تعليق وزير التعليم العالي عن رسوم الإنتساب .....

[أنيــس]

كلامه غير مقنع أبــداً ولكن لو أراد النظر في الأمر لكان أكثر جدية في الاسباب والعنقري في عهده التعليم العالي إخترع إجراءات والأمور غريبة وغير منطقية مثل السنة التحضيرية .. ليته على الأقل تطرق إلى تخفيض الرسوم المغالين فيها التي تعتبر الآن تجارية / استثمارية ولكن تخفيضها وجعلها مبلغ رمزي مسألة يجب أن تدرس بجدية

هل تخسر التعليم العالي لو رسوم اصبحت 1000 ريال فقط !!

[ابو رياااااان]

الجامعه تشييييييييييييييييييييييييل بقدر عدد شعرك من شباب وشابات
والجامعه او اي مجال حكومي مااحد يقيمه او يتكلم عنه البليد او الكسلان او الغير مبالي يحقله انه يدخل الي اي مجال حكومي
كبوا الحسد والانانيه خلاص انتسبتم وتبغوا تحتكروا الجامعه لكم وش صار لما دخل الغير مبالي الجامعه نقص من معدلك انت وياه ولا خلص الكراسي عليكم وجالسين على الارض
كلكم قد مر عليكم الواسطه وش فيها لو احد توسط وشال الاعفاء عنه مو انتم توسطوا في غيرها في الجامعه وفي حياتكم كلها من الروضه لحد وظايفكم الي انتم فيها الحين اغلبكم موظفين و99 منكم بواسطه في الوظيفه الي هوه فيها
الله لايوليكم علينا ياشيخ قال ايش الغير جادين جايين حلال ابوك انت وياه
المواضيع هذي اذا طرحت لا يرد عليها الى واحد جرب ظروف الحياه وقدر يماشيها
راجعوا انفسكم في الواسطه وتذكروا كم مره استخدمتموها
ظغطي مرفوع للاخر كلمه بريال

والي ماعنده فلوس يخلونه ينتسب بالمجان واعطني اي احد تعرفونه فقران على الحديده ونفسه يكمل والله لاخليه ينتسب ببلاش والله كل شي واضح ظمان اجتماعي بلاش معاق بلاش دخل محدود هم بعد بلاش ليه النظره السودويه للنظام الواظح عشان الواسطه الي فيه عادي دامهم ينظروا لموظوع الدخل المحدود والاعاقه والظمان الاجتماعي الله يجزاهم خير

معاق انتا وياه ظمان اجتماعي دخل محدود ارسل رقمك واذا ماخليتك تاخذ اعفاء واذا ماجبتلك اعفاء الزمني بها قدام الشباب في المنتدى

[ام حمدان]

ابو ريان انا اشوفه قمة الظلم انهم يقبلوا واسطة شخص قادر يدفع وياخذ مكان من هو محتاج فعلا ويتسلف شان يدفع رسوم الدراسه

الو اسطه نعمه في بعض الاحيان لكن في امور الاعفاء اشوف انها ظلم (اقصد واسطه الشخص القادر مادياً على الدفع وليس واسطه المحتاج )
ولو انه ماراح ياخذ مكان غيره بالعافيه عليه الدراسه ببلاش ماحد بيكره الخير له

واكيد العلم من حق اي شخص سواء كان مستحق او لا
لكن طالما ان الجامعه لاتستطيع استيعاب الكل فلابد ان تكون هناك اولويه للمستحقين

ولعلمكم الجامعه حتى لو الغت الرسوم اتوقع راح تطلع لنا بقرارات جديده تعقد في القبول

مثلا لو تذكرون من زمان كانت اسئلة الثانويه العامه تكون من الوزارة وتكون صعبه وبالتالي مو اي احد يقدر يحصل على التفوق ويدخل الجامعه اصحاب النسب العاليه

بعد ماالغي هذا الشي طلعوا لنا بحكاية اختبار القدرات وبرضو مو اي احد يقدر يحصل فيه على النسب المطلوبه

واذا حصل واعفوا ننا الرسوم انا متأكده راح تطلع قرارات جديده تجعل القبول فقط لمن تنطبق عليهم المعايير


انيس --ياليت والله يدرس الموضوع بجديه وتخفض الرسوم ل1000 ريال طالما مالهم نيه يعفونا عن الرسوم

ومثل ماذكرت حضرتك لو كان فيه جدبه في دراسه امر الاعفاء كان ذكروا اسباب اكثر اقناعاً لان امر الحد من المقبولين ممكن ينحل لكن مالهم نيه من الاساس في اعفاءنا

الله يعين

[ام حمدان]

ابو ريان لعلمك في كثير حالتهم تقطع القلب وفعلا مايقدرون على دفع الرسوم
لكن ماصار لهم نصيب في الاعفاء واخذوا مكانهم ناس قادره تدفع ابحث في المنتدى بتلقى طلاب وطالبات سبق وكتبوا شكواهم بالدموع بسبب عدم حصولهم على الاعفاء رغم انطباق الشروط عليهم
ولو فعلا عندك حل لمثل هالحالات روح لقسم المنتسبين واكتب موضوك واعرض مساعدتك واجرك عند ربك مايضيع

[ابو الاء]

اعرف واحد من الشباب يقول زملائه في العمل منتسبين في الجامعة
شملهم الاعفاء من الرسوم برفعة تلفوووون والمصيبه ان راتب الواحد الشهري منهم يغطي الدراسة لمدة اربع سنوات

يعني بالعربي راتب الواحد اكثر من 24000ريال شهريا واخذ اعفاء

الشغله واسطه بواسطه

[ام حمدان]

المشاركة الأصلية كتبت بواسطة ام حمدان الا ان كلام الوزير صحيح لو فكرنا فيه اذا اصبحت الدراسه مجانيه كل من هب ودب بيدرس في الجامعه سواء كان جاد في طلب العلم ام لا وستذهب مقاعد كثيره لناس لا يستحقونها

الي قرا كلامي هذا وفكرني حاسده لاي طالب للعلم رجاءً يفهم قصدي ويقراه كويس قبل يظلمني
وفي الاسفل وضحت القصد للي ماانتبه

المشاركة الأصلية كتبت بواسطة ام حمدان اكيد العلم من حق اي شخص سواء كان مستحق او لا لكن طالما ان الجامعه لاتستطيع استيعاب الكل فلابد ان تكون هناك اولويه للمستحقين ولعلمكم الجامعه حتى لو الغت الرسوم اتوقع راح تطلع لنا بقرارات جديده تعقد في القبول مثلا لو تذكرون من زمان كانت اسئلة الثانويه العامه تكون من الوزارة وتكون صعبه وبالتالي مو اي احد يقدر يحصل على التفوق ويدخل الجامعه اصحاب النسب العاليه بعد ماالغي هذا الشي طلعوا لنا بحكاية اختبار القدرات وبرضو مو اي احد يقدر يحصل فيه على النسب المطلوبه واذا حصل واعفوا ننا الرسوم انا متأكده راح تطلع قرارات جديده تجعل القبول فقط لمن تنطبق عليهم المعايير

العلم من حق الجميع بدون استثناء لكن بالعقل الجامعه ماتستوعب كل طلاب المملكه لذلك فيه اولويات وفيه معايير وشروط تخص كل نظام في القبول

[ابو رياااااان]

ايوه عندي وحلين بعد يا انه صادق معااااااااااق او دخل محدود او ظمان هذا سهل اروح معه للمكتب وادخل اوراقه غصب عن اي موضف بالدور الثاني في الاداره العليا
او ماينطبق عليه الشروط بس وظعه المادي صعب بس يبغى اعفاء هذا اعرفله طريقه وراح اقولها بالمنتدى عارفه ليه لاني احب الخير للكل ويسير يبقى المثل الي يقول من سبق لبق
ويقدم اوراقه بسرعه ويقبل قبل لا يكتفوا زي كل مره بس خليني اشوف وش يسير معا 4 شباب ظبطهم وترى كلهم عندهم ضروف قهريه بس ماتنطبق عليه الشروط
الاسبوع الجاي راح اعرف لاان امس الاثنين واحد منهم قدم اوراقهم ووعدوهم الاسبوع الجاي
وانا عندي اعفاء عشان واحده من الشروط تنطبق عليه من دون حلف

[ابو رياااااان]

ابو الاء كيفك كيفك في الدراسه وش صار معك الريدنق
وبعدين ابو الاء ماقد توسطت في شي في حياتك وشي جامد بعد
طالع في عيني ولا تظحك
ياراجل انا مااعرف شي اذا مافي احد في المنتدى وليس اللغات الاوربيه استثنيهم اذا ماتوسطوا في الجمعيه الخيريه لتوزيع الملابس الجاهزه واخذوها على المساكين ياراجل وقفت على الرسوم

[Aziz1433]

اسمعـــوا : جميعـــا انا قررت اني ادرس السنة الجايــة في الصومال ..!!!!!

ههههههههههههههههههههههههه

[hamed j]

كلام المشرفة ام حمدان واضح
اما الواسطة ......الخ
وقبل كل شئ توكل على الله لأنه بعض الاحيان تفشل الواسطة
اما اذا ما عندك واسطة - فإن النظام سوف يخدمك - قدم اعفاء مدعم بإثبات عجزك المالي عن السداد
اما اذا خلوه مجاني والله لتشوف شئ ما ترضاه
يكفي اللي نشوفه ايام الامتحانات
هذا مجرد رأي والرأي لا يفسد للود قضية