للعبره ~~~ هذه قصتي

[د.رايق]

السلام عليكم ورحمة الله وبركاته

اليوم راح اتكلم عن نفسي قصه صارت لي بل تجربه ...كانت كذرس لي اولا بحياتي ثانيا بدراستي وحبيت انقلها لكم .. اولا لعدم فقد الامل مهما صعب الشي ومهما طال الزمن ... ثانيا لتتعلموا انه الخطأ لايتصحح بخطأ ولكن يمكن تصلح الخطأ بالصح ....(( لانه مافي انسان مايغلط .. لكن كيف تصلح الغلطه ..))


هذه قصتي

انا اتخرجت من الثانوية قبل ثلاث سنوات تقريبا (( اخر سنه بأسئلة الوزارة))..... بمعدل عالي يأهلني لاي تخصص ابغااه واسعدت كل من حولي من اهل واخوان واقارب ..))

وبدأ التقديم بالكليات او بالاحرى بالجامعات قدمنا بجامعة طيبه (( المدينه المنورة )) وانقبلنا ولله الحمد بسنه تحضيريه هندسه ... وانتظرت الدراسه بفارغ الصبر وبدأت الدراسه .. وتفاجأت بالسنه التحضيريه التي لااعلم فيها اي شي (( كله انجليزي المواد والتدريس )) بدأ الاهمال بهذه السنه اما لانها كلها انجليزي وانا لافهم اي شيء واما من حولي من طلاب يقولوا (( والله صعبه والله ماراح ننجح وانا اسمعلهم واشجعهم على كلامهم ))
وبدأ الاهمال وانا من اهمال الى اهمال ونجحت الترم الاول باقل معدل وانا اعلم ان هذا ليس مستواي ... وبدأ الترم الثاني وانا اقول (( راح اشد حيلي واجيب معدل وادخل الي ابغااه )) وهذي اكبر غلطه .... لاني معدلي كان سيء ولو اشد ماراح اجيب معدل طيب ................
ولاترم الثاني كان اسوء من الاول فحملت ماده معايه واخذتها بالصيفي ... وهذي الغلطه الثانيه لاني برضه عندي امل اني اجيب معدل ونجحنا والحمد الله ... لكن دخلت تخصص ماأبغاه ولافكرت فيه يوم ........ ودخلنا الكليه وانا اقول بنفسي اشد حيلي واجيب معدل واحوول للكليه الي ابغااهاا ......
ودرسنا سنه كامله بهذه الكليه ........ وكل ترم المعدل اسوء من الثاني ............. الى ان طفح الكيل وقلت خليني اسحب ملفي تفاجأ الوالد وزعل مني وقالي خليك لاتسحب قلتله لا ... انا مو مكاني هنا إن شاء الله مكاني غير هذا المكان ................. واستخرت ولله الحمد وسحبت ملفي ... وكانت صراحه اصعب لحظه يوم يسلمك ملفك وياخذ بطاقتك الجامعيه (( الله لايعيدها يارب ))

وبدأ التقديم بجامعة الملك عبد العزيز ... وانا بكامل حماسي وقدمت سنه تحضيريه ...ودرست واجتهدت والحمد انقبلت طب اسنان ......

نصيحه اخويه

(( اخواني اخواتي مهما طالت السنين ... لاتفقدوا الامل ...لاتهتموا لكلام الي حوليكم .... لانه مايبغون الا يحبطون من عزيمتكم .... واذا تبغون شي مهما لقيتو من عقبات راح توصلون بإذن الله ))

[الكريم ابن الكرام]

أحييك على نصيحتك

كلماتك حلوة

وطريقة طرحك رائعة

دمت كريماً

[ستأتي أيامي]

ماشاء الله عليك ..
يارب تحقق كل أحلامك ..

جد كنت محتاجه أسمع هاذي النصيحه
أحس إني بديت أفقد الأمل ..

تشكراتي الجزيلة ..

[د.رايق]

المشاركة الأصلية كتبت بواسطة الكريم ابن الكرام أحييك على نصيحتك كلماتك حلوة وطريقة طرحك رائعة دمت كريماً

شهادة اعتز فيها ,,,,,, مشكور يالغالي

[د.رايق]

المشاركة الأصلية كتبت بواسطة ستأتي أيامي ماشاء الله عليك .. يارب تحقق كل أحلامك .. جد كنت محتاجه أسمع هاذي النصيحه أحس إني بديت أفقد الأمل .. تشكراتي الجزيلة ..

بالتوفيق والله ينور طريقك دنيا واخره

[pharm.d .s]

بصراحة انت ماشاء الله شجاع
ويارب يحقق لكل شخص الي يتمناه

انا ما كانت عندي الشجاعه انوو اوقف في نص المشوار واقول خلاص ما بدي
بس اخدت طريق تاني مراااا
(ارضى بما قسم الله لك تكون اسعد الناس)
الحمدالله ربي وفقني والشغلة سارت تحدي كل سنة احط تراقت يكون صعب واحاول اني اكب التحدي
ويارب اتخرج على خير <<< اخر سنة ولله الحمد والمنه

[م.عبدالله]

الف مبروك ع التخصص
الله يوفقك مااشاء الله عليك

اعجبني فيك الاصرار وعدم الرضى بالقليل

[طموحهـ ولكنـ]

قصتك جدا رائعة ,,,,

والله يوفقكـ

[د.رايق]

المشاركة الأصلية كتبت بواسطة pharm.d .s بصراحة انت ماشاء الله شجاع ويارب يحقق لكل شخص الي يتمناه انا ما كانت عندي الشجاعه انوو اوقف في نص المشوار واقول خلاص ما بدي بس اخدت طريق تاني مراااا (ارضى بما قسم الله لك تكون اسعد الناس) الحمدالله ربي وفقني والشغلة سارت تحدي كل سنة احط تراقت يكون صعب واحاول اني اكب التحدي ويارب اتخرج على خير <<< اخر سنة ولله الحمد والمنه

مشكور على مرورك العطر .....

نعم نحن نتمنى ونطلب .. لكن كل شي مكتوب والله ييسر على كل واحد ........

الحمد الله على كل حااال ........ يلا اخر سنه .. شوفي الدنيا كيف سبحان الله

عقبالي ياااارب

[rubi]

السلام عليكم


اممم قصتك زي قصتي تقريبا


بس ااننا اللي يختلف عنك اني فالقسم الل ابغاه واللي حاباه

بس

انتسااب


وفكرت اسحب وكدا
واستخرت وحسيت اني لازم اكمل ويارب يكون القرار الصح اني اكمل يارب امين

وطبعا خلاص راحت فترة التقديم للسنة الجايا يعني حكمل غصبا عن اهلي هع



مبروك عليك انك دخلت التخصص اللي حابو
والله يوفقنا يا رب كلنا دنيا واخرة امين