أنواع الشباب لما يوقفون عند الإشارات

[الـ اميرة ـورد]

اليوم أعرفكم على أنواع الشباب لما يوقفون عند الإشارات

النوع رقم 1متنح
هذا النوع إذا وقف تلقاه يدخل جو ويقعد يتخيل ويناظر بالدركسون ويندمج
حتى اذا فتحت الإشاره يبيله ساعه علشان يفك من التتنيحه ويمشي
تكون الإشاره وقتها طفت فـ يضطر انه يدخل جو مره ثانيه

النوع رقم 2
وجه المرايا
هذا طال عمركم إذا وقف مغير يناظر وجهه بالمرايا شوي ويدخل فيها
ولا أنه يعدل الشخصيه ولا يمشط شعره وغالبا يكون موجه المرايا على وجهه



النوع رقمLook At Me3
هذا نوع يموت ويشوف الناس تناظر فيه وعادة مايكون مرفع صوت المسجل على الآخر
وفاتح النافذه عالخفيف حتى لو أنه مشغل المكيف وحتى لو الناس صيف أهم شي
الي حواليه يناظرونه وإذا شافك تناظره يقعد يطالعك من تحت لتحت ويبشقلك ابتسامه صغيره
بحيث انك تبتسم ضاحكاً عليه وهو يفكرك معجب فيه وإذا فتحت الإشاره يمشي قدامك
ويضرب لك إشارات يمين يسار

النوع رقم 4هواة السوبربان
هذا النوع ,, تلقى راعي الـ جمس مركب عيال الحاره
كلهم وشاحن الموتر وإذا وقفوا عند الإشاره يشتغلون لك يمين يسار رقص وتشوف السياره تروح
يمين يسار كأن عليها هيدروليك ,,, تحياتي لكل من عنده جمس جميع المقاسات

النوع رقم 5
والله مخاوي
هذا النوع يكثر لدى أصحاب السيارات الفخمه ,, أتحداك توقف عند إشاره ماتلقاه ماسك النقال
ويكلم ومميل راسه على جمب شوي ويضرب في القزازه وتلقاه يناظر نظرات ذكيه يشوف هل
فيه أحد ملاحظ أنه يكلم ولا لأ ؟

النوع رقم 6داخل جو
هذا أنا أتصنف منهم وهالنوع يجيك مقفل النوافذ ومشغل المكيف صيف وشتاء ومرفع صوت
المسجل عالآخر ومنسجم مع الأغنيه وقاعد يغني مع المطرب ولا بداري عن الي حواليه
مع أن الي حوله ملاحظينه بس مادرى عنهم ولا طق لهم خبر وطبعاً يقدر الفن الأصيل
ملاحظه : إذا تبي الناس تناظرك يعطونك اشكل وإذا ماتبي يناظرونك تلقاهم ناشبين ببلعومك

النوع رقم 7والله أشرب دخان
هذا النوع ماتحلى له السيجاره الا إذا وقف عند الإشاره ويفتح النافذه على النص ويجلس يسحب
سيجاره عند كل إشاره لين مايوصل إلى وجهته المرتقبه ---> عاد تكفى الوجهه رايح القهوه

النوع رقم 8بلوتوث
يتميز من يتصنف هذه النوعية بميزة البثاره , ماغير يسوي بحث عالبلوتوث ويرسل للي بجمبه
بالإشاره وعادة مايحاول يستظرف ويرسل لك رقمه مع أن النك نيم حقك وأضح أنه حق تمساح
بس البثر بثر ياجماعه ماباليد حيله غير الدعوه بالشفاء ----> مياه الشفاء ولا الهدا ههههههههه

النوع رقم 9بحث عن السحالي
يميز الجيل الجديد من المراهقين بميزة جديده وهي الترقيم بطرق جديده يعني لو شاف بنات
بجمبه وحب يرقمهم يجلس يطامر ويحوس ولا يسوي بريك بنزين ولا أنه يحط المعروض الي
مكتوب عليه السياره للبيع ورقم الجوال وحظك نصيبك تدق ولا ماتدق
مع أنه جالس يحتريها من الصبح

النوع رقم 10لايمكن الإتصال به الآن
هذا النوع للمتزوجين والمواعدين فقط
تلقاه داخل عالم ثاني مع الي بجمبه وساحب على أبو الدنيا ومافيها , والله يحق له ماينلام
بس أحذركم لاتقعدون تطالعون فيه والله الي يحقد عليك ويحدك حدّه أليمه يصعدك الرصيف



النوع رقم 11ورع وصار رجل
هذا الي توه متعلم يسوق وتلقاه مستلج بالإشاره مرات يدعس بنزين والقير فاضي
ومرات يرقص السياره ومرات يتفنن في الرقص مع أنه بلحاله ,, نسأل الله العافيه
ــــــــــــــــــــــــــــــــــــــــــــــــــ
بس لا أحد يزعل

ومع ارق تحيه

[دافوري]

حلوووووووووووووووووووووووو بس مووووووووووووووكولووووووووووووووو

أنا من النوووووع الي يطالع في الاشارة استنى اللون الاخضر اول ماتولع تلاقيني اول واحد وطالع في المرررايا مدررري ليه المهم لازم اطلع الاول

[د.الفريدو]

النوع رقم 2 وجه المرايا هذا طال عمركم إذا وقف مغير يناظر وجهه بالمرايا شوي ويدخل فيها ولا أنه يعدل الشخصيه ولا يمشط شعره وغالبا يكون موجه المرايا على وجهه

هذا انا
ههههه
مشكور

[أم خالد2010]

يسلمووووووووووووووووواختك ام خالد

[الـ اميرة ـورد]

يسلمووووووو عالمرور

اسعدني تواجدكم

[pharm.d .s]

هههههههههههههههههههههههههه
ههههههههههههههههههههههههههههههههه
يسلمووووووووووووووووووووووووووووووووو

[M!Ss AmoOoLa]

هذا النوع إذا وقف تلقاه يدخل جو ويقعد يتخيل ويناظر بالدركسون ويندمج حتى اذا فتحت الإشاره يبيله ساعه علشان يفك من التتنيحه ويمشي تكون الإشاره وقتها طفت فـ يضطر انه يدخل جو مره ثانيه

هههههههههههه
هذا اشوفه كثير

[الـ اميرة ـورد]

يسلموووووو عالمرور

دمتم ....بود ...لا .....ينتهي

[وبعدين ياحب]

تسلم يدك على هالموووووضوووع واخيرا مسكنا شي على الشباب
خخخخخخخخخخخخخخخخخخخخخخخخخخخخخ
تقبلي مروري

وبعدين يااحب,,,

[sir]

يسلمووووووووووووو موضوع شيق