يا بنات الإنتساب إللي أخدوا سيمانتكس وكريتيسزم التيرم إللي فات رجاءا المساعدة

[Om Yousef]

السلام عليكم ورحمة الله وبركااااته,,,كيفكم يا بنات إن شاء الله كويسين يارب!
حبايبي يا بنات الإنتساب إللي أخذت فيكم سيمانتكس التيرم إللي فات!!! إيش الشباتر إللي كانت مطلوبة منكم لأنه سمعت بأنه التيرم إللي فات كان 8 شباتر وأعتقد والله أعلم بأنه من 1 إلى 8 حسب ما وصللي !! فهل ممكن يكون الموضوع ثابت على كدة وللى حسب كل أستاذة!!! لأنه التيرم إللي فات كان مع خولة وهذا التيرم مو مكتوب في الشعب مع مين ! فهل ممكن ألقى مين يفيدني في هذا الموضوع لو سمحتوا ؟! :)

وبالنسبة للكريتيسزم,,,أنا عندي كتاب طوييييييل عريييييض للمادة ديه وبصراحة شكله يخوف و مكتوب في الخطة بأنه كل إللي فيه مطلوب مع إني ما أظن!!! وهو هذا التيرم مع أ.سهام فطاني...فهل فيه أحد يعرف إيش الأشياء أو الأجزاء إللي فيه تتذاكر من إللي ما تتذاكر؟؟!!

ولكم جزيل الشكر والتقدير.........

[Om Yousef]

up :)

[Om Yousef]

plz girls I hope to find responses here
cuz we r running out of tiiime!!! ;(

[الأمواج]

لا ياحلوة بالنسبة للكتاب السيمانتكس هو في الأصل 13 شابتر واللي معانا بس 8 فصول هالسيميتر بإذن الله..
أتأكدي من الكتاب تمام لإني انا اشتريت هذا الترم وطلع المنهج القديم اللي كان كامل الكتاب 8 فصول..ومالقيت المنهج الجديد فاضطريت اطبع المنهج من النت..
وماأعتقد يتغير التحديد حتى لو كان عند غير مس خولة...
موفقة يااااااااااااااارب..
بالنسبة للكريستيزم ماأعرف بالنسبة للمنهج ايش هو بالضبط..إسالي وأتأكدي..
بالتوفيق لك يارب..

[Om Yousef]

تسلمي يا قلبي على ردك بس السؤال إللي يطرح نفسه هو: دحين الثمانية شباتر حتكون من 1 إلى 8 ؟ وللى حيكون فيه تنطيط في الكتاب؟؟؟؟

[الأمواج]

الله يسلمك يارب ..حلوة تنطيط ههههه. الله يسعدك ..لا لا كامل الشباتر اللي فيه بإذن الله..من 1 إلى 8...
بالتوفيق يارب والله يحطها لنا عند أستاذة تخاف ربها وتسهل المادة..

[ام حمدان]

وعليكم السلام ورحمة الله وبركاته

الي اقدر افيدك به

كتاب السيمانتكس الجديد تقدري تحمليه من الرابط هذا
http://www.skaau.com/vb/showthread.php?t=354682

وكمان مفردات الانتساب الجديده تقدري تشوفي الكتاب المطلوب لماده النقد الادبي واذا هو نفس المنهج القديم
فندك هالروابط ممكن تفيدك زي ماافادت الي قبلك في الماده

http://www.skaau.com/vb/showthread.php?t=82211

رابط اسئلة الترم الماضي اذا مالقيتي شي فيه عن الاسئله ممكن تلقي في ردي رقم 2 فيه روابط اسئله الاترام الماضيه يمكن يكون فيها اسئله لمس سهام للماده

http://www.skaau.com/vb/showthread.php?t=315980


موفقين وربي يفتح عليكم جميع

[احلى الأماني]

زيي زيك ضايعة ومو عارفة كيف اذاكرها اصلن

اذا لقيتي شئ فيديني بليز خلينا نساعد بعض


انا اتفائل جدا بسهااااااام احبها موت موت
فمطمنه معاها يارب معدلاتنا ترتفع هالترم

[Om Yousef]

ام حمدان

الأمواج

أشكركم على الإهتمام والرد وما قصرتوا الله يسعدكم...

أحلى الأماني, الله يعيننا على داه التيرم بجد!!! أنا فاكرة بأني شفت ملفات متفرقة تخص مادة الكريتيسزم لكن مش عارفة إذا ينفع نعتمد عليها لوحدها وللى لأ؟!! مش عارفة صراحة...الله المستعان

[ام حمدان]

ويسعدك ربي ياعسل

الملفات الي تقصديها موجوده في الرابط الثاني من الروابط الي اعطيتك اياها
اذا منهجكم هو نفسه القديم فراح تفيدك كثير إن شاء الله

بالتوفيق