ارجوا التعليق على هذا الموضوع الشيق سواء من قبل الطالبات او من الاداريات

[لايوجد اسم]

السلام عليكم ورحمة وبركاته
ابغى اطرح عليكم موضوووع شيق ويستاهل التعليق
اش رأيكم بأستاذات مادة الانجليزي وخاصة اللي يعطوون محاضرات للسنه التحضيريه يعني اقصد الهنديات والباكستانيات
يعني بالله مو الأولى ان تكوون المعلمات سعوديات ياناس والله في سعوديات جالسين بالبيت ومشاء الله متفوقات ليش مايتوظفوون بالجامعه؟؟؟ في طالبات كثير مايعرفوا يتحدثوا انجليزي فلازم تجيبوا مدرساات سعوديات نفهمهم ويفهموونا وشكرا على كل من قرأ وعلق عالموضووع

[ظل الياسمين]

آآآآه
أذكر الهندية إلي درستنا قسم إن بعض كلامها ما أفهمه
الشاطرة هي إلي ممكن تنفذ
والأدهى و الأمر إنه يوم خبصنا بإختبار عجزنا نفهمها

وصدق ليش ما يجيبون بناتنا السعوديات يدرسوننا ؟؟

[حأقعد عالكاشير]

وي الحمد لله حظي كان حلو في الانجلييزي
المستوى الاول اخذتو مه وحده اردنيه
والمستوى الثاني مع وحده سعوديه

والحمد لله عدت الماده على خير

بس بجد والله السعوديات احسن بكثير من غيرهم

ان شاااء الله يسوا سعوده عالمعلمات فكل الجامعه مو بس الانجليزي^^

[anwaaaar]

الانقليزي وماادراك مالانقليزي فجامعتنا...كانت محاضره تعزييييب ...الحمدلله اني خلصتها..
الي اعطتني هنديه دوووبها جيه طااازه ..طبعا المحاضره ساعتين ,نخلص من نص الوقت وماتطلعنا غير لما تنتهي الساعتين ..تقول ممنوع اطلعكم قبل الوقت ماينتهي!!.. وعجزنا نفهم فيها ..والاختبارات تحدد لنا فصول معينه ويجي الاختبار من غيرها نقولها ليش تقول مو اناالي حطيت الاختبار ماادري ..وطبعا نجري من اداره لاداره مافي احد يعبرنا...والله والله اننا مااستفدنا من الماده شي ..كل وحده وحسب خلفيتها بالانقليزي عدت..غير كدا مااظن انو اضاف لنا شي ...
اما بالنسبه لانو السعوديات جالسين بالبيت وبيوظفو اجانب ..هادا موضوع تاني ..بس بالنسبه ليا ماتهمني الجنسيه كتير المهم انو الواحد يكون تعاملو طيب ويفهّم الطلاب ويتعامل باحترام ..مو كانو بينتقم منهم والا بيطلع حرو فيهم...والله عندنا كتير سعوديات تعاملهم عجيييييب منتي فاهمه ليش بيسو كدا ...فمااظن الجنسيه تفرق ...الله يهدي ماخلق

[صفاالورد]

أنا الحمد لله الانجليزي كان معايا تمام المستوى الأول سعودية ومشي حالها والتاني أردنية
لكن والله مايفرق سعودية او هندية اهم شي الشرح واسلوب التعامل
انا صحباتي اخدوا مع باكستانية في البداية ماحبوها بس بعد كدا انبسطو معاها مررة