سؤال بالنسبة للتخصص اللغة الانجليزية

[غرام جدة]

انا من زمان نفسي ادخل التخصص دا مرررره احب الانقلش هدفي أصير اتكلم بطلاقه صحبتي درست ترم وبتغير تخصصها
تقولي مايعلموكي لغه يدرسوكي ادب انجليزي والاسئله تجي من برا الكتاب بصراحه بديت اتردد مع انو حلم حياتي فكرت ادخل تخصص تاني والانقلش اتعلمو دورات ومع الممارسه اوصل لهدفي وفي نفس الوقت ما ابغى ادخل تخصص مالي ميول فيه محتاااره مرره مع اني جبت في الاختبارين فل مارك ماشاء الله بس اذا ما حتعلم لغه احس مالو داعي ياريت الطالبات يفيدوني انا كماان

[white rose]

المشاركة الأصلية كتبت بواسطة اخلاقي تكفيني مقاليه ولا اختيارية اهم شئ مايجي من برا الكتاب حاكم لسا متخرجة جديد من المدرسة هي ثلاث او اربع قطع وكنا كتر خيرنا نحفظها الله ييسر بارب انا اخذت الفل مارك بالترمين الحمدلله واحس لغتي إن شاء الله كويسة لكن عمري ما فتحت كتاب بالانجليزي الا حسيت بالضياع وكني ولاشئ في اللغة او يعني شئ لايذكر وانتو تقولو اننا نعامل كملمين باللغة ففي امل انه يمشي حالي خصوصا مع الحياة الجديد وبيت ومسؤولية ؟ بس ترا انا مرة متحمسة وخصوصا مع الدعم وتحسي في ناس حويليك يمدولك يد العون وقت الحاجة إن شاء الله إن شاء الله جهدكم ودعمكم ونصايحكم ماراح تروح هدر من جد الله ينور عليكم وييسر اموركم ..

الا فيه تجي من بره الكتاب لانو الكتاب بيعلمك الاساسيات والاستراتيجات اللي تمشي عليها لكن لازم تكون عندك حصيلة لغوية كبيرة وهنا يجي دورك انك تطوري حالك وتقراي كثير وتجمعي اكبر كمية من الكلمات عن طريق المواقع الالكترونية وعندك هالروابط استفيدي منها وطوري من حالك :
...::!! الــمــكــتـبــة الـخـــــاصــــة !!::...
<<--> مكتبة طلاب اللغة الأنجليزية < -->>
::: دروس خصوصية منهجية لبعض مواد اللغة الانجليزية :::

والدعم ان شاء الله موجود انتي بس خلي عزيمتك قوية وما راح شي يوقف قدامك وانا اعرف صديقات ليا متزوجات وما شاء الله ماشين تمام وربنا موفقهم شدي حيلك ولا تخلي اي شي يحطمك التخصص مو سهل لكن مع الاصرار والعزم ما راح يكون صعب ان شاء الله لكن اهم نصيحة طوري من حالك بشكل يومي لا تهملي عشان معدلك لا يطيح ولا تسمعي للناس اللي تحطمك وربنا يوفقك :)

المشاركة الأصلية كتبت بواسطة غرام جدة انا من زمان نفسي ادخل التخصص دا مرررره احب الانقلش هدفي أصير اتكلم بطلاقه صحبتي درست ترم وبتغير تخصصها تقولي مايعلموكي لغه يدرسوكي ادب انجليزي والاسئله تجي من برا الكتاب بصراحه بديت اتردد مع انو حلم حياتي فكرت ادخل تخصص تاني والانقلش اتعلمو دورات ومع الممارسه اوصل لهدفي وفي نفس الوقت ما ابغى ادخل تخصص مالي ميول فيه محتاااره مرره مع اني جبت في الاختبارين فل مارك ماشاء الله بس اذا ما حتعلم لغه احس مالو داعي ياريت الطالبات يفيدوني انا كماان

في التخصص فعلا يعاملوك على انك متعلمة اللغة لكن كلنا لغتنا الانجليزية كانت متوسطة وطورنا حالنا من خلال القراءة والاطلاع ومن مواقع النت ومن سماع الاخبار والراديو لا تحطمي حالك من البداية خلي هدفك قدامك واشتغلي على نفسك كثير وطوري من حالك واستخيري اولا واخيرا
بالنسبة للادب الانجليزي ما تاخذيه الا في المستوى الخامس وعندك فيه مواقع تساعدك وتشرح والاسئلة اذا فهمتيها راح تكون سهلة ما فيه شي صعب ومستحيل لكن شدي حيلك يحتاج التخصص صبر وتطوير مستمر للحصيلة اللغوية شوفي هالرابط فيه نبذة عن المواد اطلعي عليها : || مجلـة قسم اللغـآت الأوروبيــــة || دليــل الطلبة }~
وان شاء الله نشوفك معانا ربنا يكتب لك الخير :)

[اخلاقي تكفيني]

الله يستر دام يجي من برا الكتاب لكن إن شاء الله ربنا ييسر
والله يسرلش الخير وين ما كنتي يا وخيتي استفدت من هالروابط كثير
و بالتوفيق إن شاء الله للجميع..

[white rose]

^ ^
امين واياك اختِ اخلاقي تكفيني
وبإذن المولى ما فيه شي صعب ابدا خليك واثقة من حالك واتوكلي على الله وربنا ما راح يضيع تعبك ابدا :)

[اخلاقي تكفيني]

اكيد والنعم بالله
الله يكتب التوفيق والنجاح للجميع..