قدر الله علي ..وضيعت سيديات lane214 استماع وتحدث 2

[المحروم..@]

قدر الله علي أني اشتريت سيديات استماع وتحدث 2 .. وحوله لي مع الكتب وحسبها مجاناً الله يجزاه خير

وحين نويت ابدأ مذاكرة اللسنينق فوجئت اني لم اجد السيديات بحثت بكل مكان .. لم اجدها

بحثت بمدينة الرياض العريقة عن مكتـبة تبيعها لم أجـد .. للأسف الشديد

بحثت بالمنتدى عن تحميل للسيديات لم اجد للأسف الشديد

بصراحـة كلمتهم قالوا لي .. نرسلها لـك 120 ريال

وبصراحـة والله ما يستاهل الوضع 120 ريال يعني حنا رايقين خسائر وقلة حيا اكثر

ياليت اللي عنده سيدي اقدر احمله ولا يكون من مدينة الرياض يساعدني ويعطيني السيدي حقه

والله يخليه ويرعاه

[المحروم..@]

ليش ما تفزعون لي ..

يعني السالفه اني ما استاهل ولا وش لون تراني خويكم ووضعي شوي تعبان ما اقدر اشتري سيديات جديده

[دلع وولع وقلة سنع]

الله يعين يا اخوي تصدق لي يومين ادورها ولا لقيتها مشكلة اني مثلك من الرياض ومبتلشة

والأخوان والخوات هنا مو راضين يساعدونا ولا ينفعونا

يمكن انهم يبون مكتبة دار الصلاح تكسب هههههههههههه

[المحروم..@]

هلا اختي دلع وولع شكراً على المجاملة والرد

بصراحـة الاخوان مرة مو متساعدين الله يسامحهم بس

[غـــ الشرقية ـــلا]

اتذكر ماحتجنا سيديات !!!

بالتوفيق

[grt777]

الاخ المحروم نصيحه مني وماراح تندم احذف هذه الماده هذا الترم لانها عند دكتور ماراح تنجح لو تحفظ الكتاب حفظ.... اختبرت عنده شهر 2 الماضي انا ومعي 74 طالب ولم ينجح احد مع اني والله حليت وتوقعت فوق 85 خاص اني اجيد اللغه الانجليزيه وكان عندي بس ثلاث فقرات خطا ورسبني طارق سيده احذفها هذا الترم وماراح تندم لاتاخذ ماده عنده .

[ام حمدان]

تبغى الصراحه ياخوي

انا شفت بعيني معاناة الطلاب الي سبق ودرسوا مع طارق سيده

لايمكن انسى الي حصل للطلاب بسبب اسئلته الله يهديه وايضا تصحيحه حسب مافهمت منهم موضوعهم عمل ضجه كبيره في القسم ذيك الفتره وبأمكانك تبحث وتشوف بنفسك حتى اسمي بتحصله داخل في الموضوع مع ان مالي دخل :(

عموما افضل تحذفها

لاني كنت بقولك تقدر تنسخ المحادثات من استاذ الماده اذا ماتوفرت لك السيديات
لانه عندنا البنات احيانا كانوا ينسخون من استاذه الماده في حال ماقدروا يحصلوا على سيديات الماده

لكن بعد ماعرفت انها عند هالاستاذ

نصيحه خالصه لوجه الله احذفها

ولك حريه القرار


بالتوفيق