مافي تجارب للبنات مع البحث والتدريب في المنتدى؟؟

[بربر]

يسلمووو العمر لحظة مشكورين اوي
بس تدري لمن دحينه متردده من صفيه
ماعرف خايفه منها مرره
تدري انا ماحب انط كل شويه عندها
مادري مو متعوده كدا
اعرف انو صفيه تحب زي كدا انو تنطي كل شويتين عندها
وتتصاحبي معاها
انا مرره ماليا في دا الشي
الله يعين ويسهل يارب

[BoBy]

انا كمان اخدت الماده عند صفيه
السمستر اللي فات
جبت معاها a
لازم اقولك الصراحه تتعبي معاها في شي حركة انك تسأليها اي شي تقولك زي ما انتي عايزه يعني تحسي ماتقدري تطلعي بالزبط هي ايش تبغا منك تعملي والشي التاني زي ماقالتلك العمر لحظه لازم انتي من نفسك تهتمي وكل شويه تجيها عشان تحفظك انا زي كدا حتى حفظتني وعرفتني وحتى دحين وانا متخرجه جيت كنت ماره شافتني سلمت عليا
يعني هي من النوع اللي لازم تجيها من نفسك لو عليها ماحتقولك تعالي ولا تحددلك يوم تجي انتي اهتمي واسأليها دائماً
حتى كانت بتحكينا تقول في وحده من البنات جات سلمتني بحثها وانا مش عارفاها اصلا وحتى كنت حسألها هو انتي معايا ؟ هههههه يعني تركز مين بيجي دائماً ومين لا

بالنسبه لتدريبي انا تدربت في مستشفى الجامعة
بديت في التقرير عملت تقريري عن الرواتب والاجور في المستشفى شافتو مرتين عدلتلي الاشياء اللي لازم اوضحها او اشيلها او اعدلها يعني هي تكتبلك بالمرسام التعديلات وتعطيكي ولو في شي مافهمتيه تسأليها ايش تقصد او كيف تعدلي عشان تفهمك
انا بعد ما سلمت تقريري فوراً حددت معاها يوم وناقشته وكنت الوحيده اللي ناقشت التقرير وحده والبحث وحده عشان حسيت حكون دوبي مشتغله فيه وكمان اكون خلصت منو واتفرغ بس للبحث اما باقي البنات ناقشوه كله مع بعض نهاية الترم
وبعدين اشتغلت في البحث عملت عن مكاتب المراجعة وعملته 12 صفحه بالزبط مو زي التقرير عشان كان يتعلق بالتدريب وكان عندي معلومات كتير فعملت يمكن 30 تقريبا

بالنسبه للمناقشة
شوفي في استاذات بصراحه اريح يخلوكي ماسكه معاكي الورق وتقري وتشرحي بس صفيه ماتحب يكون معاكي شي
اهم شي تكوني واثقه من نفسك وتبيني نفسك فاهمه ايش بتقولي يعني مو لما ماتعرفي تجاوبي تقولي ما اعرف لا حاولي تتكلمي وبيني نفسك فاهمه
انا التقرير كانت مناقشتي مره تمام وعجبتها يعني كنت بشرحلها بوضوح وبفهم وكانت اسئلتها فاتحه تقريري وبتسأل منو
اما البحث بصراحه ماناقشتو كويس لانو الاسئلة كانت عامة مو من جوا البحث يعني مثلا سألتني كم مكتب مراجعه في المملكة اذكريلي اسامي مكاتب مراجعه هنا في السعوديه وانا جوا البحث ماذكرت هذه المعلومات
يعني في البحث حاولي تقري عن اي معلومات تتعلق بموضوعك من قريب او بعيد عشان تناقشي تمام
وبس

اللي عند صفيه انا كتبتلكم تجربتي بالتفصيل الممل
و اي سؤال انا في الخدمة

[TeeNa....]

حمستوني اخد مع صفيه
كل الدكتورات لازم يناقشوا البحث والتقرير؟؟
كمان الدرجه تنزلكم ع الاوديس على طول مايقولولكم قبل؟ لو انصدمنا لاقدر الله بالدرجه كيف تتعدل
ومررره شكرا يابنات ع التفاعل ربي يوفقكم

[BoBy]

المشاركة الأصلية كتبت بواسطة teena.... حمستوني اخد مع صفيه كل الدكتورات لازم يناقشوا البحث والتقرير؟؟ كمان الدرجه تنزلكم ع الاوديس على طول مايقولولكم قبل؟ لو انصدمنا لاقدر الله بالدرجه كيف تتعدل ومررره شكرا يابنات ع التفاعل ربي يوفقكم

يب كلهم لازم يناقشوا بس يعني بتختلف المناقشه من دكتوره لتانيه
بعضهم ما يسألوكي يخلوكي انتي تتكلمي وتقولي كل اللي عندك زي رغدا وبعضهم يسألوكي عن كل شيء وبعضهم مناقشتهم خفيفه كم سؤال ويقولوا خلاص زي صفيه وبعضهم تعملي عرض بوربوينت زي هيام
يعني كل وحده واسلوبها بس اكيد طبعا لازم مناقشه الكل يعملوا
وشوفي بالنسبه للدرجات الاغلب اذا ما كان الكل مايحبوا يقولوا افتكر انا وصحباتي قعدنا نترجى صفيه لما تعبنا ومارضيت تقولنا ابداااا يعني ماعرفنا الا لما نزلت الدرجات
وكمان اخر وحده في كل الدكتورات نزلت !! يعني كل يوم في الفاينل كنا نمر نقولها متى حتنزلي مررره كسوله
وفي صحباتي اللي كانوا مع رغدا قالتلهم كم حتديهم من قبل ما تنزل
يعني على حسب الدكتورات

[TeeNa....]

المشاركة الأصلية كتبت بواسطة boby يب كلهم لازم يناقشوا بس يعني بتختلف المناقشه من دكتوره لتانيه بعضهم ما يسألوكي يخلوكي انتي تتكلمي وتقولي كل اللي عندك زي رغدا وبعضهم يسألوكي عن كل شيء وبعضهم مناقشتهم خفيفه كم سؤال ويقولوا خلاص زي صفيه وبعضهم تعملي عرض بوربوينت زي هيام يعني كل وحده واسلوبها بس اكيد طبعا لازم مناقشه الكل يعملوا وشوفي بالنسبه للدرجات الاغلب اذا ما كان الكل مايحبوا يقولوا افتكر انا وصحباتي قعدنا نترجى صفيه لما تعبنا ومارضيت تقولنا ابداااا يعني ماعرفنا الا لما نزلت الدرجات وكمان اخر وحده في كل الدكتورات نزلت !! يعني كل يوم في الفاينل كنا نمر نقولها متى حتنزلي مررره كسوله وفي صحباتي اللي كانوا مع رغدا قالتلهم كم حتديهم من قبل ما تنزل يعني على حسب الدكتورات

مررره شكرا ياقمر

[BoBy]

العفوووو يا عسووووله :)

[بربر]

مررره يسلمو يابوبي
ارتحت شويه من كلامكم عن صفيه
انا رحتلها اليوم وكلمتها عن مكان التدريب وكدا
انا حدرب في معهد نفيسه شمس ؟؟ كيف تعرفو عنو شي ؟
قالتلي بس يوم واحد في الاسبوع تجي كفايه توريني ايش ساويتي
من جد صفيه ماتاخدي منها شي
كلو براحتك هع
مشكورين كل يلي كتبو
يعطيكم العافيه
والله يسهل دي الماده ويعديها على خير ونجيب ايه وايه بلس كمان يارب

[BoBy]

المشاركة الأصلية كتبت بواسطة بربر مررره يسلمو يابوبي ارتحت شويه من كلامكم عن صفيه انا رحتلها اليوم وكلمتها عن مكان التدريب وكدا انا حدرب في معهد نفيسه شمس ؟؟ كيف تعرفو عنو شي ؟ قالتلي بس يوم واحد في الاسبوع تجي كفايه توريني ايش ساويتي من جد صفيه ماتاخدي منها شي كلو براحتك هع مشكورين كل يلي كتبو يعطيكم العافيه والله يسهل دي الماده ويعديها على خير ونجيب ايه وايه بلس كمان يارب

الله يسلمك حبيبتي
بصراحه ما اعرف احد تدرب في دا المعهد بس اصلاً صفيه عادي ترضى بأي مكان ماتتشرط زي باقي الاستاذات
ههههههههه ايوه لازم براحتك و زي ما انتي عايزه
انتي عادي كل شويه نطيلها اسأليها عن اي شي المهم انو تشوفك مهتمه وطبعاً اهم شي قبل ما تبدأي تكتبي في موضوع قوليلها هو ولو حسيتي انو مو عاجبها والا مو مقتنعه غيريه
وكل ماتكتبي جزئيه وريها عشان تقولك التعديلات او لو حبيتي خلصي مره وحده التقرير او البحث ووريها عشان تخلصي من واحد وتبدأي تشتغلي في التاني
اصلاً اول ماتخلصوا كل شي وتسلموا وتناقشوا تحسوا انكم عاملين انجاز وكل التعب طول الترم يروح
وبالتوفيق يارب تجيبوا اعلى العلامات