بنات الاحياء .. تدريب ميداااني تفضلووو

[doodi09]

اااول حاجه صباح الخيررررررررررر للكل
إن شاء الله تكونو خلصتو من جداولكم وارتحتو زي
وبما انو انا دحين المستوى الخامس حااابه اسال اللي صارو المستوى السابع
ايش سوويتو في التدريب الميداني ؟؟؟ يعني بالتفصصصيل ابغى اعرف
متلن كيف سجلتو وكيف اخترتوا المكان اللي تبغوه وكم المده وايش الفايده منو ؟؟
بلييييز اللي تعرف لاتبخل عليييينا كوولنا بنات المستوى الخامس نبغى نعرف
اهم حاجه لاحد يقووولي مستعجججله ع ايش بس ابغى اعرف ايش حنسوي
ايش نهااايت الاحياااااء

وإن شاء الله يااااااااااااااااااااااارب الله يوفق االجمييييييع ونرفع معدلاتنا وفل مارك خلونا نطمح شووووي <<<<<برررراااا

[doodi09]

مااااااااااااااااااااااافي احد رد :(

[جريحة الأيام]

أنأ أول وحدة أرد....يشرفني...
بصراحه أتدربت في مصنع أولكر ,,,بصراحه ماعجبني بس مرمريح كان للغاية بس مملل طول وقتنا برا خط الإنتاج مو في
خط الإنتاج غير يوم روحنا مع بنات المصنع ساعدناهم رتبنا كرتون وحطينا جوته الشكولاته كل وحده سوت كرتون الصغير بس اثنين أمكن لمدت نص ساعه وخرجنا من خط الانتاج..
طبعا نسائي(لا للإخطلاط)بس لابسه لاب كوت والنقاب ممكن رجالين في بس في خط الانتاج ولكن طول الوقت مرتاحين مو في خط الإنتاج
طبعا نداوم 8-12 يومين في الاسبوع لمدت شهر
بعدين رحنا للمعمل الكيمياء والمايكروا برضوا يوم بس رجال يشرحلنا
وتمر أيام ماننزل خط الإنتاج ابداا(على فاضي نروح نوقع دخول وخروج)
سويت البحث طبعا من كلام الرجال والنت
وناقشته في مركز الملك فهد الأبحاث أول يوم برمضان
والحمدلله أخذت a+
لوفي اي استفسار انا جاهزه...

[doodi09]

اول حاجه تنحت كيف مصنع اولكر وانتي تخصص احياء ايششش تسوي هناك
ويلااا دي استفساراتي الله يعينك ههههههه بس منجد ابغى اعرف ايش حكايتو ده

1_ ايش الشرووط اللي تتوافر عندي عشان اقدر اروح التدريب ؟ يعني متلن هل فيه ساعات محدده اكون انا مسجله عندي عشان اقدر انزل للتدريب ؟

2_ كيف اختار المكان ومن فين ؟ يعني هما بعطونا اماكن واحنا نختار ؟ ولا احنا ندوور وكيف اعرف ؟

3_ من متى سجلتي وكملتي اجرائتك ؟ يعني بعد الاختبارات في المستوى السادس ولا لسا انتي بتدرسي كملتي الاجراءات ؟

4_ في النهايه في شهاده لده الشي ولا اضافه اساعات ؟

5 _ ايش حكااايت البحث ده ؟

[morиiиg]

ياريت احد يرد على الموضوع حمستوووني d:

[doodi09]

في انتظااااااااااااااااار الرد ....

[جريحة الأيام]

معليش أقووووى شي أتأخرت....

والله لو أولكر تنحتي كيف لو قلتلك كان أسمي في مركز تدوير نفايات الطبيبه أيش بتسوي.....


1/ماكان في شروط ولاشي في بنات أخذوا التدريب الصيف وبنات الترم الجاي أهم شي تكوني مستوى السادس..
2/المكان أول شي كان في تدوير النفايات اسمي مكتوب على باب أحد الدكاتره وانا كنت كاتبه مركز الابحاث لمركز الملك فهد
بعدين خفت من تدوير النفايات وبس سكنت بصراحه متأكدنا منهم كل مره لهم راي والله وانا اختبر نهائي لمادة الثقافه جات وحده
وقالت بكره عندكم اجتماع مع رئيسة القسم النبات والدكاتره المسؤولين عن التدريب معانا وطلبت تغير المكان وغيرولي هو
وحطوني في مصنع العطور وبعدين لوزين واخيرا اولكر....
3/ وادرس المستوى السادس
4/ اضافة درجتين وتراه مادة اساسية..
5/اتناقشة مع الدكتوره لان 50درجة في يد الدكتوره و50في يد المشرفه علي في المصنع
وعلى فكره أول دفعه اتدرب في المصنع...

في شي ما وضحتوا قولي ايش هو..؟؟.

[doodi09]

المشاركة الأصلية كتبت بواسطة جريحة الأيام معليش أقووووى شي أتأخرت.... لا عادي خوودي راحتك والله لو أولكر تنحتي كيف لو قلتلك كان أسمي في مركز تدوير نفايات الطبيبه أيش بتسوي.....<<ايش ده 1/ماكان في شروط ولاشي في بنات أخذوا التدريب الصيف وبنات الترم الجاي أهم شي تكوني مستوى السادس.. 2/المكان أول شي كان في تدوير النفايات اسمي مكتوب على باب أحد الدكاتره وانا كنت كاتبه مركز الابحاث لمركز الملك فهد..انتي فين كتبتي بعدين خفت من تدوير النفايات وبس سكنت بصراحه متأكدنا منهم كل مره لهم راي والله وانا اختبر نهائي لمادة الثقافه جات وحده وقالت بكره عندكم اجتماع مع رئيسة القسم النبات والدكاتره المسؤولين عن التدريب معانا وطلبت تغير المكان وغيرولي هو يعني انتي قسم نبات عشان كده كان تريبك هناك لانو انا إن شاء الله حتخصص مايكرو وحطوني في مصنع العطور وبعدين لوزين واخيرا اولكر.... 3/ وادرس المستوى السادس 4/ اضافة درجتين وتراه مادة اساسية..ايوا انا شفتو من ضمن مطلبات الكليه 5/اتناقشة مع الدكتوره لان 50درجة في يد الدكتوره و50في يد المشرفه علي في المصنع وعلى فكره أول دفعه اتدرب في المصنع... في شي ما وضحتوا قولي ايش هو..؟؟.

ومرررررررا يسلموووووووو

[جريحة الأيام]

مرررراحب

أنا كتبت مركز الأبحاث الملك فهد
أذا كنتي مايكروا حيكون في مستشفى ربي يقدملك الي في الخير
جبيت أطمنك صحباتي ما شاء الله درجاتهم مرره حلوه
اذا عندك سؤال لايردك الا لسانك...

سامحني ماأ رد بسرعه...

[أحلى حلم ...]

ربي يسعدك ... ياجريحة الايام
ممكن اعرف فيه غير المستشفى للبنات الميكروا
و الحيوان فين يتدربوا أيش هيه الأماآكن اللي يتدربوا فيهآآ ...