تكفووووووووون دلووووووووووووني

[متوهق في الانجليزي]

السلام عليكم ورحمة الله وبركاتة

بليزززز يا اخواني وحبايبي انا مستوى ثالث انجليزي ونظرا لان لغتي مش ولابد وتعابنه راح انزل هالترم اللسنق2 والريدنق 1 والثقافة 3 وكمان حاب انزل مادة رابعه بس ماني عارف ايش انزل وانا ابي مادة مرررررة سهله ومو معقدة فبكذا ابي فزعتكم ايش المادة الي سهلة مررة وانزلها؟؟؟؟

[alsolmi]

عليكم السلام ورحمة الله وبركاته
أنا انصحك بالفرنسي بس بشرط تكون مع ماجد عسيري لانه يحدد تقريبا عشر صفحات من لكتاب فقط.
ارقام إلى عشره والساعة واشياء جداَ سهله.

[البرنس 8]

بالنسبه للسننق 2فهو يعتمد بنسبه 60 بالميه ع قدرتك في فهم المحادثه والاستماع لها جيدا لانه راح يشغل الدكتور ماده صوتيه انجليزيه وعليهاا بعض الاسئله وبالنسبه لريدينق فهو يبغالك تتدرب كويس ع الاسئله الي بالكتاب والقطع وتعرف كيف حلهاااا اما الثقافه الاسلاميه فهياا سهله ولكن حاول تبدا فيهااا من بدري اما بخصصوص الماده الرابعه فانا مادري انت قصدك من نفس التخصص او حره واخيرررا دكتور الماده مهم جدا حاول تنزل مع دكاتره عندهم علم واخلاق ويحبون يساعدون ومايعقدون

[أبو عبدالاله]

هلا باخونا الغالي ، انا ممكن اكون قاسي معك شوي بس تحمل كلامي.
اللغة تبي واحد يجد ويجتهد ولا يدور لنفسه أعذار سواء ضعف لغته او ما عنده وقت او اي عذر .
من هالمنطلق بودي انك من البداية تختار التخصص اللي يوافق طموحاتك ورغبتك ، ولكن بما انك مستوى ثالث فعليك من الان التركيز والتركيز على موادك اللي بالخطه الدراسية وتنزلها كلها . وانت قدها بإذن الله . رقم 2 بحثك عن مواد سهله وما تحتاج جهد هذا هو بداية الخطأ لانك بتكتشف بعدين انك بقيت لنفسك كل المواد الدسمة بالأخير .
نصيحتي لك ذاكر واجتهد وقوي لغتك ما فيه شي صعب وخلك على خطتك الدراسية وصدقني تلقى نفسك بالعمادة تنتظر وثيقة التخرج .
اتمنى لك التوفيق

[متوهق في الانجليزي]

الله يعطيكم العافية جميعا وجزاكم الله خيررر الجزا ء ولكم مني كل الشكرررر والعرفااااان

[عبدالله بن عبدالرحمن]

المشاركة الأصلية كتبت بواسطة أبو عبدالاله هلا باخونا الغالي ، انا ممكن اكون قاسي معك شوي بس تحمل كلامي. اللغة تبي واحد يجد ويجتهد ولا يدور لنفسه أعذار سواء ضعف لغته او ما عنده وقت او اي عذر . من هالمنطلق بودي انك من البداية تختار التخصص اللي يوافق طموحاتك ورغبتك ، ولكن بما انك مستوى ثالث فعليك من الان التركيز والتركيز على موادك اللي بالخطه الدراسية وتنزلها كلها . وانت قدها بإذن الله . رقم 2 بحثك عن مواد سهله وما تحتاج جهد هذا هو بداية الخطأ لانك بتكتشف بعدين انك بقيت لنفسك كل المواد الدسمة بالأخير . نصيحتي لك ذاكر واجتهد وقوي لغتك ما فيه شي صعب وخلك على خطتك الدراسية وصدقني تلقى نفسك بالعمادة تنتظر وثيقة التخرج . اتمنى لك التوفيق

اتفق معك تماما

شد حيلك اخوي وخليك على الخطه حقتك حتى انهائك للمستوي الرابع على الاقل ثم تشعب بالمواد كما تشاء ولكن يجب عليك ثم يجب عليك ان تضغط على نفسك ولا تدع مجال للتثبيط من عزيمنك ذاكر ثم ذاكر ثم ذاكر واقس على نفسك فى البدايه عشان ترتاح بقيه الاترام القادمه بأذنه عز وجل
اسال الله لنا ولك التوفيق فى الدنيا والاخرة

[عادل البركاتي]

أنصحك بتنزيل مادة حرة وأسهل مادة تقدر تاخذها .مادة الاقناع