F في الفيزيا والماث ويبغى طب ..

[PoP StaR]

هاي

ياناس اخويا طالب شاطر

لكن هاذي السنه ما ادري ايش في

مايفتح الماده الا ازا في اختبار

الموهيم هوا اخد في الفيزيا والماث f

المشكله انو يبغى طب ؟؟؟

ايش الحل علشان يتخصص في طب

[الســــاامر]

الحل بعد التوكل على الله

انه يسحب ملفه من الجامعه السنة هذي

ويقدم على السنة الجاية من جديد

وان شاء الله يتحسن حاله ويحقق طموحه

وبالتوفيييييق

[محمد عماد]

والله وضعو مرة صعب ...
لأنو هيدرس صيفي ... والتخصصات الطبية هتكون قفلت
الا اذا عندو فيتامين واو ... ممكن يدخل الي يبغاه
وهذا الفيتامين موجود في الطماطم والبيض والحليب

[قلب بريء]

اسحب ملفك لكن اياك تضيع السنة

روح ادرس لغة برا

او حتى سجل بمعهد صحي خلال الفترة هادي منها تراجع معلوماتك عشان ترجع قوي السنة الجاية

[طارق الحارثي]

قولي لاخووك
هالسنة مافي امل طب..
لانك بتدرس صيفي
اسحب ملفك وارجع السنة الجاية

[stu2010]

انا مشكلتي اخذتلي سنة في البترول و المعادن وجيت هنا واخذت F في الماث كنت ناوي طب او هندسة اذا ماجا الطب وبعد الF فكرت اسحب وارجع السنة الجاية لكن قلت كفاية تضييع سنوات والحين بكمل واشوف اخرتها والحين حالتي النفسية مرة سيئة تصدقون بديت اوسوس وافكر في الانتحار صرت اخذ prozac وانا مالي في الادوية صرت احس اني انسان فاشل ما ادري ايش المصيبة الي انا فيها كل اخويياي من الثنوي متخصصين تخصصات حلوة وانا باقي تحضيري لا وبعد راسب

[898989]

المشاركة الأصلية كتبت بواسطة stu2010 انا مشكلتي اخذتلي سنة في البترول و المعادن وجيت هنا واخذت f في الماث كنت ناوي طب او هندسة اذا ماجا الطب وبعد الf فكرت اسحب وارجع السنة الجاية لكن قلت كفاية تضييع سنوات والحين بكمل واشوف اخرتها والحين حالتي النفسية مرة سيئة تصدقون بديت اوسوس وافكر في الانتحار صرت اخذ prozac وانا مالي في الادوية صرت احس اني انسان فاشل ما ادري ايش المصيبة الي انا فيها كل اخويياي من الثنوي متخصصين تخصصات حلوة وانا باقي تحضيري لا وبعد راسب

لاتفقد الامل ماتدري وش الحكمه من الشي دا يمكن الله سباحنه وتعالى مهيئ لك شي ثاني احسن من الا انت فيه اسمع كلامي وانا اخوك لا تاخد البروزاك تراني عارفه سيئ وبعدين مفعوله مابيجي على طول بياخد اقل شي شهر
انتا دحين صلي على النبي وحاول تعرف فين المشكله اكيد انتا بتساوي شي غلط لا زم تعرفه وتعالجه

ارجو ان تتقبل النصيحه اتمنالك كل خير
سلام عليكم

[!..RahoOofa..!]

المشاركة الأصلية كتبت بواسطة stu2010 انا مشكلتي اخذتلي سنة في البترول و المعادن وجيت هنا واخذت f في الماث كنت ناوي طب او هندسة اذا ماجا الطب وبعد الf فكرت اسحب وارجع السنة الجاية لكن قلت كفاية تضييع سنوات والحين بكمل واشوف اخرتها والحين حالتي النفسية مرة سيئة تصدقون بديت اوسوس وافكر في الانتحار صرت اخذ prozac وانا مالي في الادوية صرت احس اني انسان فاشل ما ادري ايش المصيبة الي انا فيها كل اخويياي من الثنوي متخصصين تخصصات حلوة وانا باقي تحضيري لا وبعد راسب

يمكن دي رسالة ليك انو الطب مايناسبلك ., عشان تكون انسان ناجح الطب مو الشي الوحيد اللي يحقق دا الشي .. حط لنفسك خيارات وشوف ايش انسبلك
استخير واطلب من ربنا يساعدك مو احنا اللي حنساعدك ..
ممكن المشكلة انك بدال ماتطلب ربنا يكون في عونك .. انتا يأست من رحمتو وفكرت انك تنتحر !!
دي مو نهاية الدنيا استخير وقول لربنا قدرلي الخير ورضيني فيه .وطول ماا انتا يآئس من رحمة ربنا صدقني ماحتتوفق
وفي الاخير الله يسهلك وحاول تطببق اللكلام اللي قولتلك هوا

[البستان]

المشاركة الأصلية كتبت بواسطة stu2010 انا مشكلتي اخذتلي سنة في البترول و المعادن وجيت هنا واخذت f في الماث كنت ناوي طب او هندسة اذا ماجا الطب وبعد الf فكرت اسحب وارجع السنة الجاية لكن قلت كفاية تضييع سنوات والحين بكمل واشوف اخرتها والحين حالتي النفسية مرة سيئة تصدقون بديت اوسوس وافكر في الانتحار صرت اخذ prozac وانا مالي في الادوية صرت احس اني انسان فاشل ما ادري ايش المصيبة الي انا فيها كل اخويياي من الثنوي متخصصين تخصصات حلوة وانا باقي تحضيري لا وبعد راسب

حبيب روحي ... انت عارف اني كنت مجنون في كلية الطب و امنية من امانيّ ادخل الطب
لدرجة كثير من اهلي كان يعرفوا دا الشي و خال امي كان يقول لي دكتور
و كنت ادعي ربنا ادخل طب
لكن دحين أحمد الله إني ما دخلت الطب و مرتاح إني ما دخلت
حبيبي لا تاخد زودياك و لا غيره إنت مسلم عارف يعني إيه مسلم .؟
يعني موحد لله .... تتوقع إنو الله سبحانه و تعالى هتكون عنده زي المشرك لا و ألف لأ
حبيب القلب....
طظ في الطب .... الطب مهو نهاية العالم و لا هو أحسن تخصص و لا هو أحسن شي
إنت أدرس و أدع ربنا و اللي يجي من الله حياه الله
شوف الناس المشهورة ..... رؤساء ... وزراء ... ملوك .... خلفاء ... شعراء ... أدباء..... علماء أيام زمان اللي اتخلد اسمهم أو علماء دحين زي نيوتن و طقته.... كل هدول نادرا لو لقيت منهم طبيب
إذن الطب مو أحسن شئ
حبيبي تبغى تريح قلبك
أنا ما كنت أصلي ... نعم ما كنت أصلي و كانت حياتي مملة و مغمة
لكن دحين بفضل الله بأحافظ على الصلاة و الله يعينني عليها - أحيانا بأخر عن وقتها لكن مرة نادر-
شوفني دحين كيف بفضل الله قلبي مرتاح و ضارب الدنيا طناش - مش لا مبالاة - لكن كمان ما اعطيها أكبر من حجمها
سؤال جا على بالي؟
قول لي كم دكتور بيتخرج كل سنة؟
كم واحد بيخش طب كل سنة؟
كتير
لكن كم واحد بيخلد التاريخ اسمه؟؟؟؟

[Dr.Shaikhah]

قولي لو يسحب زي مآقآلو !