بنات تالتة و رابعة علاج we need a help plz

[bayan sait]

السلام عليكم

صحباتنا الكبار
تعرفو كيف لسا بداية الترم و سنة تانية تايهين حبايبي

فانا فتحت الموضوع دا بطلب اكتر من بنت من تانية علاج لأنو تعرفو صعب نجيبكم الكلاس و نجلس نسأل فيكم معليش استحملونا الله يعطيكم العافية

بس اكتر سؤال شاغل بالنا دحين (من فين نذاكر كل مادة ؟! )
و ايش هو كتاب ال anatomy اللي لازم نشتريه لأنو الدكتورة قالتلنا على تلاتة كتب موعارفين ايش احسن شي

و شكراً مقدماً

[memo_o]

يب الاناتومي انا مره مره مره حايسه فيه وجابلي احباط

مافهمت عليها هيا قالت اشترو ستتمية كتاب

واحد للمقدمه وواحد للابر وواحد للور مدري اش هوا

قولولنا انتو من فين داكرتو دي الماده العبيطه وكمان شي تاني ابا اعرفو من فين اشتري الكتب

وكيف كنتو تسو يعني تاشرو معاها ولا تاشرو من السلايدات ولا تداكرو الكتاب كلو من الجلده للجلده ولا كيف

وبس

مررره مخي ملخبط في دي الماده المصيبه انو ابا ابدا اداكرها لاني احسها مره كلماتها كثيييره

[dr.mahe]

السلام عليكم لو سمحتو أبغى أعرف كل مادة من فين نذاكرها ولا كيف ؟؟ أنا مني عارفة أي حاجة والانجليزي حقي مو مرة تمام يارئييئيئت أحد يقولي طريقة إذا يقدر يفيدني معليش طولت بس مررررة شايلة هم

[Eman al-hindi]

وكلنا في الهوا سوا d=

سهالة إن شاء الله

[memo_o]

محد اعطانا وجه هههههههههههههههههههههههه

[memo_o]

ايوه صح بنات

اش كتاب البايوكمستري ؟؟؟

[روحي معك]

أحبكم يا بنآت قسمي
متحمسين وداعسين ب الاسئله والناآس ما اعطتنا وجه
أنا اضم صوتي لكم مو عارفه شلون اذاكر ونفسي هذا الويك اند امسك لو ماده افهمها لنفسي لان جد ما فهمت شيء > اهم شيء اعترفت ^^

ب انتظار امهاتنا الكبآار يساعدونا .."

[Mecooo]

اهلــين بـ كاتكيت العلاج

الاناتومي راح يكون ليه كتابين
1- كتاب الفودمنتال : اللي هوا الاجهزه الحيويه في الجسم و اسياسيات الاناتومي
2- كتاب lower limb : دا راح تحتاجو بعد الفودمنتال و راح تاخدو كل العضلات في الجزء السفلي من فين طالعه و فين رايحه و ايش العصب المغذي لها واسماء العظام
3- اطلس اناتومي : عشان لما تزاكرو الاناتومي لازم تزاكروها بالصور و كمنا عشان يسهل اللاب معاكم و بالنسبه لـ احسن كتابين للاطلس هما : 1-atlas of human anatomy لـ Frank دااا مررررره حلللو ورائع و واضح جدا و مرره يسهل المزاكره بس انو رسمات عاديه ... 2- clinical atlas of human anatomy لـ McMINN'S دااا حلاوتو انو صور حقيقيه و مرررره برضو جييييييد
و نهايه الترم عـ حسب الدكتوره ازا راح تخليكم تزاكرو عضلات الوجه و البطن من العرض و لامن الكتاب

و ترررا الاناتومي مرررررررررره ماده مهمه لازم تزاكروها اول باول لانو كميتها راح تكون كبيره و ماده جدا مهمه في تخصصنا خصوصا المجيرمينت مبني عليه تقريبا
و في البدايه ممكن تتعبو في المسميات بس راح تسير سهله عليكم ان شاء الله مع الوقت و ممتعه جدا و تصير ماده زي الحلاوه ^__^

[weddah]

والله كم مره اعدي عليكم ابغى اشوف لو عندكم اسئلة والاقي عندكم محاضرات
انتو المشغولين طول اليوم مو احنا

بالنسبة للاناتومي جيبوا اول شي كتاب الجينيرال اسمه
Fundamentals of systemic anatomy

ان شاء الله تلاقوه وحتبدؤوا فيه ما حتاخدوه للنهاية وحيأشرولكم المهم فيه
لمن تخلصوه حتاخدوا اللور بس لسه بدري يعني خلوه لوقته

تقريبا هو الماده الوحيدة اللي لها كتب
باقي المواد الدكاترة يعطوكم المحاضرات ورق او يحطوها لكم في الجهاز

ان شاء الله فهمتوا علي

[Mecooo]

و بالنسبه للمواد التانيه
البايوكميستري : دا من عرووض البوربوينت
الفسيولوجي : من عروض البوربوينت و ممكن Hand out عـ حسب الدكتوره
و مواد التخصص ( المجيرمنت - الهيدرو- الثيرابوتيك - الكترو ) راح تكون شيت عاديه شي للنظري و شي للعملي و ممكن بعض الاحيان من عرض البوربوينت

و اللهـ يوفقكم حبايبي