طلاب مايكرو وبايوكمستري > التدريب معاه مكآفأة

[Tish]

السلام عليكم ورحمة الله وبركاته
كيف حالكم؟


بداية أحب أخبر الكل انو التدريب الصيفي تبع المايكرو أو البايوكمستري سار بمكآفأة
أنا سمعت دا الخبر من وحدة بتشتغل في مستشفى الهيئة الملكية في الجبيل
وأتصلت عليهم وأتأكدت كمانا ،،

يعني حتى اللي يبا يآخد تدريب الهيئة السعودية للتخصصات الصحية يقدر يآخدوا من هناك وهوا مرتاااااح

اللي يبا يسأل أو يستفسر عن حاجة أنا موجودة وان شا الله اقدر افيدكم

[batbot]

مشكوره اختي
بس اللي سمعته انو عشان تدربي تدفعي 700 للشهر

[jode2008]

هذا الكلام حتى للمتخرجات ؟
انا تدربت وبالقوه لقيت مستشفى ترضى وكان تدريب سيء مافي منه فايده كثيره مثل اللي تدربوا بمستشفى الجامعي وتخرجت بمعدل الحمدلله حلو لكن الوظائف لازم شهادة الهيئه فـ كيف ألقى مستشفى تقبل هالتدريب وعلى كلامك بمكافأه !وكم مدة التدريب اللي تطلبها الهيئه ؟

يعطيك العافية

[Tish]

أخت batbot
كلامك صح، بس المستشفى دي غير.. علشانها شركة فيدربوا الطلاب بمكآفأة :)

jode2008 المستشفى دي تقبل برضو تدريب الهيئة وبمكآفأة برضو!
جربي وما راح تخسري حاجة ، صدقيني راح تستفيدي كتييير :)

مدة التدريب اللي تطلبها الهئية على حسب تدريبك في المستشفيات
بس في العادة حيكون سنة كاملة


ربنا معاكم

[jode2008]

أنا أحسب نظام لكل المستشفيات لكن هذه بالجبيل وأنا بجده

مشكورة يعطيك العافية ..

[R-Kh]

ايش اسم المسشتفى ؟!

[Tish]

R-Kh

اسمها مستشفى الهيئة الملكية بالجبيل

وبرضو لها اسم تاني/ مستشفى الفناتير

[Tish]

للرفع :)

[الشرقية احلى]

اهلين ياحلوة
بالله بشرتينا بخير
طيب اعطيني رقمه اذا عندك الله يسعدك لان انا بالشرقية ومن حظي لو كان صحيح لاني من جد حايسة كفاية غربتي بجدة اربع سنوات مابغاه عالفاضي
ومرة شكرا عالخبر

[الشرقية احلى]

طب ياحلوة يقول اخوي انه بس التدريب الصيفي ممكن كذا
انشا ءالله عمرهم ماعطوني مكافئة بس يدربوني وبلاش الفلوس دي
بس لما انا ابغى اتدرب تدريب سنة كاملة تبع الهيئة مشان بعدين اخذ البطاقة الهيئة الطبية معقولة حيدربوني؟ واظن انه حتى لو دربوني ممكن يقولو لي لما اجي اخذ بطاقة الهيئة ادفعي فلوس
خصوصا ان دحين المستشفيات بفلوس وكل مستشفى يقول الزود عندي ماشاء الله الشرقية ب 18000 ريال يدربو دحين
الله لا يوفقهم كانهم محتاجين للفلس