الي يقدر يفيدني احياء بحرية

[مودة م]

السلام عليكم ... أنا مقبولة ماجستيراحياء بحرية بس عندي ظروف خاصة مااقدر اداوم فترة طويلة يعني احضر محاضرات ساعة او ساعتين زي كذا فقط... المشكلة انا ابغى اعرف اذا عندكم معلومات عن مواعيد المحاضرات لأني ماعملت الجدول مارحت الجامعة ابغى اعرف دوام بسيط او لا طويل و ساعات كثيرة لأن اذا طويل رح اسحب من البرنامج ان شاءالله وابغى اعرف عشان اتخذ القرار... وكمان كان يقولوا رحلة اسبوعية ابغى اعرف هذي الرحلة كم ساعة طويلة ولا قصيرة و الزامية او لا .. اتمنى الي ممكن يفيدني من الي عملو جدولهم او سألوا عشان اتخذ قرار بالاستمرار او لا ان شاءالله ... انا ماابغى اضيع القبول بس مااقدر دوام طويل
وكمان كيف عملتوا الجدول عن طريق مين

[ولد بريطاني]

هلا اختي وعليكي اسلام

في البدايه انا طالب مستجد مثلك لكن مو في الاحياء البحريه

اتكلم عن تخصصي واتوقع نفس الشي ينطبق على برنامج .. انا عملت جدولي بنفسي من النظام

والمحاضرات اوقاتها جدا مرنه صباحي ومسائي في بعضها ساعتين في نفس اليوم ويعضها مقسمينها ساعه ساعه

ان شاء الله نفس الشي يكون موجود في برنامجك وتبدئي دراستك دون مشاكل

[مودة م]

شكرا أستاذ ولد بريطاني على التوضيح.
انا دخلت على الشعب و طلعتلي المواد طبعا تكميلي بس لما اسجل يقول غير متااح التسجيل بالموقع اتواصل مع مسؤل التسجيل..يمكن التكميلي ماينفع بالموقع او مافتحوا القسم التسجيل.. بالنسبة للمواعيد طلعت لا بأس بها و زي ماقلت شعب صباحي و مسائي اتمنى يسمحوا نختار الي نبغاه صباحي او مسائي على حسب مافهمت من المعلومات الي في الموقع ... الشيء الي ابغى اعرفة الرحلة الاسبوعية الزامية و كم ساعة اعتقد لازم احد نفس التخصص يفيدني بالرحلة ان شاءالله ..

[ولد بريطاني]

هلا اختي

بالنسبه للتكميلي اتوقع تسجليه من نفس الجامعه وتقدري تختاري الشعبه اللي تعجبك حتى لو مقفله بيوسعلك هي طالما انك طالبة ماجستير ومضطره

تاخدي تكميلي . بالنسبه للرحلات اعتذر والله ماعندي خلفيه وما اقدر افيدك . ربي يسعدك ويسهلك ويناولك ماتتمنيه