ضروري ضروري والف ضروري: اتصلوا عليا حقون الهجرة بامريكا

[X Dash]

انا طبعن كالعاده احب اجرب واسجل اسمي في كل شي وقولت خليني من الطفش اجرب موضوع اللوتري حق السحب السنوي للجرين كارد ...لقاااافه بس
الا نفس اليوم تم قبولي واتصلوا عليا وقالوا معاييرك تتوافق مع شروطنا وكلام مطول وشرح ليا كل شي هادا الي اسمه وسالني كم اسئلة زي ايش ممكن تسوي اذا جيتي امريكا وتخصصي (جاك) ههههه
وفالاخير قالي حتى الرسوم 288 دولار مو كثير بس ادفعي المبلغ عشان نعدلك وضعك وياخد لايقل عن 6 اشهر قلتله وي وي انا ماعملت حسابي ماعندي فيزا كارد وانا سجلت بس على اساس بعدين ماافكر دحين بتخرج.
مااصر عليا قالي اتصل بيكي لاحقا ... ولازم خلال يومييييين مو اكتر
قولت ماينفع طيب بعدين اسوي فيزا وادفع قال لا للاسف...( هادا معناتو مو طماعين فالفلوس ممكن اصدق)

بما اني ماعندي خبرة في دي المواضيع هل تتوقعوا انه الموضوع جدي لانه اتصل عليا من امريكا للسعوديه وشرح وطول؟؟؟؟
اذا جدي بروح سامبا واطلع لي فيزا كارد؟؟ هل اقدر اطلع فيزا من سامبا الي بالجامعه؟؟؟؟

ااتحمست ليش لاااا خلينا نطلع بدل الفيزا والمشوار...

هوا قالي بناء عالمقابله الي اجريته معاكي وكلامك تم قبولك للجرين كارد

يناسوا عليه جاك طفشتوا بالاسئلة ضيعتلوا وكمان يتكلم سريع كل شويه اقولو لغتي على قدها عيد الكلام...هههههه

على فكرا ماتهمني الجرين كارد بس ليش لاا اخدها يمكن تفيديني بعدين.

[نــورهـ]

أختي مو صدق شوفي هذا الموضوع: وصلني اتصال غريب من ولاية هيوستن الامريكية

موفقة :) ..

[X Dash]

اهلا وسهلا بارقى د. نورة كويس انقذتيني انا حاسه بشويت نصبه برضه
انا فكرت دام انه اتصال الموضوع سيريس اكتر من الايميل.... الموقع الي اتواصلت معاه usagi
وماذا عن سامبا بالجامعه انا كدا ولا كدا احتاج فيزا للضرورات؟ اقدر اطلع فيزا من سامبا؟

[نــورهـ]

المشاركة الأصلية كتبت بواسطة x dash اهلا وسهلا بارقى د. نورة كويس انقذتيني انا حاسه بشويت نصبه برضه انا فكرت دام انه اتصال الموضوع سيريس اكتر من الايميل.... الموقع الي اتواصلت معاه usagi وماذا عن سامبا بالجامعه انا كدا ولا كدا احتاج فيزا للضرورات؟ اقدر اطلع فيزا من سامبا؟

أهلين يا عسل ربي يسعدك ..

عن سامبا ما أعرف والله أفضل تروحي تستفسري منهم , أعرف الراجحي تقدمي و تطلع بعد أسبوعين ..

بالتوفيق