش الموضوع ملخبط بس يلا مشو حالكم و أهم حاجة الفكرة تكون وصلت

[Dr. Abdul]

يلا انا مستعد والفكرة مررة اعجبتني

ترا من جد انا كاني باجازة بس اروح الجامعة وارجع نوم لازم اشد حيلي

يلا ايش رايكم كيمياء بعد بكرا

[نقآء..!]

يا بخختكم ماشاء الله اذا خلصتو انقلش يمديكم تذاكرو

انا يووم كلو في الجامعه واكثرو في كلاس الانقلش واذا جيت انام واصحى اروح الجامعه مااافي وقت اذاكررر مرا


بس ابحاول امششي معاكم

[طموح بنوتة]

^^^^^^^^^^^
بالتوفييييييق حبيباتي ما ينفع اكون معاكم لانكم عكسي بس ان شاء الله الاقي الي يحمسني لاننا محتاجين حمااس وبالقوووووة
وعلى فكرة دكتورة ليلى الحربي تدرس كيميا مو احياء حرام تنسبيها لأعضاء قسم مسيلمة حمد لله افتكينا من اجرامهم
وبالتوفيق للجميع
*ـ^

[رفيقي كتاب ربي]

مره تحممممممست ^^
يلآ آنآآآآآ آنآآآآ معآكييي
.
.
.
متى نبدآ ^^

[M!SS Lara]

الله يوفقنا ..
منجد لما انشال الانجليزي كسلت وبس اجي من الجامعه انام ونت واتفرج تلفزيون :(

بس صحيت ع نفسي ومسكت الاحياء ولسه لازم امسكه واشد حيلي فيه

انصح نفسي واياكم بالويك اند .. والرسول قال: بورك لامتي في بكورها ، اصحو صلو الفجر وبعدها طقوها دراسه لحتى 12 وبعدها حتشوفو كيف انجزتو فوق شابترين او 3 :)

بالتوفيق للجميع :)

[sara g]

المشاركة الأصلية كتبت بواسطة m!ss lara الله يوفقنا .. منجد لما انشال الانجليزي كسلت وبس اجي من الجامعه انام ونت واتفرج تلفزيون :( بس صحيت ع نفسي ومسكت الاحياء ولسه لازم امسكه واشد حيلي فيه انصح نفسي واياكم بالويك اند .. والرسول قال: بورك لامتي في بكورها ، اصحو صلو الفجر وبعدها طقوها دراسه لحتى 12 وبعدها حتشوفو كيف انجزتو فوق شابترين او 3 :) بالتوفيق للجميع :)

من جد افضل وقت للمذاكرة والواحد يقدر ينجز كثير واذا ابغى اخرج بعد ما اذاكر انااام ساعتيين واصحى العصر والحمد لله

[نـدى الأمـل :)]

يعطيك العافية أختي " بنوته

صرآآحة فكره مرره رآآئـعة..
منجد يبغالنا نذاكر ونتعب الحين عشين ليلة الإختبار نكون مرتاحين ومستعدين تمام..
وياللا أنا معــاااكِ

[ƨɱƨɱ]

من جد لازم نبدأ نذاكر
اانا فكرت انو اليوم أأذاكر احصاء لانو سهل وقليل. .
وبكرة أحياء. .
والجمعة كميا...
والانجليزي وسط الاسبوع أحد وثلاثاء الصباح فاضية. ..

الله يوفقنا وييسر علينا

[بنوته لزوزة]

يعطيكم العافية كلكم على آرائكم .. شجعتوني والله

ههههه والله مرة سوري يلا عاد انتو فاهمين انو دكتورة ليلى الحربي كيمو مو بايو ..

آوكي ياجماعة حتى الي عندهم انقلش ممكن تنظمو وقتكم معانا :)

يعني احنا محا نذاكر 24 ساعة وهوا دا المقصد من الموضوع اننا نذاكر جزئيات قليلة قبل ما " ننزنق " في الوقت ومانحلق نذاكر ..


ولو بدأنا مثلا من بكرة الصباح نبدأ باي مادة ؟؟

خينا نحدد مادة وحدة عشان الي مايلحق يشوف الموضوع ويذاكر الصباح يلحق يذاكرها في أي وقت المهم بكرة و يسير بعدها نتفق على جدول مزبوط ومرتب