الاسلوب وتحليل النصوص وين محاضرتها بالنسبه للانتساب ؟؟!!

[أسمـاء]

السلام عليكم ورحمة الله وبركاته
انا جدااااااااااااا حااايسه واتمنى احد يساعدني
الاسلوب وتحليل النصوص 345
مكتوبه عندي يوم s-m-w
ومحددين المبنى والغرفه
علما باني انتساب
وعندي مادتين مو محددين باي مبنى واي غرفه
ونزلت لي في السنترا اما مادة الاسلوب وتحليل النصوص مانزلت ؟؟
هل اداوم في الجامعه ..؟؟

وهل حضور الدوره التاهيليه يعتبر اني حضرتها ؟؟
وباي مبنى..؟
والساعه كم..؟
وايش هيا الايام اللي اداوم فيها..؟

انا دخلت لجدول الدوره التاهيليه لطلاب الانتساب

وطلع لي هذا الجدول

ماادري ايش اسوي اتمنى تسااااعدوني

الله يسعده ويوفقه اللي يساعدني

[غدير الجهني]

انتي داخله على قائمه الشعب لآي سنه ؟!

[FadoOo]

المشاركة الأصلية كتبت بواسطة أسمـاء السلام عليكم ورحمة الله وبركاته وعليكم السلام ورحمه الله وبركاته انا جدااااااااااااا حااايسه واتمنى احد يساعدني الاسلوب وتحليل النصوص 345 مكتوبه عندي يوم s-m-w يعني يوم السبت والاثنين والاربعاء ومحددين المبنى والغرفه المبنى رقم 9 غرفه 918 علما باني انتساب حتى انا مثلك انتساب ونفس الماده وماحضرت يوم السبت وبحضر بكره ونشووف كيف اذا تبين نتقابل بمكان ونروح مع بعض وعندي مادتين مو محددين باي مبنى واي غرفه ونزلت لي في السنترا اما مادة الاسلوب وتحليل النصوص مانزلت ؟؟ هل اداوم في الجامعه ..؟؟ ايه تتداومين بالجامعه وهل حضور الدوره التاهيليه يعتبر اني حضرتها ؟؟ وباي مبنى..؟ والساعه كم..؟ من الساعه 3 الى الساعه 4 وربع ويفضل تجي بدري عشان الزحمه بالطريق وايش هيا الايام اللي اداوم فيها..؟ زي ماقلت لك السبت والاثنين والاربعاء انا دخلت لجدول الدوره التاهيليه لطلاب الانتساب وطلع لي هذا الجدول ماادري ايش اسوي اتمنى تسااااعدوني الله يسعده ويوفقه اللي يساعدني

صراااحه مدري ووش سالفه الجدول اللي فوق
بس زي ماقلت لك بكره نروح ونشوف واذا تبين نروح مع بعض ماعندي ماشكله ارسلي رقمك ع الخاص او ايميلك ونتواصل ونروح مع بعض لنو رايحه رايحه بكره
بس فاتني يوم السبت والا كان عرفنا ايش الكتاب اذا وحده تعرف ايش الكتاب تعطينا خبر عشان نشتريه

[محمود راشد]

الدكتور مو مجدي الدكتور مطير المالكي وطاب مذكره خاصه فيه
وبنسبة للجدول المرفق هو خاص بالطلاب فقط على ما اعتقد

[FadoOo]

نصيحه سومه انا رحت ايوم وياليت مارحت
ماكانوا راحوا يدخلوني مرره طفشووني الله يرجهم
ولفيت الجامعه طول وعرض وماافيش هدي الماده
نصيحه احذفيها وحطي غيرها انا بحذفها دلحين

[beautifulgirl]

أعتقد هاذ المادة كان دوامها في الجامعة قبل إجازة الحج يعني مع دوام بنات المستوى السابع ومافوق

[amori]

السلام عليكم
في احد اخذ مادة الاسلوب وتحليل النصوص arab 345
عند مطير حسين مطير المالكي
وهل لها كتاب معين او ملزمةوكيف طريقة الاسئلة للي سبق واختبرها

[amori]

لا حول ولا قوة الا بالله
ولا احد عنده فكره
ولا ولا احد مهتم يساعد
جزاكم الله خير

[القنديل]

إليك هذا الرابط


نحن طلاب الإنتساب توصلنا عن طريق أخ فاضل حضر الدورة إلى هذه المعلومات .

تذكري طلاب وليس طالبات وعليك أن تتأكدي إذا كان هناك إختلاف بينا وبينكم أم لا .

المشاركه عند العضو الفاضل (ضماي أنت)



http://www.skaau.com/vb/showthread.phpt=464245&page=11


وفقك الله .

أخوك

القنديل

[القنديل]

الرابط لا يفتح .

لا بأس .

هذا ماتحدث به أحد الزملاء نصا

"مساء الخير للجميع .

يأأخوان امس حضرت لمادة الأسلوب وتحليل النصوص وكانت عند الدكتور مطير المالكي

وأنا آسف انها هي الحصه الوحيده اللي حضرتها .. عموما الدكتور طيب لكن شرحه مو ذاك الزود .


المذكره المطلوبه ( البلاغه والأسلوبيه ) تحصلوها في السليمانيه في مكتبة قرطاسية السليمانيه .


بالنسبه للمهم حسب كلام الدكتور ان المذكره كلها مطلوبه .

الحينا عليه في آخر المحاضره وحذف من آخر المذكره ( المجاز والإستعاره والكنايه )

هذه المواضيع التى تم حذفها .


الرافعي و والفكر العقادي ..قال لنا بصريح العباره مهم ومهم جدآ


من صحفة 130 الى صفحة 133 مهم جدا .

وكذلك صفحة 85 و86 في آخر المذكره ( للإحاطة ترتيب أرقام الصفحات في المذكره فيه لخبطه شوي )


وموضوع القصائد ناحلناه شوي المهم القصائد ثلاث المطلوب منها ( قصيدة أبن الرومي وقصيدة المسا لخليل مطران .)

وليس مطلوب حفظها بل حسب كلام الدكتور يأتي ببيتين ويطلب شرحها وقال ركزوا على ابن الرومي في رثاء ابنه.


وأخيرا وهو الأهم عطانا هالسؤال وقال عليه 10درجات وجايكم لا محاله :.

اذكر الفرق بين الأسلوب الأدبي والأسلوب العلمي :.(مهم تحفظوه )




هذا كل اللي دار في محاضرة الأمس عند مطير المالكي وأي استفسار عن النقاط اللي ذكرتها الحين انا في الخدمه.

واعذروني اذا فيها لخبطه شوي او سوء تنظيم ."

تقبل تحياتي

أخوك
القنديل