مشكلتي كطالب زائر !

[بيان الرشيدي]

بسم الله الرحمن الرحيم
السلام عليكم ورحمة الله وبركاتة

انا موضوعي ملخبط والله ومني عارفة من فين ابدا
بس حقولكم كل شي من البداية
انا انسانة كنت تعليم عن بعد والحمدلله جبت معدل عالي
وحولت انتظام لفرع ( الفيصلية )
وطبعا انا ساكنة في جنوب جدة والفيصلية جدا بعيدة عليا
وطلبت تحويل للسليمانية كطالب زائر والحمدلله حولوني
بعد كذا لما داومت وجيت ابغا اختصار تخصصي
انا طبعا كنت ابغا علم نفس
وقلتلهم قالولي ماينفع لانك طالب زائر لازم تاخدي من تخصصات الكلية الي كنت فيها الي هيا الفيصلية واخترت تاريخ
وقلتلها ابغا علم نفس ولما عرفت معدلي قالتلي اكتبي اسمك ورقمك الجامعي
دوامت اسبوع كامل في تخصص تاريخ
ودحين لما فتحت الاوديس لقيتهم محوليني علم نفس
بس لسا كطالب زائر
يعني دحين لازم اجيب معدل عالي عشان تروح كلمة زائر من الاوديس ولا كيف مني فاهمه
ولاترم ويرجعوني الفيصلية وللعلم الفيصلية مافيها علم نفس

افيدوني جزاكم الله خير

[cia1381]

يرفع للمساعده

[بنت الزهور]

المشاركة الأصلية كتبت بواسطة بيان الرشيدي بسم الله الرحمن الرحيم السلام عليكم ورحمة الله وبركاتة انا موضوعي ملخبط والله ومني عارفة من فين ابدا بس حقولكم كل شي من البداية انا انسانة كنت تعليم عن بعد والحمدلله جبت معدل عالي وحولت انتظام لفرع ( الفيصلية ) وطبعا انا ساكنة في جنوب جدة والفيصلية جدا بعيدة عليا وطلبت تحويل للسليمانية كطالب زائر والحمدلله حولوني بعد كذا لما داومت وجيت ابغا اختصار تخصصي انا طبعا كنت ابغا علم نفس وقلتلهم قالولي ماينفع لانك طالب زائر لازم تاخدي من تخصصات الكلية الي كنت فيها الي هيا الفيصلية واخترت تاريخ وقلتلها ابغا علم نفس ولما عرفت معدلي قالتلي اكتبي اسمك ورقمك الجامعي دوامت اسبوع كامل في تخصص تاريخ ودحين لما فتحت الاوديس لقيتهم محوليني علم نفس بس لسا كطالب زائر يعني دحين لازم اجيب معدل عالي عشان تروح كلمة زائر من الاوديس ولا كيف مني فاهمه ولاترم ويرجعوني الفيصلية وللعلم الفيصلية مافيها علم نفس افيدوني جزاكم الله خير

أختي انت وقت حولك لفيصليه درستي ترم وبعدها طلبتي تحويل لسلمانيه من عند القبول والتسجيل حق الرجال أو حولتي على طول لسلمانيه ؟؟؟

[بيان الرشيدي]

اول ماحولوني ع الفيصلية طلبت تحويل زائر للسليمانية بسبب ظروفي وقبلوني
مادرست ولا شي في الفيصلية

[الصمت الخجوؤل]

انا زيك بس ابغا اعرف تنصرف لي المكافأه زي اول ولا عشان طالب زائر ماتنصرف !!1

[nour al3mr]

و عليكم السلام و رحمة الله و بركآته

و الله يا أختي موضوعك شايفته محتاج تفصيل أكثر و توضيح من العمادة نفسها
الطالب الزآئر يعني أنك تدرسي هذا الترم في فرع من فروع الجآمعة لكن بنهاية الترم و بدآية الترم الذي يليه ، بترجعي تدرسي في الفرع الأساسي اللي قبلوك فيه من البدآية

فَـ أنتِ حاليًا طالب زآئر من الفيصلية ( فرعك الأساسي في القبول ) لِـ السليمانية
فأتوقع تدرسي تخصص يكون موجود أصلاً بالفيصلية لأنه فرعك الرئيسي في الدرآسة و علم النفس كتخصص بالفيصلية للآن ما أعلنوا أنهم فتحوه رسميًا

يبقى أمر : لو هم حولوك من الفيصلية للسليمانية و صآر ببياناتك رسميًا أنك طالبة في فرع السليمانية ( فرع الجامعة الرئيس ) فهنا تمام أنك تتخصصي علم نفس
فتأكدي منهم تمام على هذه النقطة
و الله يكتب لك الخير

[nour al3mr]

معلومات عن الطآلب الزآئــر :)

http://www.skaau.com/vb/showpost.php...4&postcount=15

[امير جده]

تم تحويلك تقدير لظروفك الشخصيه

تدرسين وبعدها ترجعين على فرع الفيصليه

لكن احتمال تثبيتك في الكليه وارد وبشكل كبير ان شاء الله

بشرط تجيبي معدل عالي وتقدمي طلب على عميد القبول والتسجيل

تطلبي فيه تثبيتك بالكليه تقدير لظروفك وبعد سكنك عن فرع الفيصليه

[بيان الرشيدي]

المشاركة الأصلية كتبت بواسطة امير جده تم تحويلك تقدير لظروفك الشخصيه تدرسين وبعدها ترجعين على فرع الفيصليه لكن احتمال تثبيتك في الكليه وارد وبشكل كبير ان شاء الله بشرط تجيبي معدل عالي وتقدمي طلب على عميد القبول والتسجيل تطلبي فيه تثبيتك بالكليه تقدير لظروفك وبعد سكنك عن فرع الفيصليه

كيف يرجعوني الفيصلية وهما ومخصصيني علم نفس
والفيصلية مافيها علم نفس ؟
وانا معدلي 4.38
يعني كم المعدل المطلوب عشان اكون في المركز الرئيسي :_(

[بيان الرشيدي]

الحمدلله
اليوم رحت العمادة وسألتهم
قالو ادرس في تخصصي لين اتخرج عادي وماارجع الفيصلية ولا شي
بشرط معدلي ماينزل عن ال 3.75

الحمدلله على كل شي