نداء لكل من لديه سلطه بالجامعه

[يايا الحلا]

إن شاء الله يوصلهم الموضوع ويكون فيه امل يارب

[بنت الخليج..]

المشاركة الأصلية كتبت بواسطة bullet4myvalentine طيب البريك مو طويل اصلا اللي بريكات قليله اقل من ساعه خلاص ليه تشتكي اما اللي بريكات طويله 2-3 ساعات ينفع كلها 5 دقايق مشي وماشاء الله الجامعه موفره غولف كارت

شوفي أختي بالنسبة للمصلى المفروض يكون مكان مغلق لأن اللي عندنا كذا حاطين سجادة بالممر وتصلين وعندكـ الرايح والجاي ..
ثانياً ماعندنا جلسات مثل الناس تقريبا عدد الجلسات بمبنى 420 يمكن 20 كرسي فقط ..
ثالثاً نبي كافتيريا صاحيه مو يجيبون وحده وتجلس اتبيع كأننا مدري وين....
ونبي بعد باسن روبنز لأن الجو مررررره حاااااارر..

[خريجة تنتظر الوظيفه...]

انا معكم صراحه توني متخرجه بس كنت اشوف الحاله مافي مكان نجلس فيه ولمن نجلس من جهه ازعاج ومن جهه ثانيه السيراميك باااااااااااااااااااااااااااااااارد مزعج واحيانا نضطر ونقعد على الدرج زي البسوس.
بس العلوم صح عليهم عندهم استراحات واجد ومباني واسعه ماشاء الله 420 فيها كراسي كثيره
بس مباني الاداب هناقر وبرد وضيقه جدا ومافي عندنا غير استراحه الثامن ومليانه بمعنى الكلمه

[بنت الخليج..]

المشاركة الأصلية كتبت بواسطة مشتاقه لك بنت الخليج توقيــــــــــــعك مره جنان وانا معكم بالرأي لازم يوفرولنا اماكن بالجامعه للراحه مره زحمه

تسلمين أختي هذاا من ذوقـكـ..
تحيااتي،،

[ناني الحلا]

السلام عليكم
أولا حابة أرد على الأخت الي في العلوم لما تقولي في مصلى في كل مبنى .أولا الاقسام زي علم نفس علم اجتماع إعلام english مالهم مبنى محدد يعيني كل محاضرة في مكان ف لازم يخصصو صالات راحة للطالبات لانو المصلى نصلي فيه مو ناكل ونرتاح فيه وانت عارفة البنات كيف محترمات يشيلو أكلهم وراهم .والعلوم بعيد علينا وشمس وحر والسيارات لما تجي تركبيي ما تلاقي مكان ليه أستني في الحر .
وشكرااااا

[يايا الحلا]

تسلمون حبايبي ع تفاعلكم معاي ع الموضووووووووووووووووووع

[Darkness Within]

المشاركة الأصلية كتبت بواسطة يايا الحلا قلتيه اسمه مسجد للعباده والصلاه مو للجلوس فيه وبعدين يكفي كل بنات الجامعه الوحده تبغى تنام تريح دماغها تنسدح قدام الرايح والجاي خير سلامات

يا اخت يايا ! ما فيه دليل او حديث عن عدم جواز الجلوس او النوم في المصليات او المساجد .. جاء في الصحيحين أن النبي ـ صلّى الله عليه وسلم ـ رؤي مستلقيًا فيه واضِعًا إحدى رجليه على الأخرى، كما صح أن عمر وعثمان كانا يستلقيان أحيانًا بالمسجد النبوي، وروى البخاري وغيره أن ابنَ عمر كان ينام في المسجد النبوي وهو عزب ومعه بعض الشُّبّان ينامُون ليلاً ويَقيلون وقت الظهيرة .. امركم عجيب صراحة .. عامله موضوع وزحمة .. طيب عندك شكوى ولا نقد على الوضع اللي عندك بالجامعة عندك مكتب العماده بدل ما تسوين موضوع انتي وصاحباتك وتجي كل وحده تعدد شروطها .. واحلى شي فيه وحده تقول ليه ما يفتحون باسكن روبنز xD .. ولا سراير نوم او غرف مفروشه؟؟! شرايكم يفتحون فندق مو احسن ؟ ولا مول عشان يشبع رغباتكم وتفرغون طاقاتكم الزايده لما يكون فيه بريكات ^__^ ؟ كذا احسن مو ؟ .. تبين ترتاحين بفترة البريك عندك المصلى وهذا الشي مو ضد الدين مثل ما ذكرت في بداية ردي وإذا تبين احاديث اكثر خبريني ..

[.,.نيــــــــــــــــــــران.,.]

الموضوع يبين وجهة نظر كاتبه وهي صحيحة غير انه يكون فيه سرر لانه مكان تعليمي،،

أؤيد زيادة الاستراحات للطالبات حقيقة نلاقي البنات قاعدين في الدرج والاسياب ومن جد عدم نظام ،،

اذكر مرة في الصيفي كان الدنيا حررر وجلسنا في مبنى وطلعتنا استاذة وقالت ممنوع ،،
كنا نقول انا وصحباتي لو بنتها ماكانت رضيت تخرجها برا
بس كما تدين تدان :)



اتمنى الموضوع مايتحول لساحة جدال ونقاشات اخرى فضلا لاأمرا

[MAG2020]

؟؟؟؟؟؟؟؟؟
غرييييبه ليه انتو البنات كذا ؟؟
احنا لو تجلس بالقاعه او في المرر او اي مكااان بالجامعه
عااادي
اصلا ما نشوف الأمن في الجامعه غير وقت الخروج ينظمو السير لو صار زحمة على البوابة بس
الله يعينكم اول مره ادري عن ذا الشئ عند البنات

[كرستالة*]

مرحبآ~

بداية أحترم صاحبة الموضوع لأسلوبها في تقديم الطلب لأنها ما كتبته بسخرية ترهب من الجامعة
(وللمعلومية لا أعرفها ولا تعرفني ويشهد ربي اني ما انحاز لها لأي سبب كان)

وثانيا:

والله أنتم يالشباب ما رحتوا لمبنى البنات وشفتوا الوضع

يمكن البنات بالغوا في بعض الطلبات بس برضوا يحتاجون استراحات

هذا حقهم كطلاب علم

وما أعتقد أنهم متغربين عن مناطقهم وجايين جدة علشان يتعرضوا لهالنوع من المعاملة

وعن نفسي أطالب أي واحد بيكتب رأيه يحترم صاحبة الموضوع

لأنها أساسا ما وجهت الكلام لك وتصرفك يندرج تحت مسمى اللقافة

المفروض تكون جامعي واسلوبك أفضل شويتين مو تاخذ الموضوع بسخرية بدل ما تحس بمعاناتهم

وإذا جاي تتكلم عن الدين :

الدين يحث على مساعدة اخواتك في الله عكس اللي انت جالس تسويه يا أخ

المووضووع موجه لمن لديه سلطة بالجامعة وليس لك
(والله ما قلنا لك تعال ادفع من حلال ابوك وسوي استراحة هذا من مال مملكتنا الله يعزها)

تحياتي...

(أنا بنت ولي نعومتي بس وقت الجد جد)

=)