ومنكم نستقيد أتمنى الدخول موضوع هام إستفسار عن دكاتره

[LA 5LEET]

^
^

فراشـة يـآ قمـر ~

أو اي أحـد من الأعضـآإء :)

الحـوسبـة تنصحي نـأخذهـا عند مين ؟

و كمـآإن لاب البرمجـة تنصحينـآإ عند مين بعد ؟

ممممم عندي إستفسآإر صغيرون .. الحوسبـة زيّ إيش من المواد و شو فيهـآإ

شبوهآ الاعضاء بـِ إنجليش كيف تجيّ زي مـآإدة الانجلش :s >> متنكـدة من إنجلش بتـآإع التحضيري :'(

..

[@فراشة الربيع@]

مراحب أختي
الحوسبة في البداية كانت تدينا هيااااا عائشة عسيري إنساااااااااااااانة قمة بعدين تغيرت مااادري لييييييييييه بس لوكان نزلتلها شعبة خذي عندها !
لاب برمجة بالصراحة ماأقدر أفيدك أنا دفعتي كلها 50 فكانت تدينا نوف والشعبة الثانية وحدة بالصراحة ناسية ميييييييين هيا بس البنات يشتكوا منها
بالنسبة للحوسبة أول شبتر يتكلم عن تاريخ الحاسب وأجيااال الحاسب وممن يتكون الحاسب وهااادي الأمور !
الشبتر الثاني يتكلم كيف الأرقااام العادية الحاسب يفهمها يعني الرقم 10 كيف يمثل الزيرو والون يعني شغل ماااث
وشبتر تاني يتكلم عن كيفية تخزين الداتا في الكمبويتر يعني الفيديو كيف يخزن الأرقام كيف تخزن الأرقام السالبة كيف تخزن الأرقااااام العشرية وهااادي الجزئية دسمة زي جزئية النت وورك وهكزا وهكزا !
شبهوهااااا زي الإنجلش لأنهاااااا دش بالإنجلش ,,بس الصراحة تعبير غير بليغ ,,

صبايا is ما جاوبتوني على سؤالي!

[Aowedh Alsolmi]

ربي يحفـظكم لنا ..

مشكورين ع المعلومات الرائعه ..

جعلنا وأياكم من عتقائه في هذه العشر الفضيلات ..

تحيتيـ

[ِِAnwar]

مشكوورين ما قصرتو واللي كمان عنده معلومة الله لا يهينه ينزلها ......

[الفيصل الأخير]

المشاركة الأصلية كتبت بواسطة كريم الأخلاق يوجد كتاب في دار حافظ "بنك المعلومات لمادة CS201" ينفع مساعد لمادة cpit201 يحتوي على 1200 سؤال من نوع اختيارات وصح وخطأ شبيه باسئلة الكتاب وأسئلة الامتحانات يوجد سلايدات المادة على الموقع [cpit201] سلايدات المادة

يوجد أيضاَ أسئلة اختبارات سابقة في موقع الدكتور

http://www.kau.edu.sa/Default.aspx?S...0001480&Lng=AR

[زهرة البنفسج]

thank you so much for every one

[MeEnSAt]

السلااااااام عليكم ورحمة الله وبركاته

معلـــــيش جاية متأخر ,,

بس باقول اللي عندي =) ,, ما شاء لله اللي قبلي كفو ووفوا ,, بس احب أزود كم نقطة للبنات

1- الثقافة , انا اشوف بصراحة ,,
لازم تحضروا المحاضرات وتخلوا بالكم معاهم ,, لأنو صح اسئلتهم اختياري لكن بعض الأحيان تكون مدري من فين جاية المفروض تحلوها بالفزلكة يعني !! فركزوا على الكلام في المحاضرات عشان تقدروا تناقشوهم في الاختبارات

2- الحوسبة ,, خفيفة المادة ,, هيا تقريبا مقدمة عن كل شي في الحاسب ع الخفيف

يعني كل ما انتم ماشيين في التخصص حتلاقوا نفسكم بتقولوا ايوا صح اخدنا دا الشي في الحوسبة

<-- ارفعو الكتاب تبع المادة تستفيدو منو بعدين ان شاء الله

انا اخدتها مع أ. سارة فاطمة الهندية ,, بصراحة كان ماشي الحال ,

بس المادة يبغالها مذاكرة أول بأول ,, احنا أز سارة كانت تختبرنا بعد كل فصلين تقريبا على اساس يفضل المنهج في بالنا

ففي الاختبار النهائي ما تعبنا

3- الأساليب ,, أحس ما يفرق صراحة ,, المادة تطفش وحالتها حالة , هيا على بعض تعلمك كيف تكتبي بحث علمي ,,

انطلب مننا في نهاية المادة بحث وكمان نعمل عرض على البحث تبعنا ,, وكانت المواضيع مفتوحة ,, يعني عن أي شي في الحياة

الاختبار زي ما قالو كتاب مفتوح , يعني تختبري والكتاب قدامك ,, بس دا مو معناه انو الاسئلة مباشرة

لازم تكوني قارئة الكتاب في البيت ومؤشرة على الاشياء المهمة والتعاريف وكدا ,, عشان تقدري توصليليها بسرعة في الاختبار وما تضيعي وقت

أنا اخدت المادة مع أ. سلطانة الشمري

4- الاحصا , اظن غيروا المنهج , آسفة ما أقدر افيدكم فيه ,

بس على كل إذا نزلتلكم المادة مع أ. سلافة خدوها ,, مررررررررررة عسل وتفهم وشرحها مرة حلو واختباراتها

وان شاء الله تستفيدو من المادة

5- البرمجة ,, سهلة المادة ان شاء الله ومافيها شي

يمكن تتخوفو منها عشان برمجة وشي جديد ,, بس ما عليكم حبة حبة وحتاخدو عليها

أنا أخدتها مع أ. سارة برضو وكان ماشي حالها المادة

أهم شي لا تعتمدو على المحاضرات بس لازم تتدربي على الأكواد وتشتغلي على نفسك
-------------------

@فراشة الربيع @

1- الجافا

المادة مررررررة يبغالها شغل ,, يعني هيا صح سهلة ,, بس لازم تتدربي وتشتغلي على أكواد وبرامج

خديها مع أ. أروى لنجاوي لو قدرتي

يقولو يقولو انو أ. سهى كويسة في الجافا كمان

نهاية السمستر حيطلبو منكم مشروع تشتغلوه قروبات ,, وطبعا طول السمستر واجبات , حاولي تكتبي الكود بنفسك عشان تستفيدي اكتر ,, وصدقيني حتبدعي <-- احس البرمجة تشغيل مخ وابداع

2- مقدمة نظم , ما افتكر كان فيها تدريب أيامنا <-- احس اني مرة قديمة =$

3- العربي المستوى الأول ,, سهل لا تشيلي همة نحو وإملاء <-- ازا كنتي شاطرة فيهم لا تحطي في بالك ^^

آآآآآسفة طولت في الكلام بس ان شاء الله أكون افدتكم

بالتوفيق للجميع ^^

[@فراشة الربيع@]

meensat
يسلمو ياعسل ماتقصري حابة أسألك عن مقدمة نظم هااادي المادة أشفيها !
وبالنسبة لابااات البرمجة مين أحسن شئ وإذا تعرفي موقع فيلو أسئلة محترمة عن الجافا وطريقة حل البرامج لأنو في لاب يدوكي برامج نص كم وفي الإمتحاااااااان يجيبوا شئ معتبر ماكن عمرك درستي الماااادة !
صحيح رزلتهاااا علكي بس إستحمليني

[MeEnSAt]

مقدمة نظم , افتكر انو غيرو المنهج ,,

لو تعرفي احد 08 يمكن يفيدك ,,

بس هيا بشكل عام مادة نظرية ,, عن نظم المعلومات وتطبيقاتها,

المادة خفيفة افتكر ,, لا تشيلي همها ^^

دكتورتنا خلتنا نعمل أساينمنت عن الوظائف لخريجي قسم النظم برواتبهم والشركات <-- عشان نتحمس يعني =)

الجافا , لا للأسف ما أعرف موقع للأسئلة ,,

بس ما افتكر انها كانت نص كم اللابات ,, صح كانت الاختبارات ما تدري من فين جات !!!

بس يمشي حالها ,, صدقيني أهم شي في الجافا والبرمجة بشكل عام انك تكتبي أكواد بنفسك , خدي فكرة البرنامج وحاولي تكتبي الكود بنفسك

تجي يوم الاختبار ماخدة على الكلاسات والميثودز , بعض الأحيان كان ويعطونا الكلاسات جاهزة , بس المطلوب مننا الـ Main

امممممم استاذات لاب , احنا كانت تعطينا أ. نوف البركاتي اللاب والمحاضرة

وكان ماشي الحال , طالما انك فاهما الفكرة ,,

شوفي أ. سهى و أ. سحر

سمعت عنهم كلام طيب في اللاب

عادي لا رزلتيها ولا شي ^^ .. وبالتوفيق ..

[Al-Mehmadi]

المشاركة الأصلية كتبت بواسطة meensat دكتورتنا خلتنا نعمل أساينمنت عن الوظائف لخريجي قسم النظم برواتبهم والشركات <-- عشان نتحمس يعني =)

طب حمسينا معاكي ^^