افيدوني بخصوص اللبس في السليمانية

[طالبة حالمة]

السلام عليكم

أنا طالبة مستجده في الجامعة بمرحلة الماجستير سوف أبدأ دراستي الفصل القادم بإذن الله ، ولم يسبق لي الدراسة هنا


لذلك، أريد أن أعرف ماهو نظام اللبس في مقر السليمانية ؟
ما المسموح وما الممنوع ؟

[طالبة حالمة]

قبل لا اطرح الموضوع بحثت ولقيت كلام متناقض وبعضها مواضيع قدييمه وقلت يمكن تغير شي في النظام

عشان كذا حبيت استفسر هنا و ابغى كلام اكيد لأني ما احب المخالفات وابغى أكون نظامية

[asma.]

مسموح بنطلون و بلوزة عادي بس البنطلون ما يكون مرآ ضيق و البلورة لازم تكون طويلة بس

[شوآقي]

وعليكم السلام

مسموح ياعسل البنطلون بس مايكون ضيق وبرضو زي ماقالت اللي فوقي البلوزه ماتكون قصيره مرا
والكت عادي مسموح

انا تعليم عن بعد و فالاختبارات اشوف يلبسو اي شي حتى التنوره الميدي بس ما اعرف اذا مسموحه فالايام العاديه

احتياط البسي اول يوم شي مايكون مخالف عشان تشوفي الاوضاع

وبالتوفيق يارب

[ANWAR.S]

شاسمه انا كممان تحضيري علمي كيف النظام في اللبس
.. ؟؟؟؟؟

[طالبة حالمة]

المشاركة الأصلية كتبت بواسطة asma. مسموح بنطلون و بلوزة عادي بس البنطلون ما يكون مرآ ضيق و البلورة لازم تكون طويلة بس

المشاركة الأصلية كتبت بواسطة شوآقي وعليكم السلام مسموح ياعسل البنطلون بس مايكون ضيق وبرضو زي ماقالت اللي فوقي البلوزه ماتكون قصيره مرا والكت عادي مسموح انا تعليم عن بعد و فالاختبارات اشوف يلبسو اي شي حتى التنوره الميدي بس ما اعرف اذا مسموحه فالايام العاديه احتياط البسي اول يوم شي مايكون مخالف عشان تشوفي الاوضاع وبالتوفيق يارب

مشكورين على الرد


بلوزه طويلة لين وين يعني ؟

وانا ابغى اعرف من الحين عشان بشتري ملابس تناسب نظام الجامعة ومحتاره ما اعرف وش آخذ
والبنات بشكل عام ايش يلبسوا اكثر شي بنطلون ولا تنوره ؟

[شوآقي]

المشاركة الأصلية كتبت بواسطة طالبة حالمة مشكورين على الرد بلوزه طويلة لين وين يعني ؟ وانا ابغى اعرف من الحين عشان بشتري ملابس تناسب نظام الجامعة ومحتاره ما اعرف وش آخذ والبنات بشكل عام ايش يلبسوا اكثر شي بنطلون ولا تنوره ؟

العفو ياعسل

طويله بحيث تغطي يعني تقريبا الفخذ

كذا وكذا وفيه كمان فساتين بس الاغلب بناطيل
يعني اللي يرحك البسيه

واحتياط لاتشتري كثير من ذحين انتي شوفي الاوضاع بعدين خذي

وبالنسبه للشوز ( الله يكرمك) خذي شي يريحك مررا راح ترتاحي وربي
وفيه بنات بالنسبه للشمس ياخذو مظله فيه كثير يجيبوها معاهم لأنو معروف التحضيري كرف مو زي لما تتخصصي

والله يوفقك يارب

[BODUR]

_



تفضّلي هنا أتكلمت عن اللبس وأغلب الحاجات اللي ممكن تحتاجيها حاليًا :
http://www.skaau.com/vb/showthread.php?t=801257
وبالتوفيق ^^

[LAWYER!]

حتى صاروا البنات مايلبسوا بلوزة مره طويلة (يعني الطول العادي ممكن)
المهم مايكون شفاف او قصير ، والجزمة الله يكرمكم زي ما قالت الاخت خدوا شي مرييييييييييح
وربي يوفق الجميع...

[9code]

البسي الي تبغيه بس يكون محترم لانو اصلا اغلب البنات هناك قاعدين بعباياتهم , مايحتاج حتى تنزلي تشتري للجامعه مخصوص لانو فيه منهم يجو بالترنق حق البيت ولابسين عباياتهم
وعادي تلبسي جنز وتيشرت بس يستحسن انو مايكون التيشيرت قصير وبالتوفيق