خبراتنا مع التخصص .. [ كلية الحاسبات وتقنية المعلومات ]

[dahmolla]

1- ما هو تخصصك الحالي؟
CS
2- ما هو سبب تخصصك في هذا القسم؟
معرفش
3 - ما هو المستوى الدراسي لك؟
السادس
4- ما هي أفضل طريقة لأخذ المواد التخصصية برأيك؟
حسب المزاج .. يعني لو مزاجك تاخذ 18 ساعه كل ترم توكل ولا يردك إلا الاودس
5- ما مدى صعوبة أو سهولة القسم ؟
الكل عارف ترتيب صعوبة الاقسام في الكلية ..
اصعب شي CS بعدو IS بعدو IT
6- ما هي أسهل المواد العامة بالنسبة لك؟
العربي
7- ما هي أصعب المواد العامة؟ (أو بالأحرى اللي يحتاجلها جهد اكبر في دراستها من باقي المواد)
ماث 202 ونظرية احتمالات 211
8- ما هي أسهل المواد في تخصصك؟
تقريباً اغلب المواد سهله لكن لازم مذاكرة اول بأول ..
9-ما هي أصعب المواد في تخصصك؟
مثل ما قال اخوي رفيع الشان
cpcs211 عند فادي فوز .. عدينا بشعرة الحمد لله
cpcs203 الجافا .. الماده معلوماتها كثيرة جداً .. وتحتاج وقت مذاكرة مضاعف .. بصراحة مدري كيف عديت فيها !!
cpcs214 انا ما اخذتها لكن العالم يحذرون من الشيخ الي محتكرها ..وانا بنزلها الترم الجاي .. ولو كانت عند الهاشمي بحذف الترم كامل
10- من هو الدكتور/ة الذي اعجبك/كـ ي طريقته/ ها في التدريس؟
بكل صراحة دانيآل .. جداً ممتآز .. وفي مجموعة دكاترة لكن إلى الآن مآ نزلت مواد عندهم ..
11- هل قد درست عند مدرس/ـة خصوصي؟ ما هي الأرقام والعناوين؟
نوب
12- ما هي أفضل المواقع/ الكتب التعليمية والتي ساعدتك إثناء الدراسة؟
المودل
13- ما هو المستقبل الوظيفي لتخصصك من خلال خبرتك ؟
البتاع كلو .. حتى لو في سوق الخضرة ينفع
14- نصيحة ودرس تعلمته من خلال فترة دراستك ، وتود أن تقدمها لزملائك/ ـي الجدد
ادخل التخصص الي انت ترغب فيه بعد استشارة ناس خبرة (يعني طلاب سابقين) ومو تقول خلاص انا دخلت التخصص الي انا ارغب فيه يعني راح اعدي بسهوله ..
واهم حاجه في الدنيا ذاكرو اول بأول

[Oo 3soOola oo]

1- ما هو تخصصك في كلية الحاسبات وتقنية الملعومات ؟

IT

3- على أي أساس إخترت تخصصك في كلية الحاسبات وتقنية المعلومات ؟

شفت الخطه الدراسيه على ايش تحتوي وسألت بنات بس

صراحة من ناحية الكليه ماكان في اي توضيح لنا كل قسم عن ايش يتكلم

حتى اول محاضرة في مبادئ التقنيه الاستاذه سألت ليش دخلتو اي تي الكل بللللم بعدين بدأت

تشرح لنا اقسام الحاسب بعد التخصص مشو حالكم

4- ما هو المستوى الدراسي لك؟

السادس >>كبرنا

5- ما هي أفضل طريقة لأخذ المواد التخصصية؟

الخطه نمشي عليها

6- ما مدى صعوبة أو سهولة القسم ؟

مو صعب بس في ناس ماتدرس بامانه وماتوصل المعلومه بامانه

وكمان احيانا احنا نقصر فالمذاكره اول باول

7 - هل قد درست عند مدرس خصوصي؟ ما هي الأرقام والعناوين ؟
يب مادة cpcs203 الجافا لاني كنت ضايعه فالماده ماافهم عالاستاذه واحس الماده مهمه ولازم

نتأسس تمام كثير مواد تعتمد عليها والكتاب يعتبر موسوعه احسو مرجع ليا

فاضطريت اخذ خصوصي مع انها اول تجربه فحياتي مع الخصوصي بس الحمدالله كانت ناجحه

مع استاذه اسراء مايحتاج احط رقمها لانو منتشر بين بنات الكليه اصلن

8- ما هي أفضل المواقع/ كتب التعليمية والتي ساعدتك إثناء الدراسة؟

مافي موقع معين بس احيانا انزل شروحات او كتب pdf اطلعها من عمو قوقو تديني فكره عامه عن الماده بس المرجع الاساسي الكتاب

9- ما هي أفضل المعاهد التي يمكن الإستفادة منها ( إن وجد ) ؟
---

10- ما هو المستقبل الوظيفي لتخصصك من خلال خبرتك ؟
الشركات - مجال التدريس مع اني مااحبو ..، كل ماادرس اكثر يتسع فهمي لمجال الوظيفه

11- ما هي أسهل المواد العامة بالنسبة لك؟

عربي 2 التحرير الكتابي

12- ما هي أصعب المواد العامة؟ (أو بالأحرى اللي يحتاجلها جهد اكبر في دراستها من باقي المواد)
مافي ماده عامه صعبه

13- ما هي أسهل المواد في تخصصك؟
اممم مقدمة الحوسبه مبادئ التقنيه

14-ما هي أصعب المواد في تخصصك؟

الاساليب ماني فاهمه الماده عن ايش الين ذحين كنت مع سمر

مع انا مضمونها سهل

15- من هو الدكتور/ة الذي اعجبك/كـ ي طريقته/ ها في التدريس؟

نور باجنيد احسها انسانه فاهمه

واسماء الشنقيطي بس الباقي اللي درسوني سيئين خصوصا سهى حقت الجافا

[نانو بيبي]

المشاركة الأصلية كتبت بواسطة adss_11 1- ما هو تخصصك في كلية الحاسبات وتقنية الملعومات ؟ information technology 2- ماهو التخصص الذي ترغب الدخول فيه ( إذا لم تكن قد تخصصت ) . ولمـــاذا ؟ --------- 3- على أي أساس إخترت تخصصك في كلية الحاسبات وتقنية المعلومات ؟ على اساس مستوايا الدراسي وميولي ورغباتي وكمان على اساس هواياتي وشخصيتي 4- ما هو المستوى الدراسي لك؟ السادس 5- ما هي أفضل طريقة لأخذ المواد التخصصية؟ طبعا مواد الكلية ...وكمان الدورات ....والشغل الميداني(التطبيق) 6- ما مدى صعوبة أو سهولة القسم ؟ عاااادي مافي شئ صعب ومافي شئ سهل 7 - هل قد درست عند مدرس خصوصي؟ ما هي الأرقام والعناوين ؟ ابدا ....اصلا كبيرة في حقي ..رغم بعض الاحيان احتاج لكن لمن احاول استغني اقدر ...وانا دايما ادعي (اللهم اغنيني بفضلك عمن سواك ) والحمد لله المعونة من الله ودايما ربي ما يخيبني (هذا من فضل ربي) (واما بنعمت ربك فحدث) 8- ما هي أفضل المواقع/ كتب التعليمية والتي ساعدتك إثناء الدراسة؟ مافي شئ معين ادور في كل مكان ...اسال معاهد ...خبرة بعض الناس احيانا النت ...رغم اني ما احب اخذ منه 9- ما هي أفضل المعاهد التي يمكن الإستفادة منها ( إن وجد ) ؟ كلية عفت في الصيف بتعمل دورات مرة روعة وتفيد في تخصصي ...لكن مررة اسعارها نار من سنه وانا اجمع فلوس دورة مدتها شهر 10- ما هو المستقبل الوظيفي لتخصصك من خلال خبرتك ؟ صيانة الحاسبات ...هندسة وادارة الشبكات 11- نصيحة ودرس تعلمته من خلال فترة دراستك ، وتود أن تقدمها لزملائك الجدد ..

الحاسب تخصص حلو للي يحبه وكمان ...لا تعتمدوا بس على دراستكم في الجامعة
احضروا مؤتمرات ...دورات ...ابحثوا في النت ...طبقوا
يعني طوروا نفسكم بنفسكم
ولا تنسوا (وما توفيقي إلا بالله)

[® βutteяfly aηgel«~.]

الله يعطيكم ألف عآفيه مآقصرتوا
من جد اكتسبت معلومآت لأني كنت محتآآآآره
وألف شكر لصآحب الموضوع
بالتوفيق ,.

[محتاج لها]

"ما خاب من استخار، وما ندم من استشار"

[bint aboha]

السلام عليكم ورحمه الله وبركته

موضوع ماشاء الله تبارك الله رائع بمعنى الكلمه والأعضاء المتفاعلين زادوه روعه طيب انا بستشيركم ف شيئ

انا ماأدري الى الآن أي تخصص راح أختار لسه مافكرت وقلت خليه بعد ماأتعمق شوي كمان او لين أهيئ

نفسي للمذاكره للأني إلى الآن ماذاكرت شيئ طيب انا سمعت إن علوم الحاسبات معدلها عالي بالنسبه للبنات

هل هذا صحيح ام لا؟؟؟؟ وأحلى شيئ إنه ف فرع الفيصليه يعني زي مانا موجوده وهذا اللي عجبني لكن

أحس إن تقنيه معلومات أحسن من كثر ماشوف البنات يقولوا نبغى تقنيه معلومات ولكن للأسف هذا التخصص

ف الجامعه هوا ونظم معلومات وانا بصراحه ماأبغى الجامعه ابغى اكون بالفرع ايش الحل ؟؟؟؟؟؟؟؟؟؟؟؟؟؟

والله إني خايفه وصرت موسوسه طول الوقت اقول ايش اسوي واللي عرفته إن علوم الحاسبات ف رياضيات

وإحصاء بشكل مكثف ؟؟؟؟ اتمنى تفيدونا

تقبلوا مروري

[الحلى كله..%*]

أبغى أعرف إذا ماعليكمـ أمر بإختصار شديد جداً ,,,

الفرق بين كل تخصص و الثاني ؟!..||~

[زهره الوتس]

السلام عليكم

اعضاء المتدى الكرام

نود ان نشكر صاحب الفكره وجزاه الله خير

انا طالبه مستجده حاسبات

لما اسال اي احد من قرايبي ولا بنات ف الجامعه كلهم يقلولي القسم صععععععععععععععععععب والاساتذه والستاذات مررررررررررره سيئين >>>>>>>>>>>>>>>>>صار عندي رعب

وبصراحه ما اعرف شي كثير عن القسم الا المعلومات الي كاتبينها ف الموقع

س1 :ما الفرق بن علوم الحاسبات و تقنية المعلومات ؟

س2 :ايش هو التدريب المهني الي تقولون عليه ؟ وين بيكون ؟ ومتى ؟بيكون تتدريب مع استاذه ولا لا ؟

س3:ممكن كل اسماء الاساتذه الكويسن وكل الاساتذه السئين ؟

لانه انا اخذ ماده مقدمه حوسبه مع استاذه مصريه كرهتني ف الحاسب و فالدنيا كلها واحس انه الماده صعبه مو فاهمه شي فيها

س4:هل ماده مقدمه حوسبه اساس لمواد ثانيه ؟(يعني لازم افهمها كويس ولا عادي )

س5:بالنسبه لعددد الساعات انا نزلي 15 ساعه واحسها مره كثيره لانه كل ماده لها واجبات كثير و تكاليف ف تاخذ وقت كثير

لو نزلي 18 ساعه:يكون فضل احذف بعض المواد ولا اكون ع الخطه افضل ؟؟؟؟؟؟

س6:فيه ترم صيفي اقدر انزل فيه موادعشان بخفف الضغط ف الدراسه لانه بجد مو مستوعبه انه الترم الجاي بدرس 18 ساعه ؟؟؟

[اهلاوية]

^^^^^^^

بصراااحة

بديت اخاف من القسم دا

من كتر ما اسمع صعب و شغلوو كتير و ضغغط و دكاترتو سيئيين ..

[بنت الطيب]

السلام عليكم اخي الفاضل احتاج ايميل استاذة مادة الحاسب استاذة سمر بابروك لاني ما عندي بريد الايميس ما يشتغل عندي عشان لابتبي ماك وما يفتح معي اكسبلوريل ومو عارفة اراسل الاستاذة عندي ورطة صغيرة فاذا تعرف احد عنده ايميلها ياريت تفيدوني وجزاك الله خير