شيء يزيد الحماس في المذاكرة إلى أضعاف .... الحقوا الكمية محدوووووودة ....!!!

[sultanooh]

السلام عليكم

فعلاً عندي شيء لكم يخلي حماسكم أضعاف للمذاكرة إن شاء الله

بكل تأكيد ماراح أقول مثل كلام الشوارع اللي هو روح خذ لك منشطات لأنها تزيد الحماس لالا

اللي عندي اكثر من منشطات رغم إنه غير مضر بالصحة مثل المنشطات

.................

راح أبدأ في الموضوع ومعليش على المقدمة وراح اتكلم بخصوص الأولاد أما البنات

يقيسون نفس الكلام اللي للأولاد ويطبقونه عليهم

....................

الوصفة هي

إنك تكافىء نفسك

شووووف تخيل إن الجامعة بدون مكافأة راح يقل حماس الطلاب لكن مع المكافأة تشوف الحماس والتحفيز

إذاً الجامعة كافأتك علشان تحمسك هذا يعني إن المكافآت تحمس الإنسان

لكن نصيحتي هي مكافاة لكن ليست مالية بل معنوية بتقولوووون كيييييييييف ؟؟ أنا اقلكم كيف

مثلاً اذا مسكت شابتر في اي مادة وخلصته تكافىء نفسك
بأنك تعشي نفسك من البيك مثلاً أو محل تحبه

ولمن تخلص شابتر ثاني تكافىء نفسك باللعب في الكمبيوتر مثل العاب ال pc أو اللي عنده سوني او سيجا ... الخ

ولمن تخلص شابتر كمان تكافىء نفسك بأنك تروح تشتري لنفسك عطر
أو لبس جديد مكافأة لنفسك

صدقوني كل ماتكافىء نفسك كل ماتحمست
يعني الجامعة تكافئكم بفلوس انتوا ماتكافئون أنفسكم

شوفوا أنا خلصت شابتر ورحت اشتريت حلاوة بقرة وعصير كادية مع كريك كراك كلها اشياء أحبها مكافئة لنفسي علشان نفسي ترضى علي وتستمر معاي في المذاكرة

هذي نصيحتي أتمنى وصلت
وعااادي حتى إذا تهدي لنفسك وردة او تجيب زينة تحطها في غرفتك هدية منك لنفسك

......
أنا تكلمت عن الأولاد و بالنسبة للبنات يقيسون على نفسهم الموضوع


في امان الله تعالى

كافئوا أنفسكم لأنها تستحق

[..Huda Hamad]

شكرا شكرا شكرا مرررررررره الله يعطيك ألف عافية يا رب..

إنت كذا كآفأتنا بنصيحتك هذي..

وإن شاء الله كل واحد رح يكافئ بنفسه بالشيء إللي يحبه..

بس إحنا صعب نكآفأك على كلامك الرائع..

الله يوفقك ويرفع درجاتك بالدنيا والآخرة يا رب..

[طموحـه]

مشكور يعطيك العافيه .........

[محمد عماد]

Thank you very much
على فكرة ... انا اكافئ نفسي كل ربع ساعة (على البي بي )

[Qotaiba HBK]

مثلاً اذا مسكت شابتر في اي مادة وخلصته تكافىء نفسك بأنك تعشي نفسك من البيك مثلاً أو محل تحبه

طيب اللي يسوي رجيم ايش يسوي :p

،،

والله من ناحيتي أكافئ نفسي كل ما أخلص شابتر لازم أخذ فرة في أبحر .. عشان أستمتع بـ الهواء النقي خخخـ ..

[د/شهود]

الله يعطيك الف عافيه أخوي

أنا يوم قبل الاختبار أكافئ نفسي إزا أنجزت جزئيه وتمكنت منها بإني أخدلي بريك أروق في

وفكره حلوه ان شاءالله رح أطبقها

[ШΛŁΛ2]

ياشيخ الله يسعدكـ منجــــــــــــــــــــــــــــــــــد..

[anas8935]

مشكووور بارك الله فيك..
انا سويت نفس الكلام الي انت قلته خلصت الشابتر الاول ورحت خذيت بيك طيب متى اكمل الشابتر الثاني؟؟؟

[كورابيكا2]

فكرتك رائعه انا في العاده قبل ما اذاكر انزل البقاله وأملي الكيس شوكولاته وشبس
وأخليها جنبي كل ما ذاكرت باب اكلت شي وهكذا الين اخلص عشان كذا ايام الاختبارات يزيد وزني شوي خخخخخخخخخخ

[دومينيك]

يمكن تكوون الطريقه حلوووه
انا الصراحه ماجربتها
بس بكره اذا خلصت شاابتر الاحصااء راح اكافئ نفسي<<اقعد على النت سااعه زيااده لمدة اسبووع كاامل