تجربتي مع استاذات اللغة الانجليزية

[funny mony]

بسم الله الرحمن الرحيم
السلام عليكم ورحمة الله وبركاته
طبعا اليوم جايتكم بفكرة حلوة وياليت الكل يسوي مثلها . وهي انه يقول اسماء الاساتذة اللي درسوه بالسيمسترين الاول والثاني وبكل صراحة ومصداقية وبعيدا عن النعرات
والسب لو سمحتوا .


انا راح اتكلم عن استاذاتي للسيمستر الاول بكل المواد :

مادة الثقافة الاسلامية الاستاذة مها العامودي : هالمادة مع اني اخذت فيها 65 لكن والله اني فرحانة ولله الحمد لان هالاستاذة تعاملها وكلامها واسلوبها ماشاء الله روعة وقمة .

مادة الفرنسي الاستاذة فاطمة أباالحارث : مرة روعة في اللحظة الاولى تحسي انك ماتتحملي كلاسها وزي كذا لكنها مرة نايس ماشاء الله وحتى هي تعاملها حلو مع البنات .

مادة الـ listening & speaking الاستاذة اجلال الشناوي : الله يسعدها هالانسانة دنيا وآخرة مرة روعة وكلاسها كان احسن كلاس عندي الترم الاول وكنت احب مادتها مرة

مادة الـ reading الاستاذة سمر الجحدلي : مرة روعة ماشاء الله مع انها كانت شديدة شوي بس شدتها علينا كانت تعجبني لان احس هالشدة المطلب من وراها مصلحتنا

مادة الـwriting الاستاذة دولة العمري : انا كانت عادي تعجبني مابها شي احيان كنت مااحب المحاضرة بس لازم احضرها وشرحها يعجبني بس البنات الله يهديهم ماادري وش فيهم واخذت الترم الاول معها 69 الحمد لله درجة حلوة بالنسبة لانه كان فيه رسوب كثير بهالمادة السيميستر الاول .


السيميستر الــــــــــــ2ـــثـاني :



مادة التحرير الكتابي الاستاذة حنان حنفي : هالانسانة الله يسعدها قمة واخلاق روعة ماشاء الله حتى قبل ماتبدا الكلاس تدعي لنا وللكل وهالشي يريح البنات وانا اولهم صراحة وعفوية واخلاقها ماشاء الله عالية وانصح اللي يبي تحرير كتابي يدرسه معها .

مادة الادارة العامة الاستاذة عالية العتيبي : تقرأ وتشرح لنا اللي تقراه وامثلتها اللي تضربها تعجبني من واقع الحياة

مادة الـفرنسي الاستاذة ندى : ماشاء الله عليها هالاستاذة مرة تفهم وحلو شرحها ويعجبني وتعاملها مع البنات نايس ماشاء الله

مادة الـlistening & speaking الاستاذة داليا اصيل : هالترم بغيت اخذها مع ميس اجلال بس كان وقت محاضرتها 2 فاخذتها مع ميس داليا بالبدايات مرة كنت انقهر من المحاضرة بس لما تعودت عالاستاذة وعرفت اسلوبها صار خلاص طبعا تعطينا quiz بعد كل 4 او 5 محاضرات .

مادة الـ reading الاستاذة بهية قشقري : هالانسانة والله بداية الترم ماكنت اطيق شي اسمه ريدينغ عشانها كنت احسها صعبة وزي كذا حتى والله احيان من قهري وخوفي من المادة كنت ابكي بس لما بديت اشارك معها وعرفت هي وش تبغى تحسنت معها وحتى بالاختبارات تحسنت الحمد لله وصرت اسوي اللي تطلبه مننا والحين صار شي سهل بالنسبة لي ولله الحمد والمنة .

مادة الـ writing الاستاذة مريم الجوفي : بصراحة هالاستاذة مع انها ماتتعامل معنا الا بالدرجات بس انا عن نفسي مررررررررررة تعجبني ويعجبني تعاملها مع البنات تعامل البنت كانها انسانة فاهمة واعية واحب اشارك معها مع انها هي قالته لنا مرة : انا اعطي كل انسانة اللي تستحقه .
لكن هالشي يعجبني فيها مرة يعجبني فيها ماشاء الله انها كل كلاس تعطينا فوكابيلاري جديدة اول باول
وانا هالشي يعجبني حتى اشتريت لي دفتر صغير وصرت اسجل معها الكلمات الجديدة اول باول




وطبعا في الاخير احب اقول ان وجهة نظري تختلف عن وجهة نظر البقية بس احب اطلب طلب : سألتكم بالله ان اي اسم استاذة مر عليكم وهي مو عاجبتكم انكم ماتسبوها ولا تبدوا رايكم فيها بطريقة جارحة وتذكروا :(( الله يشوف كل شي بنقوله ونكتبه ))