يعني مين يسمعنا----

[إلهام]

الله يوفقك يااارب
::بس من جد ترا المعدل العالي شرط مهم جدا لأنه بعدين راح ينزل ..
وم جد في ناس جايبين فوق 4:50 والحين بعد سنه صا تحت 3:50
بس أنا من رأيي حتى لو نزل اللي عنده عزيمه يستمر فيه لــــيه يحول

والله يوفقك وإن شاء تدخلينه ,,
أنا حآآآآسه فيكي مررره خاصة وإنتي تحبينه///

الله ييسر لك يااارب::
طيب سؤال ::إنتي ألحين في قسم ثاني ولا كيف؟؟
موفقة

[hanadiateiah]

look girl ... it s not easy to study English especially if u r external !! u ll have to work ur guts out ...... that s why , they require the 4.5 ...not to torture students ............ wish the best of luck , girl ....

[.. بيســـان ..]

و انا رأيي من رأي الطالبات ، معاهم حق في ده المعدل

لأنو حينزل بشكل رهيب و صدقيني مرة صعب على طالبة الانتساب

للأسف حبك للغة مو كافي إنك تمشي فيه و يمكن خيرة من ربي لك

تعالي شوفي احوالنا بس .. الله يستر

[ioooi]

فعلا هو لازم معدل عالي بس مو للدي الدرجة عاد زودوها

وصح القسم صعب بس باجتهادك تقدري تمشي فيه

لانه مررررة كرف مو زي باقي اقسام الاداب التانية

وصح المعدل عند الاغلبية ينزل لان نسبة الرسوب كبيرة بالتخصص

انتي استخيري وتوكلي على ربك

ونصيحة شوفي احد يراجع عند الاولاد

عندنا ماراح يفيدوكي وشغلهم على قشر بيض

الله يوفقك يارب

وبجد حاسة فيكي لاني كنت زيك يوم من الايام

وكنت راح ابطل جامعة لو ماتخصصت انجليزي

[HHM]

استخيري وربي حيكتبلك اللي في الخير
ولا تسمعي كلام احد كل الاقسام فالجامعه صعبه
مدام تحبي اللغه باذن الله تمشي فيها
غير كدا كيف في بنات يتخرجو من القسم بامتياز !
هما يتسهلهم والباقي يصعبو عليهم ؟
لكل مجتهد نصيب المذاكرهـ اول باول تسهل كل شي باذن الله
احنا الفرنسي دخلنا على لغه جديدهـ يعني كانت مخاطرهـ
لغه ماكنا نعرف فيها شي غير مرسي و وي وباردون
زي ماعندكم ادب عندنا ادب ( الفرنسي والفرنكفوني )
و تحليل نصوص وتلخيص وريسيرش
ثلاث مستويات ترجمه ( سياسية اقتصاديه ادبيه)
( فالاختباركانو يجيبو لنا جرايد فرنسية نترجمها )
الحمدالله تخرجنا من القسم بمعدلات حلوهـ
وهذا كلو بس في 4 سنين
كيف الانجليزي اللي هو معانا من المدرسه ؟

ان شاءالله يارب يقبلوكي فالقسم
بس اهم حاجه استخيري واستغفري كثير
بالتوفيق

[HHM]

المشاركة الأصلية كتبت بواسطة ioooi وصح المعدل عند الاغلبية ينزل لان نسبة الرسوب كبيرة بالتخصص

اعرف كثير بنات دخلو القسم قبل التعقيد هذا كلو بس عشان يكتسبو لغه على بالهم بيتعلمو من الـa لـ z
يعني شي طبيعي حتشوفو رسوب كثير
اللي تدخل القسم لازم تكون فلوينت بالانجليش واهم حاجه حابه اللغه

نفس الشي فالفرنسي في مادة اسمها الحضارة الفرنسية والعربيه
فيها رسوب مو طبيعي حتى دكتورة ندى ماهي عارفه ايش تسوي مع البنات
قبل مااخذها سألت البنات والكل خوفوني منها صعبه ومحد ينجح فيها وووو
وانا خلاص مع الخوف كل مرهـ احذفها الين ماجا التخرج واخذتها
كلمة حلوهـ قليله فيها تتكلم عن الرسول صلى الله عليه وسلم والصحابه
وطبعا ملوك فرنسا اخذت فيها a+ الحمدالله ماشاءالله

يعني لو حنسمع كلام البنات حنتعب

[كنده]

المشاركة الأصلية كتبت بواسطة سوسه نوسه السلام عليكم كيف اشتكي ولااقول مقهوووووووووووووورة يعني انا ابغى انجليزي ابغى تخصص احبه وطموحي فيه وامالي فيه بالاخير يقولوا يبغوا معدل 4.50 ايش اسوي بحاااااااااااالي ياااااااربي اموت حالي يعني مستقبلي مستقبلي خلاص يدخلونه ويسكتون مو معدل وكمان طراااااارين معليش على هالكلمه وكمان مقابله اذا تنسابين ولا لا وكمااااااااااااااااااااااااان اشياااااااااااء كثييييييييييييرة ابغى اشتكي بس مين يسمعني بجد مقهووووووووورة يعني مثلا لاسمح الله ادخل تخصص مااحبه ولا لي رغبه فيييييييييييييه ااااااااااااه يااااااااربي تنصرني ياااااااااااارب ادخل ومن دون اي كلمه يقولوا تخيلوا تجين عند شي وتوصيلنه وماتقدرون تاخذونه يااااااااااااااربي والله مقهورة ايش اسوي بالله عليكم يعني جامعه حالتها امها حاله ومافيها تخصصات زي الي بالرياااااااااااض يااااااااااااااربي يااااااااااااربي ياااااااااااااربي بالله ايش اسوي مقهووووووووووووووووووورة مستقبلي احسه ضاع لانه كنت حاطه امالي فيه ياااااااااارب الله لايسامحها من جامعه الله اكبر عليها

والله ماالومك انا احمد ربي اني دخلت قسم eوالله كانت حالتي زيك إن شاء الله يكتب اللى فيه الخير

[رويده عباس]

عزيزتي

ذكرتيني بنفسي انا سويت حرب ضروس شعواء و جننت نفسي واللي حولي عشان هذا القسم لكن

من يوم ما دخلته وانا مش مرتاحه نفسيا و الهموم ركبتني صرت افتح الكتاب واتنح ما اقدر اذاكر او اسوي شي

صحيح هو ممتع و سهل لكن لا يكون كل طموحك واملك

هذي انا قدامك اعتذرت هذا الترم و راح احول انتساب واغير التخصص

عشان كذا استخيري الله و قدمي في الاوديوس مو عند السكرتاريه والله راح يكتب لك اللي فيه الخير

[*غند*]

ليه يا رويده ليش بس

ما ادري كيف طريقة الانتظام بس والله الانتساب هم على هم واذا مره مره كملي انتظام قسم ثاني

صراحه ما هونتي عليه في برنامج اسمه الكافي من مستوى اول لي المستوى الثامن

يعني من مبتدا لمحترف اشتريه الحين وادرسيه بجد دام انك مأجله انا عندي ومرره مبسوطه عليه

هو اللي مصبرني على الانجلش مرررره حلو ورائع من مكتبت جرير بجده ان شاء الله تلاقيه من جد يعلم

لا تخلي الخوف يسيطر عليك ترى ايش هي الدراسه انا رسبت

في اربع مواد وكلها تخصص وما خليت الياس يسيطر علي وعدتها ونجحت

ومافي احلى شعور من بعد الفشل نجاح

وقفلي اذنك من المحبطين الله يهديهم كثرانين هل الايام

[hanadiateiah]

^^
مين المحبطين ؟؟؟ انتي اذا بتنصحي ..قوليلها ع الواقع .. مو تصوريلها الدنيا وردي .. و هي في الاخر تختار .. انا انتساب ما حضرت دورات لا اول سنه و لا تاني سنه .. و الحمد لله يا رب .. بفضل ربي .. ثم .. انو عيني بتطلع بالدراسه .. معدلي اول سنه كان فوق 4.5.. يعني اللي بيطلبو مو مستحيل .. بس اهم شي الاساس .. يعني اللغه .. و لا بعدين .. مو بس هتكرهي التخصص .. هتكرهي حياتك .. لا سمح الله .... في الاخر انتي ادرى بنفسك .. و الله يختارلك اللي فيه الخير ...