ابغى اضيف مادة عن طريق المعامله الالكترونية كيييييف؟؟؟

[لل لل]

ابغى اضيف مادة الفكر الفلسفي عن طريق المعاملة الالكترونية ..

ايش اكتب بالضبط ... لاني ارسلت لهم رساله كتبت فيها اسم المادة ورمزها ..ردو عليا راجعي شطر الطالبات... فياليت اللي اضاف او اضافت مادة عن طريق المعاملة يكتب بالضبط ايش كتب؟؟؟؟

[تراتيل]

أهلييين يا لل لل .. كيف حالك يا قمر

لا ترسلين معاملة إلكترونية عشان الحذف والإضافة

بل راسلي المسؤلات عن ذلك عبر هذا الإيميل



external2010@gmail.com


.

.

[الملاك الأبيض]

صباحك سكر يااختي العزيزة

انا اضفت مادة العلوم وكتبت كذا لما ارسلت المعاملة :

السلام عليكم ورحمة الله وبركاته

الى من يهمه الامر :
انا الطالبة ... احدى طالبات الانتساب في جامعتكم الموقرة قسم اللغة الانجليزية المستوى ....
اود من سعادتكم ان تساعدني في اضافة مادة ... ورمزها ... وشعبتها ... حيث هذه هي الشعبة الوحيدة التي لاتتعارض مع جدولي . وبما أنه لايمكنني الحضور للجامعة " ممكن تضيفي مثلا ظروف او تقولي انا من خارج جدة ومااقدر احضر يعني حطي بهاراتك هههه >>بس بجد عشان مايتأخروا في اضافتها " لاضافة المادة بشكل مباشر فأرجو من سعادتكم أن تساعدني في اضافتها في جدولي شاكرة لكم حسن تعاونكم وسعة صدركم .

الطالبة ......

وطبعا لو كانت كلمات الخطاب طويلة حاولي تختصري منها شوي او في طريقة ثانية لو فعلا ماتقدري تيجي جدة او تروحي الجامعة فحاولي وكلي حدا تعرفي وهي تضيف لك لو تقدر تحضر . وربي يوفقك

[تراتيل]

على إيش أرسلتي يا الغالية الملاك الأبيض

هل على خانة معاملة إلكترونية في الــodus

أم بريد مساعدات الحذف والإضافة ...

؟

وضحي الله يحفظك

[لل لل]

على خانه الاودس معامله الكترونية

[تراتيل]

طيب بس أهم شي ما يقولوا راجعي شطر الطالبات أو يعطوك الرقم يقولوا إتصلي كعادتهم في الرد

[الملاك الأبيض]

ايوة تراتيل انا ارسلت معاملة الكترونة في الاودس وارسلت برضو للاستاذة الايميل الي انت كتبتيه فوق

ولما شفت الرد على المعاملة الالكترونية لقيتهم كاتبين انو تم توجيه الرسالة للمختصين وبعدها شيكت الاودس ولقيتها نازلة عندي وبث ^_^

[تراتيل]

بالغالب تكون المساعدة السريعة عن طريق موظفات القسم وإيميلاتهم الرسمية
المعاملات تأخذ وقت أو بحسب من تلقاها ...


الملاك الأبيض أفعالك بيضاء طاهرة كروحك