فين مكتب رئيسة قسم الحاسبات؟

[روبي4]

حبيت أسأل البنات فين مكتب رئيسة القسم حق الحاسبات في مبنى العلوم ؟ الدور 1 ولا 2ولا 3؟
دحين أول ما أروح الجامعة أروح عند رئيسة القسم ولا فين ؟
ياريت كمان تقولوا لي كيف ألاقي المرشدة الأكاديمية حقتي؟
عند مين أتأكد من الجدول وأضيف الأشياء الناقصة؟

[Al()()Sh]

مكتب رئيسة قسم الحاسبات وتقنية المعلومات د.اعتماد الدور الأرضي "الأول" أو a مبنى العلوم لما تروحي عالمبنى الجديد على يدك اليمين مكتبها
والشؤون الأكاديمية للحاسب بيفيدوكي بكل شيء عن مشرفتك وأي سؤال تقدري تسأليهم وهما ح يجاوبوكي عن الجدول ,,,,, ووووو ...........
الشؤون في الدور الثاني في المبنى الجديد في كلية العلوم
والله يوفقنا يارب لخدمة الدين والوطن

[eih]

بتلاقينهم معلقين اوراق في المبنى فيها كل دفعه ومين مرشدتهم
وعلى حسب دفعتك بتعرفي مرشدتك وعندها بتعدلي جدولك

[KOZA]

شوفي ياستي اول شي روحي عند مرشدتك ومرشدتك تكون على حسب رقمك الجامعي .... تحصلي ورقه بدايه السنه معلقه فيها اسماء المرشدات والارقام...زي مثلا 06 نوف الغانمي ووحده ثانيه ناسيه المهم زي كذا ...

وبعدين مازبطت الشغله مع المرشده روحي للرئيسه الدكتوره اعتماد مرا طيبه وتسمع للطالبه وان شاء الله تفيدك...

مكتبها في العلوم الدور الارضي المبني القديم تعرفي وانتى رايحه على دخله المبني الجديد السيب الي قبالو لوكرات تحصليه هناك..

والله يعينك على السكرتيره

[روبي4]

شكرا لكل واحدة ردت علي الله يعينني يبغالي أدور لما أوصل الجامعة لما أقول بس لأني غشيمة في مبنى العلوم

[الغلا لك]

طيب اذا رحت الاربعاء يضبطون لي جدولي ولا لازم السبت

[طالبة مقهوره]

المشاركة الأصلية كتبت بواسطة الغلا لك طيب اذا رحت الاربعاء يضبطون لي جدولي ولا لازم السبت

إنتي روحي السبت و الأحد ,,,,,,,, إلى الأربعاء و أدعي إن الجدول يتعدل <<<فقط عشان لا تتحطمي لو شفتي الواقع

[الغلا لك]

المشاركة الأصلية كتبت بواسطة طالبة مقهوره إنتي روحي السبت و الأحد ,,,,,,,, إلى الأربعاء و أدعي إن الجدول يتعدل <<<فقط عشان لا تتحطمي لو شفتي الواقع

انا قصدي اليوم لو رحت !!!

لا تحطميني اكثر من التحطم اللي انا فيه .,. ماده وحده ملخبط الدنيا كلها .,.