لطلاب وطالبات المستوى السادس فما فوق

[CS وبس]

بسم الله الرحمن الرحيم

السلام عليكم ورحمة الله وبركاته

كيفكم إن شاء الله تكونوا بخير ؟؟

كل عام وأنتم بألف خير وصحة وسلامة

ومن العايدين

الله يسعدكم أبغى آخذ رأيكم في المواد هذه

رياضيات تطبيقية للحوسبة 212

تراكيب بيانات 204

تصميم منطق رقمي 211

ثقافة إسلامية 301

مجموع الساعات 12 ساعة

هل يعتبر قليل ؟؟؟

لأني ماني عارفة مدى صعوبة المواد

أفكر آخذ مادة حرة 3 ساعات ويصير المجموع 15 ساعة

إللي عنده خلفية عن هذه المواد يا ليت يفيدني بمدى صعوبتها

وإللي تعرف أستاذات المواد يا ليت تساعدني وأكون شاكرة لها

جزاكم الله خير

[red flower]

وعليكم السلام ورحمة الله وبركاته

وكل عام وانتي بخير

بالنسبه للمواد اللي سألتي عنها


رياضيات تطبيقية للحوسبة 212

مررره سهله وبسيطه
واغلب المنهج معلومات قديمه ومكرره
بالنسبه للأستاذات انا اخذتها مع أ. نهى
والمعمل مع أ. هيلين
الاثنين كويسين
بس لو في مجال تآخذي مع استاذه غير نهى يكون افضل لك
لأن اسلوبها كأننا في مدرسه
مره مو اسلوب جامعي


تراكيب بيانات 204

اممممممم مو سهله
بس مو مره صعبه
لكن تحتاج تركيز ومجهود شويه
اخذتها مع د. زينب
وبصراحه ممتااااااازه
واسألتها مره حلوه وعلى قد شرحها


تصميم منطق رقمي 211

بصراحه انا شفتها صعبه وماحبيتها
ماادري يمكن غيري يكون شافها حلوه
بس انا مررره تعبت فيها بصراحه

اخذتها مع د. ليلى
وطبعا كانت جدا ً جدا ً سيئه .. بس سافرت ومارح ترجع خلاص
وغالبا ً حتآخذيها مع أ.دلال زهران
بس مااعرف اسلوبها



ثقافة إسلامية 301

اسهل مستويات الثقافه
مرره سهل وحلو
ومن واقع الحياه
يعني حتى مايحتاج مذاكره

مجموع الساعات 12 ساعة هل يعتبر قليل ؟؟؟

قليل
بس انصحك ماتآخذي اكثر من كذا
لأن 204 و 211 تحتاج مجهود منك
فلا تضغطي على نفسك

الا اذا اخذتي ماده حره مره سهله
وقتها ممكن تآخذيها


وطبعا استخيري افضل شي





بالتوفيق

[CS وبس]

أختي red flower

الله يسعدك ويوفقك وتتخرجي بامتياز قولي آمين

مرررررة شكرا عالمعلومات

طيب عندي سؤالين عن المواد هذه

فيها معامل ولا محاضرات حل تمارين ؟؟

وهل فيها مشاريع أو بحوث ؟؟

معليش تعبتكم معايا

[red flower]

العفو ياعسل

بالنسبه لسؤالك

طيب عندي سؤالين عن المواد هذه فيها معامل ولا محاضرات حل تمارين ؟؟ وهل فيها مشاريع أو بحوث ؟؟

رياضيات تطبيقية للحوسبة 212

فيها معمل
بس خفيف وسهل .. لاتشيلي همه
ومافيها لا مشروع ولا تمارين


تراكيب بيانات 204

برضو نفس الشي
فيها معمل .. بس بصراحه مو سهل
و يعتمد اعتماد كبير على استاذة المعمل



تصميم منطق رقمي 211

مافيها معمل
ولا مشروع
بس فيها سيكشن للتمارين
وطبعا حسب طريقة كل استاذه
انا لما اخذته .. كانت دكتورتنا تطلب اننا نحل التمارين بنفسنا في البيت
وفي محاضرة التمارين تشرح التمارين الصعبه اللي الكل ماعرف يحلها




موفقه يارب

[CS وبس]

غريبة توقعت تراكيب بيانات يكون فيها مشروع ( زي الجافا )

مشكووووووورة يا قلبي كلامك طمني

يسعدك ربي