عاجل جدا: سؤال عن تدريس الحاسب بالجامعة (عنوان معدل)

[hussam626]

اسمعيني وخذيها مني وادعيلي
غير الكلية دي مافي كلية تانية
الحاسب في كل شي
طلي حوليكي دحين يمين يسار فوق تحت
وانا صادق
المروحة من معالجات صغيرة بالحاسب
التلفزيون الكمبيوتر الالة الحاسبة الجوال ...... لو قعت اقولك لبكرة محا اوقف
خليها تدخل الحاسب اي تخصص لانو كلها مكملة لبعض وترا لحد يقلك صعب الليحب شي مايستصعبو
وترا عندنا في بنات في الكلية اخذو جائزة من مايكروسوفت
واحلى دكاترة في الكلية دي مقارنة بالكليات الاخرى
الوظيفة اللي تتمناها اختك
يمديها تاخدها لو ماخدا حاسب في الكلية
تتمنا محاسبة الحاسب يكفيها
طبية تجارية صناعية ..... كلو حاسب
بس اهم شي خلي الوالدة تدعيلكم
ترا بدون دعاء الوالدة لاحاسب وشي ينفع
هاذا الكلام على حد تعبيري
وانا إن شاء الله حتخرج بعد اسبوعين ادعيييييييييييييلي
والله انو احلى ايام حياتي قضيتها في الكلية دي
المعامل كلها موصلة بالنت
يعني لمن اطفش من شرح الدكتور اشغلي شوية نت هاذا لو طفشت اصلا
والتخصصات زي ماقالوليك الأخوان
وانا اقولك خلي اختك تدخل it او is
لانو انا بنفسي سألت دكتور وقلي هادا هو المستقبل
واخيرا ترا مو هادا هو المستقبل
المستقبل برضا الله ثم الوالدين ودعواتهم
اتمنى اني اكون افدتك

[dona-kun]

شكرا اخ حسام من جد ساعدتني الله يوفقك يارب ونشوفك مدير شركه اكبر من مايكروسوفت

[hussam626]

الله يسمع من ياشيخة اااااااااااااااااااااااااااااااااااميييييييييييييي يييييييين
اي خدمات انا جاهز
اهم شي الروح المعنوية تكون فوووووووووووووق

[hussam626]

ترا انتي دعيتيلي دعوة في ساعة مباركة والله يستجيب منك ويوفقك

[hussam626]

اخر شي عشان ااكدلك انو يمديها تشتغل في اي مكان
وعشان انتي دعيتيلي دعوة حلوة (يعني انا قاعد اتوصى فيكي)
انا مو قلتلك يمديها تشتغل في اي مكان
مشروع تخرجي في تخصصك انتى في الصيدلة
شايفة كيف الحاسب اتوقع اختك بكرة حتشيل ملفها و على الحاسب الله يوفقكم
بس بدون مجاملة الصيدلة علم رااااااااااائع وحلوووووووو

[IS_girl]

اهلين

شوفي يعتمد هل هي تبغى حاسب عشان تدرس وتستفيد وتتعلم في الشي اللي تحبه

ولا عشان بكره ان شاء الله تجيها وظيفه حلوة

لو كان عشان الدراسه ترى في كل الاقسام الثلاثه مافي ناس بتفهم مزبوط

احنا اللي بنفهم واحنا واللي بندرس بنفسنا

اما اذا كان على الشغل فان شاء الله وظائف الحاسب كثيره

بس من جد ترى الحاسب متعب ,, ويحتاجله جهد لانه زي ماقلتلك مافي احد بيفهم,,

وماراح كمان تنعم بوقت فراغ كثير زي اللي كان في المدرسه

بس من جد لو هي تحبه ومستعده تستحمل في سبيل انها تحقق حلمها تدخل وتجرب مدام دي هوايتها

امممم ,,, بصراحه في كلام كتير عن الحاسب بس خلاص كفايه خلي اختك تدخل وتجرب

وكمان هي عندها فرصه دحين انه اول شي رح تدخل سنه تحضيري وبعدين رح تقرر,

يمديها في هذي السنه تسأل بنات الحاسب نفسهم

ايوه طبعا اولا واخيرا خليها تستخير وتتوكل على الله

[dona-kun]

شكرا ياقلبو بس هي ماتفكر في الوظايف احنا عيله مبدأها
الشاطر دايما لو وظيفه هي اهم شي عندها انها تتعلم الحاسب على اصولو

[اميرررة الورود]

شوفي حبيبتي انا it
بصراحه انا احب تخصصي جداااااا وما ندمت ابدا اني دخلته وما دخلت غيره من الاقسام >> هذا الشي الاجابي

والشيء السلبي
الدراسه طبعا متعبه وصعبه وللاسف قائمة هيئة تدريس سيئة عندنا في قسم البنات ( ترى في منهم كويسين بس عديهم على اصابعك) لكن احيانا نمشي حالنا واحيانا ناخذها على راسنا في مواد ناخذها شبكات مع قسم الاولاد الدكاتره رائعين جدا
بس مو سبب اذا الاستاذات سيئين يعني ما افهم وما انجح بمعدل بالعكس يمكن يكون دافع لكن طبعا بجهد مضاعف

التخصص ممتع جدا وفي اشياء كثيره مفيده والمناهج عالمية واذا هي تحبو وعندها استعداد تتحمل تدخله وهي مغمضة هي كم سنه وتعدي اهم شي تتعلم وتستفيد وتاخذ شهاده لها قيمة احسن ما تختار تخصص سهل وفي الاخر تتفرج على شهادتها لا علم ولا غيره

دعواتـــــــــــــــــــــــــــــــــــــــــــــ ــــــــك

[dona-kun]

شكرا قلبو والله يوفقك ونشوف اسمك في الجرايد وترفعي راس البلد

[هاي]

أنا كمانه حابه آضيف كم كلمة عندي :)

بصراحه الحاسب مررره حلو وممتع وبمآ آنها تحبه يعني بإذن الله راح ستسمتع بتعبه لانه متعب جدآ
وهذآ بفضل الاساتذه نفسهم يعني نآدرآآآ ما تلاقي أحد يطلعك من الكورس و أنتي فاهمه ونآدرآ جدأ كمان
و الله اغلب الاشياء أحنآ نفهمها لنفسنآ و هذآ يحتاج جهد كبيييييير أو أنه نحفظه زي ما هو ونخرج بدون فهم و دآ أصعب بكثير
يعني الجهد في الحاسب ضعف الجهد بمكان ثأني غير أنه يأخذ الوقت كله
حتى بالويك اند تتسلم الوجبات (ممكن عن طريق الموديل أو الايميلز ) كمانه في بروجكتز و هوموركات و برزنتيشنز كثييييييره
ما بغى احبطك بس ابغى احطك بالصوره ولانه اصلا مافي شي يجي بالساهل ..
في حاجه كمانه لو هي تحب البزنس فتخصص is يجمع البزنس والحاسب وصراحة مواد البزنس ممتعه جدآآآآ :)
اخيرآ الله يوفقها و بأذن الله نشوفها معانا بالكليه وفي التخصص اللي هيا تحبه ..