أنباء عن إلغاء الانتساب

[فطيمية]

سمعت بالخبر اليوم بس وش السالفة من جد ؟؟؟
احنا الانتساب المطور كيف بيصير حالنا ؟؟؟؟ والجيل الجامعي القادم<<طلاب علم من جد
وش بيصير عليه ؟؟؟؟؟
بس وجهة نظر : انو ندرس تعليم عن بعد ؟؟ أفضل بكثيييييير من الانتساب
هذا اذا بيصير الانتساب والتعليم عن بعد مع بعض

[عبير العسيري]

المشاركة الأصلية كتبت بواسطة أبو عبدالاله مستبعدة أن يكون الغرض من الأمر إلغاء فاتورة التعليم الجامعي، قياسا على مجانية الانتساب، وتكلفة التعليم عن بعد.

مره حلووووووووه الجمله ذي

اجل مجاني اجل هاه؟؟؟؟

[إلهام]

يقصدون بمجآنية الإنتسآب إن الرسوم تعتبر ولآ شيء مقآرنة بآلجآمعآت العآلمية الآخرى

وأشوف كل شيء وآضح .. يعني الآجيآل القآدمة رآح تكون سنترآ مآفي دوآم نفس الشيء بالنسبة لمستوى 3 ألحين >> أعتقد هذآ كل شيء

موفقيين ..~
وبعدين خلووهـ لبعدين

[الجاسر]

شددت المصادر على أن العام الدراسي الجاري سيكون آخر عام لنظام الانتساب المطبق في بعض الجامعات، وسيحل بديلا عنه التعليم عن بعد، والتعليم الإلكتروني، رفض المعنيون في المركز الوطني للتعليم الإلكتروني والتعليم عن بعد تأكيد بداية التطبيق، من العام المقبل، إلا إنهم اكتفوا بتأكيد أن لائحة التعليم عن بعد، الصادرة في 28 شعبان الماضي 1431هـ، أوردت في المادة 21 منها أن تعديل الأوضاع يتم في مدة أقصاها خمسة أعوام من تاريخ صدور اللائحة، حيث نصت على «تطبق اللائحة على جميع الطلاب المستجدين، ويجوز للمؤسسات التعليمية الحكومية التي لديها برامج قائمة عن طريق الانتساب، قبل صدور اللائحة حق الاستثناء من أحكام هذه اللائحة، على أن تعدل أوضاع هذه البرامج بما يتفق مع أحكام هذه اللائحة في مدة أقصاها خمسة أعوام من تاريخ صدورها».




يعني انه الغاء الانتساب لازال تحت الدراسه




اهم شي مثل ما قالت اختنا نور العمر ركزوا على اختباراتكم ولاتشغلوا عقولكم
موفقين

[ظماي انت]

اتوقع معاد يقبلون انتساب فقط

يعني يكتفون بطلبه الموجودين

[ام حمدان]

بما اني حضرت قبل كذا محاضره عن الموضوع هذا في شطر الطالبات ووضحو لنا ايش راح يصير بالضبط عندنا

فراح احاول افهم البنات --لانه ماادري اذا الطلاب مثلنا او لا

الحين مو التحضيري والمتخصصات في المستوى الثالث صاروا سنترا (انتساب مطور)

فاللي راح يصير انه السنترا كل ترم راح يدخل من ضمنه مستوى
يعني الان الي سنترا التحضيري + مواد المستوى الثالث
الترم القادم
راح يكون التحضيري+مواد المستوى الثالث والرابع
والسنه القادمه 2012اول ترم بيكون السنترا يشمل التحضيري+مواد المستوى الثالث والرابع والخامس
والترم الثاني التحضيري +مواد المستوى الثالث والرابع والخامس والسادس
السنه الي بعدها 2013
اول ترم راح يشمل السنترا التحضيري +المستوى الثالث والرابع والخامس والسادس والسابع
والترم الثاني راح يشمل التحضيري +المستوى الثالث والرابع والخامس والسادس والسابع والثامن

فهمتوا الفكره
يعني كل ترم يدخل مستوى جديد ضمن السنترا
هذي الاليه الي راح تصير حسب ماقالولنا في المحاضره الارشاديه الترم الماضي في شطر الطالبات اجتمعوا فينا عشان يفهمونا الحكايه ذي

الان اتركوا الموضوع ذا وبلاش تقلقون انفسكم فكروا بدروسكم وبس

بالتوفيق

[المحزوون]

اقول ..












الوعد والله الفرنسي بكرة والله ليدخن راسك انت وياه .

ca va , merci

هذي الي حفظتها بس وبكررها بكرة في كل الاجوبة .

[عبير العسيري]

خساره يا ام حمدان

يعني ابدا ماراح الحق ع السنترا

لاني بكون قبله بمستوى كل مره

[ام حمدان]

الي بتلحقين عليه
مناهج بحث اتوقع تكون سنترا وكمان بعض فروع اللغويات
لانه مناهج بحث الترم الجاي ماتقدري تآخذيها لانه تكوني دوبك مآخذه الادب فراح تآخذيها إن شاء الله الترم الاول من السنه القادمه --يعني سنترا
وهم يشترطون عندنا لازم تآخذي الادب قبلها
وبعض مواد اللغويات مايسمح لك تآخذيها كلها زي ماهم منزلينها في الخطه (الخطه ديكور ترى )
يرجعوا الاستاذات يقولولك لا لازم تآخذي ماده قبل ماده ماينفع تآخذي الاربع كلهم في مستوى واحد
وكمان اتوقع فكشن او دراما لانه على الاغلب ماراح تآخينهم في ترم واحد

يعني لاتزعلي نفسك دام تبين السنترا اجل ابشري بتلحقين عليه :)

[شـظايا الفكر]

ههههههههههههههههههههههههه
أجل يعتبرون الـ 3000 ريال صدقه ولا زكاة ..!!!!
او هي في الاصل ماتوصل الجامعة وتروح في جيب احد من قبل لاتوصل :) !!!؟؟؟

صحيح شر البلية مايضحك ..