تجمع طلاب مادة علم الدلالة lane 438 للمناقشة والمذاكرة -الفصل الاول 2013

[عبدالله الAL-HARBIحربي]

المشاركة الأصلية كتبت بواسطة المسيّر مثل ماقلت الدكتور ما شرح كل الصفحات المذكورة لانه كان يقرا من الكتاب و الطلبة يتبعون من الكتاب ايضا المهم بدا الدكتور في pragmatics ويقول هذي فرع من فروع الـ semantics وتعريفها اللي هو انها فرع من اللغويات التي تهتم بدراسة معنى المتحدث ومثل عليها : يوم يقولك واحد خذ الباب معك (يعني صك الباب) فالمختصر في الكلام ان pargmatics جملة غير مباشرة تفهمها انت يعني غير صريحة طبعا كما هو مكتوب جاب وجه الشبه بين semantics , pragmatics واوجه الاختلاف اوجه الشبه شبه واحد فقط وهي انهم كلهم متعلقين في المعنى او كلهم يوصلون المعنى اوجه الاختلاف كثيرة ومنها ان pragmatics تستمد معانيها من حالات نوع معين من الكلام و تعرف مايشير اليه المتحدث .. الخ اما semantics فهو يهتم بكفاءة المتحدث واستخدامه لنظام اللغة في انتاج الكلام ذو المعنى و فهم الكلام من الاخرين (يعني بالمختصر مافيه تلميح كلام دلالة واضحة على معنى معين ) طبعا تكلم على بعض الدلالات كيف تفرق من مجتمع الى مجتمع فالسعوديين مثلا عندهم حركة يد تدل على انه طفران اللي يحطه في سنونه من قدام الحركة هذي يمكن مايفمها المصري وما الى ذلك يعني الثقافات تشكل دور كبير في هذه المسألة بعدين تكلم على دلالات الـ natural , conventional natural الدلات الطبيعية يعني برق ورعد يعني بتمطر ان شاء الله , جرة القدم , السمع , الشم .. الخ ) هذي امور طبيعية له دلات معينة وتعريفها اخر صفحة 6 conventional تعريفها في بداية صفحة 7 وهي من صنع الانسان مثال : صفارات الانذار والاشارات المرورية ... الخ ثم ذكر 3 عميليات لنقل الرساله 1- perception الادراك وهي اول خطوة و يتشارك المراقب او المشاهد للعلامة مع العلامة في نفس الوقت و المكان وجاب مثال : ماسك خط وماشي 200 وشفت من بعيد برق اكيد بتهدي تحسبا لا يكون قدامك مطر فتزحلق السياره يعني بالمختصر ادركت الموقف 2- identification تحديد وهي الخطوة الثانية وهي تحديد المتحدث عن ماذا يتحدث عنه او القارئ عن ماذا يقرا 3- interpretation تفسير وهي مثلا لها معاني مختلفه في سياقات مختلفه او ظروف مختلفه فمثلا الصفاره يستخدمها حكم المباراه لاداره المباره والصافره ايضا يستخدمها الشرطي في تنظيم حركة المرور . فلكل استخدام تفسيره بعدين ذكر بعض معوقات الاتصال كالازعاج مثلا الخ .. ص 8 بعدين ركز على النقطة هذي وقال مهمه وهو الفرق بين utterance , sentence utterance تعريفها موجود وخاصه في الجدول ولكن يتعلق بها event , time , place وخل الكلمات هذي مثل الكي ورد والمفهوم العام كلام عادي يوصل المعنى بدون الاهتمام في القرمر وعكسها sentence : فهي تهتم بال grammer وليست تهتم بالوقت و المكان و not event يعني عكسها بالظبط ص 10 ماجاها مرة الصفحة الاخيره تكلم عن non-verbal communication الاتصال الغبر لفظي وهي نوعان : 1- paralanguage و معناها جنائب الكلام يعني طرق لاستخدام الصوت بشكل مرتفع لايصال رساله معينه فلا تعتبر علامة او جزء من اللغة مثال شش (يعني اسكت) اممم ... الخ والامثلة في الكتاب 2- gestures لفتات او علامات واضحه وهي اشارات الجسم او حركاته لتوصيل الرساله مثل يوم تحرك راسك بنعم او لا ولا مدلخ اللي يكون كلها تعطي معنى . والامثلة في الصفحة الاخيره اتمنى اني افدت

ماشاء الله تبارك الله

الله يوفقك ياشيخ ويسيرك لما هو خير وصلاح لك

حقيقه شرح واافي وكاافي

[عبدالله الAL-HARBIحربي]

المشاركة الأصلية كتبت بواسطة المحزوون انت ابو الطقطقة في شيكسبير يا اياقو هههههههههههههههههههههههههههههه

هلا وغلا

اثيلو

يالله انك تحييه وتصبحه بالخير

[عبير العسيري]

المشاركة الأصلية كتبت بواسطة المحزوون انت ابو الطقطقة في شيكسبير يا اياقو هههههههههههههههههههههههههههههه الله يذكر ايامها بالخير .. الي كان يطقطق علينا والله نـــور .. تحط لنا اسئلة ونتهاوش عليها وكلنا خطأ والمشكلة كل اسئلتها عن منديل عطيل الي ضاع - بالنسبة السيمنتاكس يا شباب عليكم بالمحاضرات الصوتية مفيدة جدا واسلوب الدكتور في الشرح اكثر من رائع يجيب لك امثلة سهله علشان تفهم الشرح وباسلوب شيق .. موفقين يا اخوان ..

هل تقدرون لوتكرمتو تنزلون لنا المحاضرات المسجله حقتكم ان امكن

عشان نفهم من الشرح لان استاذتنا الله يسامحها تقرا وبس ماتشرح

وانا خلصت فلوسي في مدرسات خصوصي الله المستعان

[little Angel]

ياليت لو نلاقي شرح للمادة لأن استاذتنا تقرء فقط من الكتاب ومو فاهمين ولا شئ للأسف +_+

[nemo1987]

كيف طريقة دراسة المادة لاني والله ضايع منى عارف هي حفظ او فهم او كلاهما

[المسيّر]

خلونا نبدا بالعشر هذي اللي في اخر شابتر 1عني انا مافهمت شي

اعتقد اللي قبلها كله كلام مفهوم تعاريف و توضيح تفهمه على طول الا اذا احد عنده سؤال يسأل واذا متفقين على النقاط العشر ارجو ان يشرحهها احد الاخوة ثم ننتقل الى الشابتر 2

جزيتم خيرا

[هدددددء]

up up

[المسيّر]

up up

[العتيني]

محزون أمسي عليك وع الاخوان بالخير
وين هالمقاطع اللي تقوله ؟؟؟

[المحزوون]

المشاركة الأصلية كتبت بواسطة العتيني محزون أمسي عليك وع الاخوان بالخير وين هالمقاطع اللي تقوله ؟؟؟

يا مراحب والله يالعتيني حياك الله يالذيب عاش من شافك ..

سم يالغالي هذا رابط المحاضرات الصوتيه وراح تفيدك باذن الله ..

محاضرات علم الدلالة للدورة التأهيلية 1433-1434 صوت فقط

تحياتي لك عسى الله يوفقك ..