ضروري جدا .. أحضر أم لا ؟

[$$ سيف الحق $$]

السلام عليكم ورحمة الله ..
ياحبايب ..
قربنا من نهاية الترم ..
والحين وقت الاجتهاد والمذاكرة والجد ..
فقط 3 أسابيع .. لو كل واحد جد فينا واجتهد .. راح يفرح بعدها بالاجازة الفرح الحقيقي ..

موضوعي ..
للأسف ابتليت في هذا الترم بالغياب عن مادة القانون ..
الدكتور يقول انه اقصى حد للغياب 7 محاضرات ..

أخوكم غاب 15 محاضرة ..

رحت عند الدكتور سألته .. من باب انه يمكن يتعاطف معي شويتين ..
قال : أي واحد يغيب اكثر من الحد المسموح dn

أنا قلت : الحمدلله على كل حال ..


علما بأنه مجموع درجاتي من 60 .. 20 درجة فقط ..
حصلت لي بعض الظروف ماقدرت أذاكر للاختبار الاول فأخذت 0 من 25
الاختبار الثاني جبت 20 من 25
درجات المشاركة 0 من 10

يعني لازم أحضر الاختبار النهائي واجيب 40 من 40 عشان انجح بمجموع 60 من 100 !



الزبدة :: هل أذاكر وأحضر للاختبار النهائي ؟

أم استثمر وقتي واذاكر مواد ثانية أفضل ؟

[ǁ غــلأآإ ، رٍوٍحــي ǁ]

^^
قسم وقتك بين الموآد .. واعطي اهتمآم أكبر للقآنون ..
لإن الإف في وثيقه التخرج .. شئ محزن :(

حآول تشد حيلك في كل الموآد .. بسس اعمل فوكس على القانون أكثر ..

[ندو جدة]

ذاكرها وانشاءالله تنجح يمكن الاستاذ ميعطيك اوف بس من باب التخويف

لان بعض الاساتذة ميعطو اوف فلا تفوت على نفسك اعمل الي عليك والباقي على الله

بلتوفيق

[تولين^_^]

انا برايي استخير واكثر من الاستغفار

وخل عندك ثقه بالله وادخل الاختبار وباذن الله ومشيئته تعدي الماده

ويحن قلبه وحاول قد ماتقدر تدبر اعذار طبيه للدكتور لو 4 تمشي الحال

وماتوقع حيعطيك حرمان لو دخلت الاختبار النهائي باذن الله

والله الموفق

[فواصل همس]

اعمل اللي عليك وتوكل على الله
وان شاءالله ما يضيع تعبك

[$$ سيف الحق $$]

اليوم كلمت الدكتور ..
قلي صعبة أمشيك ..

لمح لي اني من الأفضل أستثمر الوقت في مذاكرة مواد ثانية ..

جزاكم الله خير وفرج الله همومكم