أخوي نواف

[ألماس سمير]

السلام عليكم
أنا أستفدت كثير من المنتدى وسهل علي مواد كثير بحكم إني ماقد أحضر الدورة وبصراحة الكل مايقصر وخاصة الأخت ندى وأنت بعد المهم أنا عندي صور للكتب بس للأسف الشديد موعارفة كيف أنزلها لاتستغرب كثير أنا بعيدة عن التقنية جداً وجاهلة بهالموضوع ودي أفيد أخواتي وأخواني بالمنتدى ويعطيك العافية وماقصرت على مجهوداتك والله يسعدك ويسهل أمورك....

[abo-yazad]

حياكـ الله...

كلنا كنا ما نعرف لكن مع الوقت عرفنا...

صوري الكتب بجوالكـ بحيث أنه يكون التصوير طولي وليس بالعرض...

ثم أرسلي الصور بالبلوتوث من جوالكـ لجهاز المحمول...

ثم أحفظيها على سطح المكتب...

ثم أفتحي الرابط التالي اللي هو رابط مركز تحميل العملاق للصور...

http://www.0zz0.com/

ثم أدخلي الأرقام المطلوبه أدخالها منكـ

ومكتوب عندكـ حدد الصوره وفيه ايقونه على اليسار أسمها أستعراض أضغطي عليها وحددي الصور من خلال جهازكـ وبعد كذا أضغطي على ايقونه رفع الصوره...

بعد كذا يبدأ المركز يحمل وراح يعطيكـ رابط للصوره أنسخيه وروحي موضوعنا المثبت فوق اللي هو تجربه وبتحصلين فوق المربع الأبيض اللي تكتبين فيه بالعاده خيارات كثيره من ضمنها خيار أدراج صوره(أنتي عاد حطي الماوس على كل الخيارات لين تعرفين اي خيار منهم هو)وقتها أضغطي عليه وأمسحي الرابط الصغير اللي فيه ولصقي رابط الصوره اللي نسختيه من مركز التحميل وأعتمدي المشاركه...

ولو ما عرفتي مع أني متأكد أنكـ راح تعرفيله وقتها راسلي أحد الأخوات وإن شاء الله ما يقصرون معكـ/موفقه

[ألماس سمير]

الله يسعدك أخوي نواف سبحان الله تعزيز الثقة بنفس اللي قدمنا تخليه ينجز عموما لوحجم الصور موتمام أو موواضحه ممكن أرسلها مره ثانية بماإني صرت خبيرة وبحاول أكمل بقية الكتب ومشكور على توضيحك ودعواتك لي بالتوفيق بزواجي وأختباراتي اللي كلها بنفس الوقت الله المستعان

[abo-yazad]

المشاركة الأصلية كتبت بواسطة ألماس سمير الله يسعدك أخوي نواف سبحان الله تعزيز الثقة بنفس اللي قدمنا تخليه ينجز عموما لوحجم الصور موتمام أو موواضحه ممكن أرسلها مره ثانية بماإني صرت خبيرة وبحاول أكمل بقية الكتب ومشكور على توضيحك ودعواتك لي بالتوفيق بزواجي وأختباراتي اللي كلها بنفس الوقت الله المستعان

ما قصرتي والله...

ربي يسعدكـ الصور تمام مره ولو محتاجه تعديل راح أعدلها...

وألف مبرووووكـ زواجكـ وربي يجعله زواج خير وسعاده وهنا وتمنياتنا لكـ بالتوفيق بدراستكـ

تم شكركـ كأول عضو أشكره بالمنتدى :)