الإنتساب والمستقبل الوظيفي ؟ ممكن ؟

[MohdMuT]

السلام عليكم
صبحكم / مسّاكم الله بالخير جميعاً
وأنا في مراحل دراسة الإنتساب صابني قلق
كل ما أدخل موضوع ألقى تحطيم وتقزيم من شأن شهادة الإنتساب !
وأن الشهادة ماتسوى ولا أحد يعترف فيها !
أكملت دراستي ولله الحمد وكلي ثقة أن الله لايضيع أجر من أحسن عملا
اليوم الحمدلله تخرجت وتوظفت في شركة كبيرة بشهادة الإنتساب

نصائح أخيرة أحرص عليها :
- لاتسمع كلام المحبطين
- ركز في معدلك ودراستك وتذكر انك تدرس بكالوريوس مو ثانوي ليلي !!
- الإنجليزي مهم ومهم ومهم جداً حاول تطور نفسك فيه
- خلي ثقتك بالله ، والله الرازق الكريم ، ناس تخرجت من الابتعاث وماحصلت وظائف الى الأن (الله يرزقنا وياهم)

في النهاية (الله يوفقكم جميعاً)
محمد المطيري (خريج علوم إدارية لهذا الترم)
الحمدلله حتى يبلغ الحمد منتهاه

[SULT2N]

وعليكم السلام والرحمه
صراحه احيي وافتخر باللي مثلك
والحمدلله ان ثقتك بربك ثم بنفسك وبشهادتك وصلتك للي تعبت عشانها وهي الوظيفه

انا صراحه ما الوم اللي يسأل الوم اللي يعيب بالتخصصات
(معروف الواحد يبدع بالمجال والتخصص اللي يحبه سالفه اقدر اتوظف لا خلصت او لا ذي بيد الله)
وانت خير مثال على ان الارزاق بيد الله وان ليس للانسان الا ماسعى

الله يوفقك ويوفق الجميع

[هلالي منتسب]

وعليكم السلام

ما شاء الله تستاهل كل خير

لكل مجتهد نصيب

والشهاده سلاح بغض النظر عن نوعها
انتساب ولا ان شاء الله اللي يكون

هذا زمن الشهاده بعد توفيق الله

[الورد شكل ومعنى]

انتوا مافي خوف عليكم كثير شباب انتساب توظفوو التعقيد عندنا احنا يالبنات
وبنهايه الواحد يثق بربه وماراح ياخذ غير المكتوب له ويكون عنده امل بكل شي يسويه بحياته