اللي درسوا reading2

انهااار · #1 26-09-2009, 11:06 PM

بسم الله الرحمن الرحيم

حابة اسئل البنات اللي اخذوا reading2 ونجحوا فيها

هل هي نفس reading1 او اكثر صعوبه

لاني بصراحة متخوفة من هذي المادة لاني مانجحت في اللي قبلها الا على الحافة

ومفكرة اني احذفها...اش رايكم..
واعطوني فكرة عن محتوى المادة

الــود طــبعي · 26-09-2009, 11:30 PM

هلا عزيزتي

شوفي Reading 2 مايفرق كثير عن Reading 1
بالعكس عندي كان أسهل لأن أستاذة ريدينق 1 كانت سيئة للغاااااااية
وريدينق 2 أخذته مع استاذه زينة ونجحت فيه بدرجة حلوة الحمدلله

يعني في الأول والأخير أهم شي (الأستاذة)
لكن بالنسبة لمحتوى المادتين مايفرق كثير حتى من ناحية الإختبارات
ماأنصحك تحذفينها لأنها متطلب لمادة مقدمة في الأدب

وبالنسبة لمحتوى المادة : عبارة عن قطع وعليها أسئلة تقيس مهارات معينة
الإختبارات نفس الشي قطع وأسئلة..

وإذا تبين تطورين نفسك في هالمادة اقرأي كثيييييييييييير وبس

والله يوفقك ياعزيزتي..وإن شاء الله أكون أفدتك..

لقيت روحي · 27-09-2009, 02:39 AM

بصراحة الريدينق انا اشوفه حلو ..

لكن يبغاله جد ومذاكرة اول باول ..

انا غلطت في فقرة واحدة وخسرت درجتين عن الـ80 ..

عشان كدة التركيز جدا مهم ..

انهااار · 27-09-2009, 02:41 AM

حياتي تسلمييييييييييييييييييين

ومرة افدتيني جزاك اللله خييييييييييييييير

LAYAN89 · 27-09-2009, 03:06 AM

لآتفكري ابدآ تحذفيه لانه متطلب للادب والادب متطلب لموآد كثيررره على راسهاآ مواآد الادب كلهآ وكذلك الريسيرش ..

فعشآن مآتتآخري وبعدين تجيكي زحمة المتطلبات واحيانا احذفي الكورس عشان ماخذتي الكورس الفلاآني >زي ماصارت مع بنات كانو ضايفين الريسيرش قالت لازم تكونو ماخذين الادب وانتي ماتقدري تاخذي مقدمة في الادب الا اذا اخذتي ريدنق 2 يعني ريحي دمآغك

وعلى فكره منهج الريدنق 2 زي ماقالو الاخوآت مثل منهج الريدنق 1 ولاتنسي اختيآر الاستآذه..

انهااار · 27-09-2009, 03:49 AM

جزاكم الله خير جميعا

حمستوني اخذه بس اخاف ارسب فيه..لاني ريدنق 1 نجحت على الحافه

طيب من الاستاذات الللي ترشحونهم للريدنق 2

Soosah89 · 27-09-2009, 07:35 AM

انهار انا زيك مرة خايفة من Reading 2

الاول مع مين اخدتيه؟
ومع مين ناوية تاخدي التاني؟

ونصيحة من مجرب لاتاخديه مع مس ليلى هاشم ابددددددددددددددددددددددن << نصيحة مجربة اتبهدلت معاها Xp

انهااار · 27-09-2009, 10:34 AM

ريدنق 1 اخذته مع مس رشا قزاز
ريدنق 2 بصراحه ماني عارفه بس يمكن مع مس الاء المحمدي

والمشكله انو مافي اسماء الاستاذات على الاودس

Reema55 · 27-09-2009, 11:41 AM

خدي reading2مع مس خديجه وانتي مغمضه بس اهم شي خليها تعرفك وزاكري

nour al3mr · 27-09-2009, 05:02 PM

وانا ان شاء الله راح انزل هذي الماده هذا الترم ..
وزي ما قلتي المشكله مافي اسماء الاستاذات يعني كيف نختار ما اعرف ..
Reading1 اخذته مع مس ايمان بو ترعه ...
وهذا الترم الله اعلم Reading 2 مع مين بنوقع ....
مشكوره على الموضوع ..
وبارك الله في الاخوات على افادتهم لنا..

اللي درسوا reading2

قسم اللغات الأوروبية و آدابها