~| أخبــآر الحذف و الإضـآفة و تنظيم الجدآول لطَـآلبـآت الإنتسـآب|~

[white rose]

بنوتات نزلت المواد الجديدة ومنها العلوم الطبيعية على الاودس شيكو عليها ونزلت سنترا للي يبغى يضيفها وبالتوفيق للجميع

[ام حمدان]

[QUOTE=albato0ol;4769596]

المشاركة الأصلية كتبت بواسطة ام حمدان هلا بالبتول من زمان عنك والله كل مااذكرك انا وصاحباتي ندعيلك عملتي لينا جميل مستحيل ننساه الله يوفقك وين ماكنتي ويحقق لك امانيك بالنسبه للمواد موادك مع بعض يبغالها شدة حيل ووقت ربي يعينك ويسهلهم عليك بالنسبه للبحث المفروض حسب الخطه الجديده انه في المستوى السادس ومواد المستوى السادس مو سنترا حضور لكن للان ماعندنا خبر وفيه بنات راسلوا مس نجوى يتاكدوا منها لكن للان ماشفت احد منهم رد لنا خبر لو احد يقدر يسئلها ويروح الجامعه يكون افضل وووه الله يسعدك يارب ما قمت غير بالواجب نحنا اخوات ولو ذي اثار اللعب اللي صار بجدولي الترم الاول السنه اللي فاتت اكلوني حلاوه بقره الموهيم اجل بعطيك المواد اللي باقي علي وشوفي لي كيف ممكن تزبط مسموح لي ب 18 ساعه LANE333 الصرف MORPHOLOGY------ليلى هاشم LANE342 أدب القصة FICTION --------شادن الحزيم lANE343 المسرحية DRAMA ---ايمان بوترعه LANE331 مناهج البحث RESEARCH METHODS -نجوى الغريبي lANE423 اللغويات التطبيقية APPLIED LINGUISTICS --ابتسام باجري LANE438 علم الدلالة SEMANTICS ----منال التاودي LANE446 النقد الأدبي LITERARY CRITICISM ---كان فيه شعبه لسهام فطاني وشعبه لعائشه الحربي بس الحين كلها سهام !! lANE447 الشعر POETRY ---سهام فطاني LANE424 حلقة بحث في اللغويات SEMINAR IN LINGUISTICS -------خوله زهران LANE448 شكسبير SHAKESPEARE ----ايمان تونسي LANE449 الأدب الحديث MODERN LITERATURE-----سوزان فكهاني LANE422 اللغويات الاجتماعية SOCIOLINGUISTICS ----خوله زهران LANE463 التدريب العملي في اللغة(2) PRACTICUM IN LANGUAGE ---سوزان فكهاني ياليت لو تعرفين مين ماسكهم هالترم وتنصحيني اش اخذ احسن وافضل لي وللمعدل

هلا ياعسل
باقيليك 13 ماده واحس صعب تاخذيهم في ترمين لو فيه امكانيه تخليهم 3 اترام يكون افضل حتى ماتنكبي معدلك
الي بالاحمر اقترح تاخذيها هالترم وهم اولى من غيرهم وكل المتبقي لك يحتاج جهد وشدة حيل اخفهم المورفولجي

الفكشن مشكلته يتعارض مع البحث وكمان بيصير سنترا الترم الجاي

فانا اشوف انه الاولى تاخذي بحث وماتضيعيه مع مس نجوى والسنترا مو مشكله بتكون دورتهم الترم الجاي بدري وبتلحقي تذاكري الفكشن بدري الا ان فتحوا شعبه ثانيه له وماكان عندك مانع تضيفيها بس اشوفه ضغط عليكي :(

كنت بقولك ضيفي كمان سوسيو بس برضو يتعارض مع البحث

ممكن تاخذي شعر او نقد اختاري الاسهل بالنسبه لك
وبقيه المواد كلها دسمه اخاف مايكفيك الوقت لو اضفتي شي منها مع الي حددتهم بالاحمر

انتي فكري وشوفي الانسب لك بس ماتطلعي على المفردات وربك يهونهم عليك ويبارك في وقتك

المشاركة الأصلية كتبت بواسطة ѕυрзя пıdσ البتول المواد الي باقيتلك زيي بالزبططط هههههههه نور العمر فضلا و ليس امرا ممكن تساعديني الحمدلله فتحو شعبه جديده للنقد وحضيفها بإذن الله و حيكون جدولي كالتالي : نقد - مورفولجي - فنولجي - فيكشن - سيمانتكس ... تمام ؟؟ خساره كان نفسي اخد شكسبير كمان بما انو مع ايمان تونسي بس المشكله يتعارض مع الفنولوجي طبعا و الاولى ناخد الفنولوجي

نور في اجازه الحين وماتدخل كثير ربييرجعها بالسلامه
بالنسبه لجدولك احسه متوازن ولو اضفتي شكسبير اخاف مايكفي الوقت لمذاكرته مع موادك الباقيه

الله يسرهم لك ويبارك لك ولنا جميع في الوقت

المشاركة الأصلية كتبت بواسطة white rose بنوتات نزلت المواد الجديدة ومنها العلوم الطبيعية على الاودس شيكو عليها ونزلت سنترا للي يبغى يضيفها وبالتوفيق للجميع

يب يب ياعسل ربي يبشرك بالجنه

[mycat]

بنات انا منزلة فكشن ودراما وسينتاكس وفونولوجي وثقافة4 ايش رايكم كفاية كدا ولا انزل المادة الجديدة كمان

[lalo0osha]

السلام عليكم ..



الحين انا مو عارفه وش السالفه


نزلت لي 4 مواد بس ..

وابي اضيف ماده زياده وعجزت ..


ما طلع لي غير مواد التخصص وكلها لها متطلب ..

والحل يعني .. ؟!

وش اسوي برايكم !؟

[دافوره هانم]

بنات متى اختبار الانتساب المستوى التالت ؟؟؟
دورتنا متاخره وشايله هم مافي وقت /:

وأيت احسن اخد المواد الجديده اللي نزلوها ولا اخد عربي وفلسفه فكر اسلامي ؟؟
المواد الجديده اساميها ماتطمن ههههه

[دافوره هانم]

اووف نزلت مقدمه علوم طبيعيه بركه توقيتاتها يجي منها ولو انها بالزبط اقفل منها عالكلاس اللي بعدو بالزبط
الله يسترها كمان مع المواطنه ان شالله اوقاتها تناسبني ..يامعين /:

[دافوره هانم]

بنات انزل علوم طبيعيه ولا فلسفه في الفكر الاسلامي ؟؟؟؟
دورتنا متاخره اتوقع الفلسفه قرايتي لحالي من غير شرح يكفي بس علوم اتوقع حيعتمد عالكلاسات ومافي وقت
لو الترم الجي اخليه احسن واكون هنا في المنتدى اخدت فكره احسن موو ؟؟

[دافوره هانم]

عادي ثقافه وفلسفه في ضوء الفكر الاسلامي سوا؟؟؟؟
حربي دقني اخر الترم خخخخخخ

[nour al3mr]

المشاركة الأصلية كتبت بواسطة ѕυрзя пıdσ نور العمر فضلا و ليس امرا ممكن تساعديني الحمدلله فتحو شعبه جديده للنقد وحضيفها بإذن الله و حيكون جدولي كالتالي : نقد - مورفولجي - فنولجي - فيكشن - سيمانتكس ... تمام ؟؟ خساره كان نفسي اخد شكسبير كمان بما انو مع ايمان تونسي بس المشكله يتعارض مع الفنولوجي طبعا و الاولى ناخد الفنولوجي

حيـآك ياعسل أنتِ تآمري =)
الافضل تآخذي شكسبير لو الدراما انتهيتي منهـآ و أتركي الفونولوجي مافي اشكـآلية
لكن لو ما انتهيتي من الدراما فخليك على جدولك هذا

و الله يوفقك ..

المشاركة الأصلية كتبت بواسطة ام حمدان نور في اجازه الحين وماتدخل كثير ربييرجعها بالسلامه

والله شكلها أختك ما بتعرف أيش يعني اجـآزة
الله يسعدك ويريح عليك

المشاركة الأصلية كتبت بواسطة دافوره هانم بنات متى اختبار الانتساب المستوى التالت ؟؟؟ دورتنا متاخره وشايله هم مافي وقت /: وأيت احسن اخد المواد الجديده اللي نزلوها ولا اخد عربي وفلسفه فكر اسلامي ؟؟ المواد الجديده اساميها ماتطمن ههههه

المشاركة الأصلية كتبت بواسطة دافوره هانم عادي ثقافه وفلسفه في ضوء الفكر الاسلامي سوا؟؟؟؟ حربي دقني اخر الترم خخخخخخ

ماشاء الله عليكِ ..
الاختبارات ما اتحددت فتابعي التقويم و راح ينزل هناك الموعد
و المواد لك الحرية .. جميعها مواد جديدة وما احد يعرف عنها
اللي يناسب جدولك خذيه ولو حابة تأجليها فبرضوهـ لك القرار
و تقدري تجمعي الثقافة مع اي مادة جديدة لانها مو متطلب لها

[wed0o0]

بنات
شو اخبار السمينار ؟؟ في احد قدر يضيفها
الشعبة زيرو زيرو