بعض الاسئلة الهامة لمادة النقد Lane 446:: طالبات

[مملكة عمري]

المشاركة الأصلية كتبت بواسطة lovely aroma مملكة عمري دحين وانا اذاكر عدا عليا شيئين مني عارفة هم نفس الشي القصد بس الاجابة وحدة فيهم خطاء ولا هما شيئين مختلفين الله يسعدك لو تعرفي قوليلي قاعدة اذاكر الاختبار بكرة وما ابغا اخبص Another name of literary theory and critical theory is mimetic theory the one word for literary theory or critical theory is criticism

مااعرف والله
انا حفظتها على اساس انه كل وحدة غير مع اني مو مقتنعه
جات الفقرة الاولى منها في الدوري
وماورتنا اوراقنا فما اعرف ااذا صح او لا

تمنياتي لك بالتوفيق

[lovely aroma]

وييييي ههههههههه مو مشكلة نحفظ ونمشي الله يستر اخاف بكرة نلاقي اسئلة مختلفة خااااالص الله يستر

[همسات دافئة]

بقوولكم شي بس ماتضحكووا

انتو عارفين يابنااات ولله ما ابالغ

الى الآن حلمت 4 كوابيس بـ أ.سهام فطاني

وكل حلم يدور عن الدرجااات طبعا من كتر ما افكر فيها

ماني شايله هم استاذة قد ماني شايله همها

سمعت بنات يقولو انها ماتصحح الفاينال وتعطيكي درجات على حسب اختبارك الدوري

وبالذات الاختبار الدوري الاول

يعني اذا نقصتي في الدوري الاول لاقدر الله 10 درجات

الفاينال تنقصلك منه 10 درجااات وعلى كدا تسوي مع كل بنت

وانا مررره خببصت في الدوري الاول اهئ

حتى لدرجه انها ماتورينا أوراقنا يعني لو كانت تصحح من جد

كان مفروض تورينا اوراقنا زي الاستاذات الباقيين

صح كلامي ولا لا ؟


وفووق دا كلله تخيلو

صحباتي ياخدوا معاها شعر ونقد التيرم دا

وقالو لي انه نفس درجات النقد اللي اخدوها في الدوري الاول هيا نفسها اللي

اخدوها في الشعر الدوري الاول ؟؟

مستوعبين الكلام دا؟؟ ايش معناتوو ؟؟

انا مو قصدي اخوفكم ! بس ابغى اعرف هيا تصحح ولا لا؟؟

قد احد اخد معاها ويعرف اذا تصحح ولا لا؟؟

وهل ممكن تورينا أوراقنا لو نبغى ؟

[lovely aroma]

انا اللي سمعته من صحباتي انها مرة دقيقة في التصحيح وصعب تجيبي معاها علامات حلوة حتى وانتي حالة
كل اللي اعرفهم عدو المادة هذي بكم وستين
انا ما عندي اي طموح اجيب علامة حلوة ابغا انجح وبس ياااااااااااااااااااااااااارب ننجح في دي المادة ونفتك
بروح اذاكر كل شي حفظ حفظ مخي قفل خلاص ماني قادرة احفظ اي شي شكلي بجيب العيد اليوم

[مملكة عمري]

المشاركة الأصلية كتبت بواسطة همسات دافئة سمعت بنات يقولو انها ماتصحح الفاينال وتعطيكي درجات على حسب اختبارك الدوري وبالذات الاختبار الدوري الاول يعني اذا نقصتي في الدوري الاول لاقدر الله 10 درجات الفاينال تنقصلك منه 10 درجااات وعلى كدا تسوي مع كل بنت وانا مررره خببصت في الدوري الاول اهئ حتى لدرجه انها ماتورينا أوراقنا يعني لو كانت تصحح من جد كان مفروض تورينا اوراقنا زي الاستاذات الباقيين صح كلامي ولا لا ؟ وفووق دا كلله تخيلو صحباتي ياخدوا معاها شعر ونقد التيرم دا وقالو لي انه نفس درجات النقد اللي اخدوها في الدوري الاول هيا نفسها اللي اخدوها في الشعر الدوري الاول ؟؟ مستوعبين الكلام دا؟؟ ايش معناتوو ؟؟ انا مو قصدي اخوفكم ! بس ابغى اعرف هيا تصحح ولا لا؟؟ قد احد اخد معاها ويعرف اذا تصحح ولا لا؟؟ وهل ممكن تورينا أوراقنا لو نبغى ؟

الله يستر
انا ماحليت تمام بالدوريات
وعندي امل بالفاينل اني احل قطعت نفسي مذاكرة


المهم
انا معاها في الشعر والنقد >>> ومو نفس الدرجة بالمادتين
والمعروف انه اسئلتها صعبة
يعني درجاتنا المزفتة مو لأنها ماتصحح
بس من طوول المنهج وصعوبة الاسئلة ووقت الاختبار واهمالنا في المذاكرة> لأنو معروف انها ماتختبر الدوريات غير اخر الترم والاغلبية رميوا المادة ومافتكروا انه عندهم مذاكرة غير قبل الاختبار بفترة

[رزاز]

بالتوووفيق لكم ياااآآآآآآآآآآآآآآآآرب


ياليت لما تخلصووواا اختباار تنزلو لنا الاسئله>_<

بانتظاار
وموفقييييييييييييييين