تجمع للمتقدمين والمتقدمات على ماجستير إدارة الأعمال عام 1438/1437

[روان الصيني]

انا كمان زيك 8 مواد تكميليه😂
ع

[najmah]

المشاركة الأصلية كتبت بواسطة روان الصيني بنات الله يسعدكم احد يعرف دول الاستاذات هيام بنجابي (الادارة الاستراتيجيه) نادية عواد عبدالغفار/صبا معتوق (مبادئ الادارة) امل دمنهوري(تحليل كمي الاعمال) نايلة ايوب اكرم/سيدة مسعودة مختار/ايمان عدينات(ادارة العمليات) مسرات محمد(ادارة الموارد البشريه) هزلينا بنتي عبدالقادر (اساسيات التمويل) الله يسعدكمممم ويوفقكم ايش تنصحوني ماعرف ولا احد😥😥

أختي روان الله يوفقك
حسب معلوماتي وتجاربي دكتورة هيام بنجابي كويسه وتحب البنت المهتمه وتفهم أخذت معاها إدارة موارد بشرية والحمدلله أما إدارة إستراتيجية أاخذتها مع إيمان عدينات ومرررره تفهم بس كويزاتها كثير وبالاخير تنفعنا
أمل دمنهوري لاتاخذي معاها تحليل أنتظري لما تنزل مع إيمان عدينات
إدارة عمليات خذيها مع إيمان وماراح تندمي
مسرات كمان كويسه أعرف بنات ياخذو معاها بس شرحها إنجليزي وعلى فكرة الإمتحانات أغلبه تست بانك
أساسيات التمويل أخذناها مع دكتورة خديجة حريري الله يذكرها بالخير ما أعرف ليش مانزلت المادة معاها

أتمنى أكون أفدتك

[mahato]

السلام عليكم

مبروك للي تم قبولهم وهاردلك للبقية

سجلت مخصوص عشان هالموضوع اتمنى م تخذلوني والقى فيه كل اللي احتاجة

انا خريجة ادارة اعمال انتساب هالسنة كان ودي اسجل معاكم بس خيره م اخذنا وثايقنا للحين ان شاءالله ع السنه الجاية ناوية اسجل

بماستر ادارة الاعمال شرايكم ب التخصص ذا ؟ وهل اقدر استفيد منه والا الدراسة والمواد نفس اللي درسته بالبكالوريا م تفيدني ؟

وايش تنصحوني اختبر ب اللغة ستيب او ايلتس او توفل ابي الاسهل مع العلم محدثتكم ميح ب اللغة بس ناوية استغل هالفتره بتعلمها ان شاءالله

وكم ادنى نسبة للقبول بهالتخصص ؟

وكيف دراستة هل هي صعبة ؟

اتمنى الاقي اجابات شافية ع اسئلتي ولي رجعة ان شاءالله

[mram1436]

المشاركة الأصلية كتبت بواسطة mahato السلام عليكم مبروك للي تم قبولهم وهاردلك للبقية سجلت مخصوص عشان هالموضوع اتمنى م تخذلوني والقى فيه كل اللي احتاجة انا خريجة ادارة اعمال انتساب هالسنة كان ودي اسجل معاكم بس خيره م اخذنا وثايقنا للحين ان شاءالله ع السنه الجاية ناوية اسجل بماستر ادارة الاعمال شرايكم ب التخصص ذا ؟ وهل اقدر استفيد منه والا الدراسة والمواد نفس اللي درسته بالبكالوريا م تفيدني ؟ وايش تنصحوني اختبر ب اللغة ستيب او ايلتس او توفل ابي الاسهل مع العلم محدثتكم ميح ب اللغة بس ناوية استغل هالفتره بتعلمها ان شاءالله وكم ادنى نسبة للقبول بهالتخصص ؟ وكيف دراستة هل هي صعبة ؟ اتمنى الاقي اجابات شافية ع اسئلتي ولي رجعة ان شاءالله

مقدر أفيدك إلا بإلي أعرفه أسهل اختبار ستيب للي ماعندهم لغة.. بعده الآيلتس بعده التوفل

[najmah]

السلام عليكم ورحمة الله وبركاته ...

أسعدني جداً موضوع هذا التجمع ...

حابه أكتب لكم بإختصار تجربتي وإن شاء الله تستفيدوا
أنا أنتظرت سنتين من بعد التقديم ع بال ماجاني القبول ولكن كان غلطي إني ماطورت نفسي باللغة الانجليزية ..
صبرت والحمدلله لما جاني القبول
كنت مثلكم ما أعرف شيء ولا حتى الجامعة لأني جديدة فيها ودراستي البكالوريوس كانت بجامعة غير وإنتساب وكمان دراستي بالعربي
طبعاً كلكم تقريبا عندكم مواد تكميلي اللي الانجليزي تبعها كويسه وعندها 8 مواد تاخذ 4 كل ترم عشان تبدأ ماستر السنة اللي بعدها
انا كنت 4 مواد بس لغتي مو كثير ماحبيت أضغط على نفسي واخذت مادتين كل ترم عشان أجيب معدل
الشيء المهم اللي لازم تعرفوه انه لازم يكون المعدل النهائي لكل فصل 3.75 وإذا جبتي اقل في الترم الاول ممكن يعطونك إنذار أو يكلمونك شفوي عشان تشدي حيلك .. أنا ااتصلت فيني وحده وتقول لازم تشدين حيلك الترم الجاي عشان تعدين التكميلي وتروحين الماستر لازم المعدل لما تخلصون التكميلي يكون أعلى من 3.75 (جيد جداً) لو كان أقل يطوى القيد وهالشيء كان يخوفني مره وكل مره كنت أضغط على نفسي عشان ما اخسر الموافقة فأنتوا شدو حيلكم لأنها أهم مرحلة اهتمو بالواجبات وبيكون في كويزات ممكن بالكلاس وممكن بالبلاك بورد وفي دكتورات بيطلبو برزنتيشن إنك تعرضي جزئيتك مع القروب وكانت تجربه ممتعه فمرررا لاتخافون ولاتشيلون هم ..

تعاملاتكم أغلبها بتكون في مبنى العمادات (66) الدور الثاني أو الثالث الخاص بالدراسات العليا - إستشارات - الحذف والاضافة - كل شيء يخصكم ..
وكمان الايقافات بالاودس بلس راح تبقى بالاودس لغاية ما تتخرجوا من سنة التكميلي وبعدها انتو تضيفون لنفسكم من الاودس وتسوون الجدول ..
لاتشيلون هم انه ممكن تروح عليكم الشعب أو شيء هما بيضيفوا لكم لما تحضروا عندهم بداية الترم مع الدكتورة اللي تبغوها لأنه وضعكم غير وضع بنات البكالوريوس ..
كمان نقطة مهمة بأي فرصة تلقوها بالكلاس كلمي الدكتورة انك تكميلي ماستر عشان تكون مركزة عليك واذا مافهمتي شيء ترجعي لها
امممممم أحاول اتذكر كمان بتتعرفوا على صديقات للي مايعرفون أحد وبكل كلاس راح يكون في ليدر وهي بتسوي قروب واتساب وتضيفكم كل اللي بالكلاس وبتتساعدوا مع بعض وفي كثير بنات متعاونيين ..

بفضل الله خلصت التكميلي وببدء ماستر السنة الجاية الله يوفقنا كلنا

نصيحتي ... لازم تحطون هدف وتتعبوا عشان توصلو له حتى لو مالقيتي أحد يدعمك معنويا إنتي إدعمي نفسك لأنه بالأخير انتي اللي بتحسي بالتعب وفرحة النجاح ..

أي سؤال حبايبي انا حاضرة وبالتوفيق للجميع

[قاهر الاحزان]

يا أخوان هل بدأ التقديم على الماجستير !! انا ابغا ماجستير محاسبة هل فتح ولا راحت علي هالسنة وهل اقدر اسجل ما بين الترمين ؟

[قاهر الاحزان]

يا هو مكتوب على موقع الجامعة زي كذا

فترة التقديم للقبول للفصل الدراسي الأول 1438/1439هـ لبرامج الدراسات العليا عن طريق نظام (قبول بلس) الاحد 20-2-1438 إلى الخميس 23-03-1438


و لمن جيت دوبي ابغا اسجل كتبلي تم اغلاق باب القبول كيف كذا !!!

[فندام]

المشاركة الأصلية كتبت بواسطة قاهر الاحزان يا هو مكتوب على موقع الجامعة زي كذا فترة التقديم للقبول للفصل الدراسي الأول 1438/1439هـ لبرامج الدراسات العليا عن طريق نظام (قبول بلس) الاحد 20-2-1438 إلى الخميس 23-03-1438 و لمن جيت دوبي ابغا اسجل كتبلي تم اغلاق باب القبول كيف كذا !!!

اتقديم لبرامج الدراسات العليا لهذا العام 1437 كان ب 15 محرم وانتهى

التقديم الجاي حيكون السنة القادمة في 20/2/1438 فعليك الانتظار الى هذا التاريخ

اتمنى تكون الصورة وضحت لك

[توك فضيت]

الخبره المطلوبه في ماجستير اداره اعمال خبره كموظفة او كمتدربة ؟
و كم مده الخبره المطلوبه ؟
لازم تكون الخبره في نفس التخصص او لا ؟

[omariis]

سلام
هل يتطلب من خريج كلية إدارة أعمال رابغ (موارد بشرية ) أن يكمل مواد تكميلية قبل بدايةبرنامج ماجستير إدارة أعمال