السنترا راح يجنني

[s.w]

السلام عليكم
مشكلتي هيا اولا الصورة مايلة وشكلها بس عندي لاني مو شايفة تفاعل من البنات وعملت ضبط الشاشة زي مو كاتبين ومااتعدلت وفاتحة من قوقل كروم ومافي نتيجة؟؟
ثاني مشكلة كلامي شكله مايوصل ولونه بالازرق غير عن الباقين وماصرت اشوف اش يكتبون ولاتقولولي غيري من all presesnt=allلانه ماعندي محطوط غير اولل برزينت مافي اوول اش الحل؟؟ من صار معاها كذا مقفولة في وشها من جميع النواحي تفيدني

[s.w]

هذا طبعا بس صار معاية اليوم في محاضرة علوم طبيعية <<شكلها ناوية احذفها من النحس اللي فيها

[kylie]

الاستاذة شكلها عصبية الله يستر .... بس ايش اللي الاجندة اللي نزلته

[white rose]

وعليكم السلام ورحمة الله وبركاته

وبجد نفس حالتي كنك تتكلمي عني لا وزيادة على السعادة 4 مرات داخلة طالعة من الكلاس الله المستعان
وكمان لمن كنت اكتب لها لاحظت انها كانت تقراه رغم انو ينكتب بالازرق يعني هيا طالع عندها وش نكتب رغم انها مقفلة الشات
والشرايح نفس المعاناة مايلة شفتيها لمن كلمت العمادة قال لها الموظف المشكلة من عندها مو من عندنا
لكن ان شاء الله يتعدل حالها الكلاس الجاي لانو اليوم بجد ما فهمت ولا حرف قد ما طلعت ونزلت معاناة

[الملاك الأبيض]

صباح الخير لاحلى صبايا

حبيبتي اس دبليو ووايت روز وكل الي يسأل عن هذي المشاكل , بالنسبة لاول مشكلة وهي عدم ظهور رسائلكم للبنات وظهورها فقط بلون ازرق هذا يرجع لانو الميس تكون مقفلة الشات عن البنات عشان مايصيرو يعملو شاتينق بينهم ويزعجوها ويقطعو افكارها , وتصير هي الوحيدة الي تقرأ كلامكم وايش الاسئلة الي تبغوها يعني هي تقرأ اسئلتكم وتجاوبكم فلا تقلقو من هالناحية ..

الامر الثاني وهو الصورة المائلة الغلط يكون من عند نفس الاستاذة ولازم تعمل ضبط للصورة واحيانا ماتكون منتبهة لهالشي لانو يبان كل شي عندها طبيعي فمفروض البنات ينبهو عليها وهي تصير تعدلها او تكلم الكول سنتر تبع المشاكل ويعدلو لها التقني بس المهم تنبهوهها وماتسكتو

وربي يسهل اموركم واس دبليو لاتفكري تحذفي المادة ترى مررة حلوة وان شاء الله بتكون سهلة عليكم بس توكلي على الله وخذيها الحين احسن من بعدين عشان يصير تفضي للي اصعب بعدين ^^

[s.w]

المشاركة الأصلية كتبت بواسطة white rose وعليكم السلام ورحمة الله وبركاته وبجد نفس حالتي كنك تتكلمي عني لا وزيادة على السعادة 4 مرات داخلة طالعة من الكلاس الله المستعان وكمان لمن كنت اكتب لها لاحظت انها كانت تقراه رغم انو ينكتب بالازرق يعني هيا طالع عندها وش نكتب رغم انها مقفلة الشات والشرايح نفس المعاناة مايلة شفتيها لمن كلمت العمادة قال لها الموظف المشكلة من عندها مو من عندنا لكن ان شاء الله يتعدل حالها الكلاس الجاي لانو اليوم بجد ما فهمت ولا حرف قد ما طلعت ونزلت معاناة

اكتشفت انها تطالع متاخر بس اللي كان محيرني انو ماحد قعد يقول لها ان الصورة مايلة وانا زيك من كثر ماطلعت ورجعت فاتتني نص المحاضرة بس اصلا انا شفت كلاسات مس سامية في موقع العمادة ومرة فهمت فماني شايلة هم كثير بس انا اصلا دخلت عشان كنت ابغى اسالها عن الاختلافات اللي بين السلايدات والكتاب ومن فين نذااكر
بس يالله ان شاء الله تتعدل المرة الجاية ونحاول ننبها على الصورة المايلة

المشاركة الأصلية كتبت بواسطة الملاك الأبيض صباح الخير لاحلى صبايا حبيبتي اس دبليو ووايت روز وكل الي يسأل عن هذي المشاكل , بالنسبة لاول مشكلة وهي عدم ظهور رسائلكم للبنات وظهورها فقط بلون ازرق هذا يرجع لانو الميس تكون مقفلة الشات عن البنات عشان مايصيرو يعملو شاتينق بينهم ويزعجوها ويقطعو افكارها , وتصير هي الوحيدة الي تقرأ كلامكم وايش الاسئلة الي تبغوها يعني هي تقرأ اسئلتكم وتجاوبكم فلا تقلقو من هالناحية .. الامر الثاني وهو الصورة المائلة الغلط يكون من عند نفس الاستاذة ولازم تعمل ضبط للصورة واحيانا ماتكون منتبهة لهالشي لانو يبان كل شي عندها طبيعي فمفروض البنات ينبهو عليها وهي تصير تعدلها او تكلم الكول سنتر تبع المشاكل ويعدلو لها التقني بس المهم تنبهوهها وماتسكتو وربي يسهل اموركم واس دبليو لاتفكري تحذفي المادة ترى مررة حلوة وان شاء الله بتكون سهلة عليكم بس توكلي على الله وخذيها الحين احسن من بعدين عشان يصير تفضي للي اصعب بعدين ^^

الله يسعدك ملوكة وضحت الصورة بنحاول الكلاس الجاي نقولها
بس انا عندي سؤال انتي ذاكرتي المادة من الكتاب والا من الشرايح وهل فيه اشياء محذوفه والا لا وبالنسبة للتواريخ ذاكرتيها ؟؟
معليش تعبتك بالاسئلة بس ابغى تجربة احد قبلي وعشان تتوضح الصورة للبنات

[s.w]

المشاركة الأصلية كتبت بواسطة kylie الاستاذة شكلها عصبية الله يستر .... بس ايش اللي الاجندة اللي نزلته

والله ماادري نص المحاضرة ماحضرتها فماادري عن عصبيتها وبالنسبة لسؤالك مافي شئ حاطتة في الاجندة هيا بس حاطة السلايدات تبع سامية كوسه في الاب شير والسلايدات تلاقيها في موقع الاستاذو سامية كوسه اذا تبغيها

[الملاك الأبيض]

هلا عزيزتي . بالنسبة للمادة انا اخذتها مع سامية كوسا وبعدين حولت لبسمة الحقبي لوجود تعارض
كأسلوب كانت اكييد ميس سامية الافضل
ولكن لما روحت لميس بسمة قالت اول تشابترين تبع الفيزيا والكيميا ذاكروهم من السلايدات
وباقي الفصول من الكتاب
بس انا لقيت انو السلايدات تذكر المعلومات المهمة الي في الكتاب وكمان مرتبة اكثر فذاكرت منها والاختبار لم يخرج عنها وكان القسم العلمي من المعادلات والاسئلة الحسابية لايتعدى ال6 اسئلة .والباقي نظري وكانو 80 سؤال على مااذكر
التواريخ ماكانت معنا , بس انا لاحظت اختلاف في كلام البنات للي معكم والي كان معنا , نحنا ماكان معنا ابو بكر الرازي وماكانت معنا التواريخ والاسئلة ماكانت موحدة والحين البنات يقولو موحدة . فشكلو في تغييرات طفيفة
على العموم كون الاسئلة موحدة فهذا شي لصالحكم يصير اتأكدو من الاستاذات اذا التواريخ معكم ولا لا واتاكدو من المنهج المطلوب والاشياء المحذوفة . وبعدها حملو السلايدات والي ماتقدر تحضر مباشرة تسمع محاضرات العمادة
وبعدين تذاكر من السلايدات وممكن تطلع على الكتاب كاستزادة وعشان تكونو ملمين بكل شي . وموفقين يارب
واي سؤال انا والاخوات بنفيدكم باذن الله