بشرى لأخواني في المستوى الثالث( رد رئيس القسم بخصوص التعثر في مواد المستوى 3)

[syma50060]

المشاركة الأصلية كتبت بواسطة السلطآن مرحبا ابو فهيد انا ارسلت ايميل للدكتور محمد الغامدي بخصوص المادتين وفي انتظار الرد لا تستعجلون و تحطمون انفسكم الامور ان شاء الله سهالات

syma50060 ياخوي الله يجزاك بالخير ما جاك رد على تساؤل ابو فهيد لاني نفس الحاله وانا اخوك

[/quote]

لازلت انتظر رد الدكتور محمد الغامدي على الايميل وساوافيكم بالرد في نفس الموضوع

[syma50060]

المشاركة الأصلية كتبت بواسطة ابوفهيد والي رسب في الرايتنق والريدينق بيشوتونه

ابشركم حبايبي جاكم الفرج ولله الحمد للي رسب في مادتين الريدينق والرايتنق له فرصه الترم الجاي وهذي صوره من الايميل دعواتكم لي وللجميع بالنجاح والتوفيق مستقبلا

اعذروني ما عرفت ارفع الصوره

[السلطآن]

الف الف شكر اخوي syma50060 تعبناك معنا الله يطول بعمرك ويجزاك بالخير

ريحتنا الله يريح قلبك وتنجح

موفقك يابعدي

[فهدالقرني]

السلام عليكم انا اقول ان المروحة هي الي قاعدة تصحح الا وشلون انجح في اصعب مادة (الكتابة)وانا اصلامافتحتها وارسب في مادة لي شهر اذاكرالفوكاب حقها بس اقول حسبي الله ونعم الوكيل الشغلة فيها ان لكن الله يخارجنا ونقول عسى الحظ يدفنا الترم الجاى

[syma50060]

المشاركة الأصلية كتبت بواسطة فهدالقرني السلام عليكم انا اقول ان المروحة هي الي قاعدة تصحح الا وشلون انجح في اصعب مادة (الكتابة)وانا اصلامافتحتها وارسب في مادة لي شهر اذاكرالفوكاب حقها بس اقول حسبي الله ونعم الوكيل الشغلة فيها ان لكن الله يخارجنا ونقول عسى الحظ يدفنا الترم الجاى

ربك يعين اخ فهد لازم من الدفدفه في بعض المواد

[ابوفراس الحربي]

السلام عليكم
مبروك للي نجح وخيرها بغيرها يالي رسب طبعا انا واحد من الي رسبو
ياجماعة خير الريدنق المفروض قطعه وعليها اسئله هذا الي انا اعرفه
بس الي جاني بالاختبار غير تقريبا ثلثين الاسئله مالقيت لها قطعه وهذا الي حيرني
مدري نظام الجامعه يختلف طبعا انا حظرت الاختبار على انو لسننق ولا دريت الا وانا فالجامعه عند القاعه
اسف على الاطاله ومشكورين مقدما والله ييسرلنا امورنا جميع قولو امين

[فتى الغربه]

مبروك للاخوان الي اللذين تجاوزوا ولو ان بعضهم يقول لنا انه لم يذاكر لاكن اقول لهم من هنا "ترى ما كل مره تسلم الجره" فلينتبهوا في بقية الطريق
اما الاخوان اللذين رسبوا فحظا اوفر لهم وعسى ان يكون لهم فيها خيره انا اذكر انني رسبت في ريدنق1 وانا كنت واثق ثقه تامه انني ناجح فيها لانني راجعت الكتاب وتأكدت من اجاباتي انني لن احصل على اقل من 80 وعلى ذلك سافرت من على بعد 1500 كم فقط لاجل مراجعة المادة ولاكن الله ما كتب لي النجاح فيها في ذلك الترم عرفت انه مكتوب ومقدر>> شليت عفشي ورجعت ديرتي
وبعدها اختبرتها الترم الي بعده وجبت فيها درجه حلوه لاكن بصراحة والله يا فائده استفدتها واقول ان ربع ثروتي اللغويه الان من بعد اعادتي لهذه المادة وهذا يدل على ان الواحد يكره الشي وهو لا يعلم ان له فيه خير
فتعوذوا من الشيطان ولا تجعلون هذا الرسوب يزيدكم الا شجاعة واقدام واصرار وهذا طريق النجاح لا بد من وعورته و كثرة عثراته ولستم اول من رسب ولستم اخر من رسب فهناك من كان راسب بالأمس واليوم يحمل الدكتوراه
انا الان متوقع تخرجي ورسبت في مادة والله يا قوة طعنتها في قلبي لاكن هذا مكتوب لنا ونتفاءل الخير من الله سبحانه وتعالى
الله يوفق الجميع لما يحبه ويرضاه

[كاره الرياضيات]

المشاركة الأصلية كتبت بواسطة syma50060 ابشركم حبايبي جاكم الفرج ولله الحمد للي رسب في مادتين الريدينق والرايتنق له فرصه الترم الجاي وهذي صوره من الايميل دعواتكم لي وللجميع بالنجاح والتوفيق مستقبلا اعذروني ما عرفت ارفع الصوره

طيب ياغالي انا راسب في الريدنق....اذا حذفته الترم الجاي وش بيسوون معي