تجربتي : بالتفاصيل التدريب و تصنيف ، هيئة التخصصات الصحية *

[Tshuji - Chan]

::

- السلآم عليكم -

أنا تخرجت في شهر 8 وفي نهاية شوال رحت هيئة التخصصات الطبية
ومعايا نسخة من وثيقة التخرج ونسخة من الهوية
وأعطوني ورقة التدريب وفيها مكتوب مدة التدريب ثلاثة شهور
(الهيئة يفضل تروحولها بدري لأنو مرا زحمة أنا والدي الي راح يقول بالارقام تستنا دورك)
وقالو انو اروح لأي مستشفى فيها تدريب وعندهم أسدد الرسوم لمن يقبلوني
المستشفى سواءًا حكومي أو خاص كلها تقبل التدريب
أنا رحت لمستشفى خاص قريب من بيتي وكمان سمعت انو عندهم تدريب
قالولي التدريب بس لتخصص علم النفس أما اجتماع ما فيه
رحت لمستشفى حكومي قالولي مافيه تدريب
ورحت لمركز طبي واحد من الهيئة قالنا يمكن تلاقو طلع ما فيه تدريب
فقلت ماليا غير أروح لمركز التدريب والابتعاث
رحت اليوم قالنا مافيه غير مستشفى العزيزية والملك فهد ومستشفى الملك عبد العزيز
طبعا أعطانا خطاب تحويل لمستشفى الملك فهد
وقالنا انو المستشفيات الخاصة احنا مو مسئولين عنها انتو تروحو عندهم تقدمون
ولازم أشوف ادا المستشفى عندهم مكان للتدريب رحت للعزيزية بما إنها أقرب لي
قالتلي مكتفين وادا تبغي تتدربي عندنا تستني إلين شهر صفر
طبعًا مستحيل استنا اربع شهور عشان اتدرب
ورحت لمركز التدريب في مستشفى الملك فهد قالت عندنا تدريب
أعطتني ورقة فيها موقع المستشفى وقالتلي أوراقك ترفعيها بصيغة pdf على الموقع
واستني إلين يجيك قبول ويوم أو يومين تعالي عندنا
والأوراق هيا (خطاب التدريب من الهيئة + خطاب التحويل من مركز التدريب والابتعاث + صورة من الوثيقة + صورة من الهوية + صورة شخصية + شهادة دورة الانعاش القلبي الرئوي)
سألتها ادا ضروري شهادة دورة الانعاش القلبي الرئوي لأنو أنا قررت أخدها بعد التدريب زي ماقالت حربية
بس قالت لازم ضروري عشان تتدربي عندنا في مستشفى الملك فهد
والآن بأدور مستشفيات تقدم الدورة عن طريق موقع جمعية القلب السعودية

::

بخصوص دورة الانعاش الشهادة أخدها بعد أخلص ولا أستنا كدا يوم ؟
وإدا أحد يعرف مستشفى خاص أو حكومي عندهم تدريب لعلم الاجتماع ممكن يقولي لأنو مستشفى الملك فهد مرا بعيد ؟!!

::

[فرح المالكي]

هل هذا التدريب ..يشمل طالبات علم الاجتماع والا بس خريجات الخدمه الاجتماعيه..

[مشعل الراشدي]

يشمل طلاب وطالبات علم الاجتماع

[فرح المالكي]

طيب واذا درست تربوي وبعدين اخذته .. ينفع او ماينفع 😭😭💔

[مشعل الراشدي]

الدبلوم التربوي خاص بالتعليم فقط يعني اذا تبين تصيرين معلمه اما اذا تبين تصيرين اخصائيه اجتماعيه فلازم تتصنفين من الهيئه الصحيه وتتبعين الخطوات

[فرح المالكي]

واذا ابغى اخذها كلها الثنتين .. اجرب حظوظي بذا الزمن 😂😂💔

[اجمل انسانه 23]

حبايبي حابه استفسر انا استلمت بطاقه التصنيف الحمدلله ودفعت 1700 ريال لخمس سنوات بس تفاجأت انو مكتوب في البطاقه تنتهي عام 2017 يعني سنتين من تاريخ الاستلام ؟؟ ليش ؟؟

[ورد الججوري]

السلام عليكم

انا اخذت دورة الانعاش القلبي بس باقي اني اروح اخذ خطاب من الهيئه
وحسب علمي ان كل شخص يحدد بنفسه وين يتدرب بشرط يكون اخصائي مصنف من الهيئه نفسها
وابي استفسر من اللي عندها خلفيه بالتدريب اذا في مراكز فيها هالاخصائيين وبدون اختلاط تفيدنا باسمائها وموقعها وين بالضبط
ولكم مني جزيل الشكر

[ام ريماس1]

بنااات بغيت رقم ريم الردادي اللي تعرفه بالله تعطيني ياه