أكمل ولا لا............؟

[m.a.h 2010]

بسم الله الرحمن الرحيم
أنا الان عديت المستوى الأول في كلية الحاسبات رغم كل التعب والمذاكرة جاء يوم النتائج والاقي معدلي 2.85 من 5 ...............
هل المعدل عادي أم ضعيف بالنسبة لطالب عدا المستوى الأول ؟
هل تنصحوني بأن أكمل الدراسة أو أنسحب ؟
أرجوكم جاوبوني لأني متحطم نفسيا ..

[عاشق البرمجة]

كنت زيك والترم اللي فات وصلت ولله الحمد3.71

استمر والمعدل مو كل شي..؛؛

الأهم أنه تكون راضي عن نفسك و تفهم تخصصك..؛

وفقك الله وفرج همك وأنار دربك..؛؛

أخوك المحب

[Lionel-19]

ياغالي انت مثل ماقلت توك في المستوى الاول.،
الطريق قدامك وباقيلك 8مستويات....وعندك مواد كثيرة ذات الـ 4ساعات لسه مااخذتها.،

يعني بالراحة توصل باذن الله لين 4.5 بس انت شد حيلك ان شالله..وتنبسط باذن الله.،

[سلفر]

اخي الكريم

كمل وهذي نصيحة مني

لان الترم القادم لو شديت حيلك وجبت قريدات ممتازة

ممكن يوصل معدلك 4 بالراااااااااااااااحة

باقي انت في اول الطريق ورفع المعدل سهل بالنسبة لك

وفقك الله

[m.a.h 2010]

مشكورين أخواني / عاشق البرمجة وسلفر وlionel-19 لمروركم بصراحة أعطيتوني دافع أني أكمل أنا الان مرتاح بفضل الله ثم بفضلكم

[BIG MEZO]

شوف انتا في بداية الطريق يعني تقدر تعدل معدلك بالرااااااااااااحة


بس اهم شي توعد نفسك بانك تشد حيلك


والله يوفقك ويوفق الجميع


تحياتي

[رعبوب السعودية]

شوف يا خوي

بعطيك اياها بالحسابات

المستوى الاول كان المعدل من 5 " صافي " وجبت 2.85
المستوى الثاني المعدل من 5 " مقسوم على 2 " ..
المستوى الثالث المعدل من 5 " مقسوم على 3 " ..
.
.
الخ

طبعاً طريقة التراكمي مو زي هالحسابات

لكن قريبة منها .. انا حاولت ابسط لك الفكرة

يعني فرصتك كبيرة ترفع معدلك في الترم " الثاني "
مثل ماقال سلفر لـ " 4 " او حولها

وكل ماعدى ترم تقل النسبة

لان المعدل كل ماله يثبت على الرقم ويصير صعب ترفع

،
،

بالمختصر شد حيلك ولا تفكر ابدا تنسحب

على الاقل لمدة سنتين

وبعدها شوف وضعك تقدر تكمل ولا تسحب وتلحق على مجال ثاني !

ونصيحتي لك .. كمل في جميع الاحوال

وبالتوفيق

[m.a.h 2010]

شكرا يا رعبوب السعودية وإنشاء الله بأشد حيلي في المستوى الثاني وراح أبلغك في المنتدى بعد ما أخلص المستوى