الطالبات اللي درسو مقدمة في الادب

[brancesh]

بنات عندي استفسار بالنسبة للاسئلة الموجودة في الكتاب فين ممكن نلاقي الحلول الصحيحة لها
وهل في الدورة السنترا الاستاذة حتحل معانا الاسئلة وتعطينا تحليل كل القصص ولا كيفوالله حاسة راسي مقلوب ماني عارفة اولها من تاليها
الكتاب مافيه الاالنصوص فقط والتحليلات نزلتها من الملفات اللي حاطتها لنا ام حمدان الله يجزيها الخير بليز بنات ابغى واحدة تدلني على الطريقة الصحيحة لمذاكرة المادة وعلى ايش نركز بالضبط
وطريقة الاسئللة ولكم دعوة من القلب
مااحد يطنشني حدي حايسة

[white rose]

حياك المولى

عزيزتي لا تخافي في موضوع الادب للغالية ام حمودي راح تلاقي في البداية الالمنت لكل عنصر من عناصر المقدمة :سواء الفكشن والبويتري والبلاي

الفكشن هيا القصص اللي عليكم اقراي الالمنت وبعدها اقراي النوفل وبعدها امسكي الشروحات اللي بالموضوع اقرايها بفهم وتركيز وطلعي كل الالمنت حقت الفكشن من كل قصة طبعا في الشروحات هيا موجودة جاهزة لكن انتي حاولي تعرفي كيف طلعت لانو بالاختبار المس تهتم بالالمنت كثيرررر

والشعر اطلعي على الالمنت حقتو بعدها افتحي كل قصيدة اقرئيها واقراي الشرح تبعها وطلعي الاساسيات والالمنت اللي فيها والصور وكل ما يتعلق فيها من الالمنت الاساسية والفيجراتيف لانجوج

ونفس الشي للبلاي المسرحية والالمنت نزلتها ام حمدان لكم في الموضوع تبعها حمليها وابداي في الالمنت تبعت كل جزء من الاجزاء الثلاثة للمادة بعدها تقراي النص بعدها الشروحات ولمن تبدا الدورة التأهيلية راح تحل معاكم المس الاسئلة تبعت كل قصة ان شاء الله وطريقة مس ايمان اغلبها تتنوع بين مقالية بلجراف على شكل ايسيه تقريبا 8 سطور واختياري واسالة عن الالمنت وان شاء الله تتضح لك الصورة اكثر في الدورة لكن بشكل عام طبقي الكلام اللي قلته لك وفالك الايه بلس ان شاء الله :-)

[brancesh]

جزاك الله خير ياروز على ردك ودقة التوضيح والله حبيتك قبل لا اشوفك
الله يجمعنا ونشوفك عن قريب
بس عندي كمان استفسار معليش اصبري علي
التحليلات الموجودة لا تحتوي على كل العناصر مثلا بعضها فيها irony ;symbol, narrator وبعضها ماهو موضح العناصر حتى السومري مابيكون واضح plot
مثلا conflict ,freshdowing
هل كل القصص لازم تحتوي على كل العناصر كاملة ولا لا
بليز ردي علي لان موعد الدورة متاخر جدا علشان كده قلت استفيد من خبرتكم
وشكر وبالتوفيق للجميع

[white rose]

المشاركة الأصلية كتبت بواسطة brancesh جزاك الله خير ياروز على ردك ودقة التوضيح والله حبيتك قبل لا اشوفك الله يجمعنا ونشوفك عن قريب بس عندي كمان استفسار معليش اصبري علي التحليلات الموجودة لا تحتوي على كل العناصر مثلا بعضها فيها irony ;symbol, narrator وبعضها ماهو موضح العناصر حتى السومري مابيكون واضح plot مثلا conflict ,freshdowing هل كل القصص لازم تحتوي على كل العناصر كاملة ولا لا بليز ردي علي لان موعد الدورة متاخر جدا علشان كده قلت استفيد من خبرتكم وشكر وبالتوفيق للجميع

هلا فيك يا عسل

واياك يا قلبي واحبك الرحمن ورفع قدرك وان شاء الله ربي يكتب لنا لقاء على خير

صحيح مو كل شي تلاقيه فيها اما انك تبحثي عنها في النت او تطلعيها بفهمك احيانا الاستاذة بالكلاس تطلعها لكم اذا سالتوها عنها بس اذا عرفتي تعريف كل عنصر وفهمتيه زين راح تنطلقي في الاجابة من نفسك والقصص فعلا مو كل العناصر تتوافر فيها احيانا زي عندك قصص الرعب افتكر مس نجوى الله يذكرها بالخير كانت تقول ما لها ثيم نهائيا هالقصص لانو ما لها رسالة او هدف لكن اغلب القصص فيها الالمنت واغلب الاستاذات يركزو على الثيمز والسيتنغ اكثر شي من العناصر والبلوت فقط لفهمك او لو طلبت منك ربط الثيم بشي من الاحداث راح تشرحيه باسلوبك زي لمن اقولك ثيم الانتقام في القصة الفلانية كيف اتحقق واش علاقة السيتنغ ( المكان والزمان فيه ) راح تشرحي وقتها من القصة الثيم الانتقام كيف ساعد المكان على تحقيقة والزمان وكيف الظروف ساعدت البطل في تحقيق هدفه ومبتغاه وتحقق معه ثيم الانتقام فيها شوية شرح على خفيف بدون ما تحسسي المس انك تحكي القصة لا بشكل عام تتكلمي لانو لو حكيتي القصة تنقصي يصير تنتبهي من البداية

والسيمبولز مهمة احيانا بالكلاس المس تتكلم عليها بس انتي بشكل عام افهمي الشروحات مادة الادب تعتمد على فهمك ( للقصص والاحداث والالمنت ) وتعبيرك عنها بشكل منطقي ومترابط

بالنسبة للشعر لازم تطلعي الالمنت وتمشي على طريقة معينة فيها عشان تكتبي كل الالمنت على شكل بلجراف يعني تبدأي بالسبجكت وبعدها الثيم وهكذا حتى تخلصي البلجراف وتلاقي الخطوات تبعتو في موضوع الادب لام حمدان في الالمنت اللي من صفحة مس نجوى ربي يذكرها بالخير

بشكل عام اقراي النصوص + الشروحات + اغلب الالمنت المتوفر واللي ما تلاقيه منها يصير وقت الكلاس جهزي كل اسالتك للمس واساليها عشان وقت الاختبار تكوني على بينة لان كل استاذة ولها طريقتها ومس ايمان اول مرة تمسك المقدمة في الادب بس في الغالب كلنا نسوي هالطريقة حتى في المواد الادبية المتقدمة ..

ربي يوفقك :-)

[brancesh]

شكرا ياعسل الله يوفقك وينجحك ونفرح بتخرجك ان شاء الله